ବାହାଘର କାର୍ଡରେ ବର ମାଗିଲେ ଭୋଟ୍ ! ଗିପ୍ଟ ଦିଅ କି ନଦିଅ ମୋଦିଙ୍କୁ ଭୋଟ ଦିଅ ।
ମୋ ବାହାଘରରେ ମତେ ଉପହାର ଦିଅ କି ନଦିଅ, କିନ୍ତୁ ୨୦୧୯ ନିର୍ବାଚନରେ ମୋଦିଙ୍କୁ ନିଶ୍ଚୟ ଭୋଟ ଦିଅ ।
ମୋ ବାହାଘରରେ ମତେ ଉପହାର ଦିଅ କି ନଦିଅ, କିନ୍ତୁ ୨୦୧୯ ନିର୍ବାଚନରେ ମୋଦିଙ୍କୁ ନିଶ୍ଚୟ ଭୋଟ ଦିଅ । କିଛି ଏହି ଭଳି ଢଙ୍ଗରେ ବିବାହ କାର୍ଡରେ ମୋଦିଙ୍କ ପାଇଁ ଭୋଟ୍ ମାଗି କର୍ଣ୍ଣାଟକର ଜଣେ ଯୁବକ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କର୍ଣ୍ଣାଟକର ମଙ୍ଗଲୋର ନିକଟସ୍ତ ଉଲ୍ଲାଲ ଗ୍ରାମରେ ବାସ କରୁଥିବା ପ୍ରବୀଣ କୁମାର ନାମକ ଜଣେ ଯୁବକ ବିବାହ କାର୍ଡରେ ମୋଦିଙ୍କ ପାଇଁ ଭୋଟ ଭିକ୍ଷା କରି ଏବେ ସାରା ରାଜ୍ୟରେ ଏକ ଚର୍ଚ୍ଚାର ବିଷୟ ପାଲଟିଛନ୍ତି । ସାଧାରଣତଃ ବିବାହ କାର୍ଡରେ ଲୋକମାନେ ଗଣେଷ କିମ୍ବା ତାଙ୍କ ଧର୍ମର ପୁଜ୍ୟ ଦେବା ଦେବୀଙ୍କ ଫଟୋ ଲଗାଇଥାନ୍ତି । କାରଣ ଭଗବାନଙ୍କ ଫଟୋ ବିବାହ କାର୍ଡରେ ରହିଲେ ତାହା ଶୁଭ ବୋଲି ପୂର୍ବରୁ ଏକ ପ୍ରକାର ପରମ୍ପରା ପ୍ରଚଳିତ ହୋଇଆସିଛି । କିନ୍ତୁ ନିକଟରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିବା ଯୁବକ ତାଙ୍କ ବିବାହ କାର୍ଡରେ ମୋଦିଙ୍କ ଫଟୋ ଲଗାଇବା ସହ ତାଙ୍କ ବାହାଘରରେ ତାଙ୍କୁ ଉପହାର ନଦେଇ ମୋଦିଙ୍କୁ ୨୦୧୯ ନିର୍ବାଚନରେ ଭୋଟ ଦେଇ ଜିତାଇବା ପାଇଁ ଅନୁରୋଧ କରିଛନ୍ତି ।
ପ୍ରବୀଣ କୁମାରଙ୍କ ବିବାହ ଡିସେମ୍ବର ମାସରେ ହେବାକୁ ଥିବା ବେଳେ ଏବେ ଠାରୁ ତାଙ୍କର କାର୍ଡ ବଣ୍ଟନ ଆରମ୍ବ ହୋଇଯାଇଛି । ତେବେ ଏହାକୁ ନେଇ ପ୍ରବୀଣ କହିଛନ୍ତି, ନରେନ୍ଦ୍ର ମୋଦି ଦେଶ ବିଦେଶରେ ନିଜର ଏକ ପ୍ରଧାନ୍ୟ ବିସ୍ତାର କରିବାରେ ସଫଳ ହୋଇଛନ୍ତି । ସେ ଲୋକମାନଙ୍କ ପାଇଁ ଅନେକ ଭଲ କାମ କରିଛନ୍ତି । ତେଣୁ ମୁଁ ମୋ ବିବାହ କାର୍ଡରେ ମୋଦିଙ୍କ ପାଇଁ ଭୋଟ ଭିକ୍ଷା କରିଛି । ଏଥିରେ ପ୍ରବୀଣଙ୍କ ମା’ ମଧ୍ୟ ବେଶ୍ ଖୁସି ଅଛନ୍ତି ।