ଦାଦନ ଖଟିବାକୁ ଯାଇ ନିଖୋଜ ମୋହନାର ଉଜ୍ଜଳ ମଳିକ । ୨ ବର୍ଷ ହେଲା ପୁଅର ଫେରିବା ବାଟକୁ ଚାହିଁ ରହିଛନ୍ତି ବୁଢି ମାଆ
କନକ ବ୍ୟୁରୋ : ନିଜ ଅଂଚଳରେ କାମ ନମିଳିବାରୁ ୨ ବର୍ଷ ତଳେ ପିଲାଛୁଆଙ୍କୁ ଛାଡି ଦାଦନ ଖଟିବାକୁ ରାଜ୍ୟ ବାହାରକୁ ଯାଇଥିଲେ ଉଜ୍ଜଳ ମଳିକ । ଦୁଇ ପିଲା, ବୁଢି ମାଆ ଓ ସ୍ତ୍ରୀ ପେଟ ପାଇଁ ଦାନା ଯୋଗାଡ କରିବାକୁ ଘର ଛାଡିଥିଲେ । ଗାଁର ଅନ୍ୟ ଲୋକଙ୍କ ସହ ମିଶି ଦାଦନ ଖଟିବାକୁ ବାହାର ରାଜ୍ୟକୁ ଯାଇଥିଲେ । ଏହାରି ଭିତରେ ଗାଁର ଅନ୍ୟ ଲୋକମାନେ ଘରକୁ ଫେରି ଆସିଲେଣି । ହେଲେ ଉଜ୍ଜଳ ଆସୁନାହାନ୍ତି କି ତାଙ୍କ ବାବଦରେ କୌଣସି ଖବର ଆସୁନାହିଁ । ସ୍ୱାମୀଙ୍କ ପତା ନପାଇ ସ୍ତ୍ରୀ ମେ ମାସ ୩ ତାରିଖରୁ ମୋହନା ଥାନାରେ ଅଭିଯୋଗ କରିଛନ୍ତି, ହେଲେ ଏଯାଏଁ କୌଣସି ସୁଫଳ ମିଳିନଥିବା ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଘରର ଏକମାତ୍ର ରୋଜଗାରିଆ ବ୍ୟକ୍ତିଙ୍କ ଖୋଜ ଖବର ମିଳୁନଥିବା ବେଳେ ଓଳିଏ ଖାଇ ଓଳିଏ ଉପାସ ରହୁଛନ୍ତି ତାଙ୍କ ପରିବାର । ଅନେକ ଖୋଜାଖୋଜି କରିବା ପରେ ମ୍ବାମୀଙ୍କ ବାବଦରେ ଜାଣିବା ପାଇଁ ଏବେ ଅନ୍ଧବିିଶ୍ୱାସକୁ ଭରସା କରିଛନ୍ତି ସ୍ତ୍ରୀ । ସାଧୁ ସଂଥ ଓ ତନ୍ତ୍ର ବିଦ୍ୟାର ସାହାରା ନେଇଛନ୍ତି ମମିତା ।
ଦାନା ଯୋଗାଡ କରିବାକୁ ଯାଇ ହଜି ଯାଇଥିବା ପୁଅର ଫେରିବା ବାଟକୁ ଚାତକ ପରି ଚାହିଁ ରହିଛି ବୁଢି ମାଆ