କନକ ବ୍ୟୁରୋ : ବିଳମ୍ବରେ ପହଞ୍ଚିବେ ପ୍ରଧାନମନ୍ତ୍ରୀ ମୋଦି । ନିର୍ଦ୍ଧାରିତ ସମୟର ୧ ଘଣ୍ଟା ବିଳମ୍ବରେ ମୋଦି ଓଡ଼ିଶାରେ ପହଞ୍ଚିବେ ବୋଲି ସୂଚନା ମିଳିଛି । ବିଜେପି ସରକାରର ୪ ବର୍ଷ ପୂର୍ତ୍ତି ଉପଲକ୍ଷେ କଟକରେ ଆୟୋଜିତ ଏକ ସାଧାରଣ ସଭାକୁ ସମ୍ବୋଧନ କରିବେ ମୋଦି । ଏଥିପାଇଁ ଅପରାହ୍ନ ୩.୨୫ରେ ଭୁବନେଶ୍ୱର ବିମାନବନ୍ଦରରେ ପହଞ୍ଚିଥାନ୍ତେ ମୋଦି । କିନ୍ତୁ ଏହି କାଯ୍ୟସୂଚୀରେ ସାମାନ୍ୟ ପରିବର୍ତ୍ତନ ହୋଇଛି । ମୋଦି ଅପରାହ୍ନ ୩ଟା ୨୫ ବଦଳରେ ପାଖାପାଖି ୪.୩୦ରେ ଭୁବନେଶ୍ୱରରେ ପହଞ୍ଚିବେ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ, ମୋଦି ଅପରାହ୍ନ ୩ଟା ୨୫ ମିନିଟରେ ସ୍ୱତନ୍ତ୍ର ବିମନେ ଯୋଗ ଭୁବନେଶ୍ୱର ବିମାନ ବନ୍ଦରରେ ପହଞ୍ଚି ବାର କାର୍ଯ୍ୟକ୍ରମ ରହିଥିଲା । ଭୁବନେଶ୍ୱର ବିମାନବନ୍ଦରରୁ ଏକ ହେଲିକ୍ଟପର ଯୋଗେ ମୋଦି କଟକ ବାଲିଯାତ୍ରା ପଡ଼ିଆରେ ପହଞ୍ଚି ଆୟୋଜିତ ସାଧାରଣ ସଭାରେ ଉଦବୋଧନ ଦେଇଥାନ୍ତେ । କିନ୍ତୁ ଏବେ ମୋଦି ପ୍ରାୟ ଏକ ଘଣ୍ଟା ବିଳମ୍ବରେ ପହଞ୍ଚିବା ନେଇ ସୂଚନା ମିଳିଛି ।
ମୋଦିଙ୍କ ଗସ୍ତ ପୂର୍ବରୁ ସଭାସ୍ଥଳରେ ଉତ୍ତେଜନା ଦେଖାଦେଇଛି । କିଛି ସାଧାରଣ ଲୋକ ମିଡ଼ିଆ ଗ୍ୟାଲେରୀକୁ ଧସେଇ ପଶିବାରୁ ଉତ୍ତେଜନା ଦେଖାଦେଇଛି । ଏଥିପାଇଁ ପୋଲିସ-ସାଧାରଣ ଲୋକଙ୍କ ମଧ୍ୟରେ ବଚସା ଦେଖିବାକୁ ମିଳିଛି । ତେବେ ମୋଦିଙ୍କ ଗସ୍ତକୁ ଦୃ୍ଷ୍ଟିରେ ରଖି କଟକ ସହରରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି ।