ମୁଖ୍ୟ ଶାସନ ସଚିବଙ୍କୁ ବିରୋଧୀଦଳ ମୁଖ୍ୟ ସଚେତକଙ୍କ ଚିଠି : ଶିମିଳିପାଳ ସମେତ ୯୧୯ ଜଙ୍ଗଲରେ ବ୍ୟାପୁଥିବା ନିଆଁକୁ ଯଥାଶୀଘ୍ର ଆୟତ୍ତକୁ ଆଣିବା ପାଇଁ ଦାବି
କନକ ବ୍ୟୁରୋ : ଏବେ ବି ଜଳୁଛି ଶିମିଳିପାଳ । ଶିମିଳିପାଳ ସମେତ ରାଜ୍ୟରେ ଏପର୍ଯ୍ୟନ୍ତ ୯୧୯ ଜଙ୍ଗଲରେ ବ୍ୟାପୁଥିବା ନିଆଁକୁ ଯଥାଶୀଘ୍ର ଆୟତ୍ତକୁ ଆଣିବା ପାଇଁ ମୁଖ୍ୟ ଶାସନ ସଚିବଙ୍କୁ ବିରୋଧୀ ଦଳ ମୁଖ୍ୟ ସଚେତକଙ୍କ ଚିଠି । ସେ ଚିଠିରେ ଉଲ୍ଲେଖ କରିଛନ୍ତି ଯେ, ଦୀର୍ଘ ୧୦ ଦିନରୁ ଉଦ୍ଧ୍ୱର୍ ହେବ ଓଡିଶାର ସବୁଜ ବନାନୀ ହୁ ହୁ ହୋଇ ଜଳିଯାଉଛି । କିନ୍ତୁ ଜଙ୍ଗଲ ବିଭାଗ କିମ୍ବା ରାଜ୍ୟ ସରକାରଙ୍କ ଏଥିପତ୍ରି ଦୃଷ୍ଟି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସପ୍ତାହେରୁ ଅଧିକ ସମୟ ଧରି ହୁତୁହୁତୁ ହୋଉ ଜଳୁଛି ଶିମିଳିପାଳ ଅଭୟାରଣ୍ୟ ଜଙ୍ଗଲର ଦୁଧିଆଣି, ତାଳବନ୍ଧ, ଗୁରୁହୁଡିଆ, କେନ୍ଦୁମୁଣ୍ଡି ଓ ବରେହିପାଣି ଭଳି ପ୍ରାୟ ୧୦ଟି କୋର୍ ଏରିଆରେ ନିଆଁ ଲାଗିବା ସବ ବରଫ ଏରିଆରେ ଥିବା ପିଠାବଟା ରେଞ୍ଜ ଖସାଡିହା ଜଙ୍ଗଲରେ ବି ବ୍ୟାପିବାରେ ଲାଗିଛି ନିଆଁ । କେବଳ ଶିମିଳିପାଳ ଅଭୟାରଣ୍ୟ ନୁହେଁ , ନୀଳଗିରି ସ୍ଥିତ ସଂରକ୍ଷିତ ଅଭୟାରଣ୍ୟରେ ମଧ୍ୟ ନିଆଁ ଲାଗିଛି । ନଣ୍ଡିଆ ପର୍ବତ ଶିଖରରୁ ଆରମ୍ଭ ହେଉଥିବା ନିଆଁ ଏବେ ବହୁ ଅଞ୍ଚଳରେ ବ୍ୟାପି ଗଲାଣି । ଭୟାବହ ନିଆଁ ଦ୍ୱାରା ଅଭୟାରଣ୍ୟରେ ଥିବା ହରିଣ, ହାତୀ, ଭାଲୁ,ଶମ୍ବର ଓ ଅନ୍ୟ ବନ୍ୟଜନ୍ତୁଙ୍କ ପ୍ରତି ବିପଦ ଆଶଙ୍କା ରହିଛି । ଜଙ୍ଗଲ ନିକଟରେ ଥିବା ୨୦ରୁ ଅଧିକ ଗାଁ ଏବେ ବି ଭୟଭୀତ ।
ସେହିଭଳି ଜଙ୍ଗଲ ନିଆଁ ଏବେ ରାଜଧାନୀକୁ ମଧ୍ୟ ମାଡିଲାଣି । ଭୁବନେଶ୍ୱର ଖଣ୍ଡଗିରି ପାହାଡରେ ଥିବା ଜଙ୍ଗଲରେ ନିଆଁ ଲାଗିଥିବା ନେଇ ଖବର ସାମ୍ନାକୁ ଆସିଥିବା ବେଳେ ବାଲେଶ୍ୱର ଜିଲ୍ଲା ନୀଳଗିରି-ଉଦଳା ରାସ୍ତାରେ ଥିବା ତିନିକୋଶିଆ ଜଙ୍ଗଲ ମଧ୍ୟ ଜଳୁଛି । ଗତ ୫ବର୍ଷ ହେଲାଣି ଜଙ୍ଗଲ ବିଭାଗ ଦ୍ୱାରା ଗ୍ରୀଷ୍ମ ଆରମ୍ଭ ହେବା ପୂର୍ବରୁ ଜଙ୍ଗଲ ନିଆଁକୁ କାବୁ କରିବା ପାଇଁ ଅତ୍ୟାଧୁନିକ ଯନ୍ତ୍ରପାତି କିଣାଯାଉଛି ଓ ଏଥିପାଇଁ ଏକ ସ୍ୱତନ୍ତ୍ର ବଜେଟ୍ ଅଛି ଯାହାକି ଏବେ ୨୦କୋଟି ଟଙ୍କା ଟପିଲାଣି । ମାତ୍ର ଏତେସବୁ ଗାଇଡଲାଇନ୍ ଓ ଏସଓପି ସତ୍ୱେ ଜଙ୍ଗଲ ନିଆଁକୁ ଆୟତ୍ତ କରାଯାଇନାହିଁ । ଓଡିଶାର ସବୁଜ ବନାନୀ ଏବଂ ଜୈବ-ବିବିଧତା କିପରି ସୁରକ୍ଷିତ ରହିବ ଏବଂ ଜଙ୍ଗଲ ସୁରକ୍ଷାର ଗାଇଡଲାଇନ ଓ ଏସଓପିକୁ କଡାକଡି ଭାବେ ପାଳନ ପାଇଁ ଦୃଷ୍ଟିଦେବାକୁ ନିବେଦନ ।