ତାମିଲନାଡୁର ଶିବଗଙ୍ଗାରେ ଭୋଟ ଦେଲେ ପି ଚିଦାମ୍ବରମ୍ । କହିଲେ, ଇଣ୍ଡିଆ ମେଣ୍ଟର ହେବ ବିଜୟ । ନାଗପୁରରେ ଭୋଟ ଦେଲେ ମୋହନ୍ ଭାଗୱତ୍ ।
କନକ ବ୍ୟୁରୋ: ୨୦୨୪ ସାଧାରଣ ନିର୍ବାଚନ ପ୍ରଥମ ପର୍ଯ୍ୟାୟ ମତଦାନ ଆରମ୍ଭ ହୋଇଛି । ୨୧ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ସକାଳ ୭ଟାରୁ ଆରମ୍ଭ ହୋଇଛି ଭୋଟିଂ । ୧୦୨ ଆସନରେ ମତଦାନ ଚାଲିଥିବା ବେଳେ ଭୋଟ ଦେଇ ୧୬ଶହରୁ ଅଧିକ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ଭୋଟର ।
Kanak News is now on WhatsApp
Join and get latest news updates delivered to you via WhatsApp
ଆଜି ସକାଳୁ ସକାଳୁ ତାମିଲନାଡୁର ଶିବଗଙ୍ଗାର ମତଦାନ କେନ୍ଦ୍ରରେ ଭୋଟ ଦେଇଛନ୍ତି ବରିଷ୍ଠ କଂଗ୍ରେସ ନେତା ପି ଚିଦାମ୍ବରମ । ମତଦାନ କରିବା ପରେ ସେ କହିଛନ୍ତି ତାମିଲନାଡୁର ସମସ୍ତ ଲୋକସଭା ଆସନରେ ଇଣ୍ଡିଆ ଗ୍ରୁପର ପ୍ରାର୍ଥୀ ବିଜୟୀ ହେବେ । ସେପଟେ ସାଲେମ ମତଦାନ କେନ୍ଦ୍ରରେ ଭୋଟ ଦେଇଛନ୍ତି ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ କେ ପଲାନାସ୍ୱାମୀ । ସେହିପରି ନାଗପୁରରେ ଭୋଟ ଦେଇଛନ୍ତି ଆରଏସଏସ ମୁଖ୍ୟ ମୋହନ ଭାଗୱତ୍ । ମତଦାନ କରିବା ପରେ ସେ କହିଛନ୍ତି, ମତଦାନ କରିବା ଆମର କର୍ତ୍ତର୍ବ୍ୟ ଓ ଅଧିକାର, ଦେଶରେ ଶହେ ପ୍ରତିଶତ ମତଦାନ ହେବା ଉଚିତ ।