ବିହାର ରାଜନୀତିରେ ମୋଦୀ ବନାମ ତେଜସ୍ୱୀ । ପ୍ରଧାନମନ୍ତ୍ରୀଙ୍କୁ ତେଜସ୍ୱୀଙ୍କ ଜବାବ । କହିଲେ, ସେ ପ୍ରଧାନମନ୍ତ୍ରୀ କିଛି ବି କହିପାରିବେ, ବିହାର ଆସି ଏଡାଇ ଗଲେ ମୁଖ୍ୟ ପ୍ରସଙ୍ଗ । ତେଜସ୍ୱୀଙ୍କ ଜଙ୍ଗଲରାଜର ଯୁବରାଜ କହିଥିଲେ ମୋଦୀ
କନକ ବ୍ୟୁରୋ : ବିହାର ରାଜନୀତିର ମୋଡ ବଦଳାଇଦେବା ଭଳି ଶକ୍ତି ରଖିଥିବା ତେଜସ୍ୱୀ ଯାଦବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଟାର୍ଗେଟର ଜବାବ ରଖିଛନ୍ତି । ଜଙ୍ଗଲରାଜର ଯୁବରାଜ କହି ତେଜସ୍ୱୀଙ୍କ ଉପରେ ଆକ୍ରମଣ କରିଥିଲେ ମୋଦୀ । ବେକାରୀ ଓ ଚାକିରି ସମସ୍ୟାରେ ତେଜସ୍ୱୀ ବିଜେପି ଓ ଜେଡିୟୁକୁ ଘେରୁଛନ୍ତି । ଏବେ ମୋଦୀଙ୍କୁ ଜବାବ ଦେଇ ତେଜସ୍ୱୀ କହିଛନ୍ତି, ସେ ପ୍ରଧାନମନ୍ତ୍ରୀ ସେ ଯାହା ଚାହିଁବେ କହିପାରିବେ । କିନ୍ତୁ ସେ ବିହାରକୁ ଆସି ମଧ୍ୟ ମୁଖ୍ୟ ପ୍ରସଙ୍ଗ ଏଡାଇ ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର କରୁଥିବା ମୋଦୀ ଏଥର ୧୫ବର୍ଷ ଶାସନରେ ଥିବା ନୀତିଶ ସରକାରର କଥା ନଉଠାଇ ଲାଲୁଙ୍କ ଜଙ୍ଗଲରାଜକୁ ଟାର୍ଗେଟ କରିଥିଲେ । ଜଙ୍ଗଲରାଜର ଯୁବରାଜ କହି ତେଜସ୍ୱୀଙ୍କ ଉପରେ ଆକ୍ରମଣ କରିଥିଲେ ମୋଦୀ । ଶୁଣନ୍ତୁ ସେ କଣ କହିଥିଲେ ।
ସେପଟେ ନୀତିଶଙ୍କୁ ଟାର୍ଗେଟ କରୁଥିବା ଚିରାଗ ପାଶୱାନ ନିଜକୁ ବିଜେପି ଠାରୁ ଅଭିନ୍ନ ବୋଲି କହିଛନ୍ତି । ଏବଂ ୧୦ତାରିଖ ପରେ ବିହାରରେ ବିଜେପି ଓ ଏଲଜେପିର ସରକାର ଗଠନ ହେବ ବୋଲି କହିଛନ୍ତି ଚିରାଗ ।
ବିହାର ନିର୍ବାଚନରେ ଏନଡିଏ ବିରୋଧରେ ମହାମେଂଟର ମଙ୍ଗ ଧରିଛନ୍ତି ତେଜସ୍ୱୀ । ସରକାରୀ ଚାକିରି, ରୋଜଗାର, ଦାଦନ ଶ୍ରମିକ ଭଳି ଯୁବବର୍ଗଙ୍କୁ ପ୍ରଭାବିତ କରୁଥିବା ପ୍ରସଙ୍ଗରେ ଜନମତ ସୃଷ୍ଟି କରୁଛନ୍ତି । ହେଲେ ଜେଡିୟୁ, ବିଜେପି ଭଳି ଏନଡିଏ ମେଂଟ କେବଳ ୧୫ବର୍ଷ ଲାଲୁରାଜ କଥା କହି ଭୋଟରଙ୍କ ଭରସା ଜିତିବାକୁ ପ୍ରୟାସ ଚଳାଇଛନ୍ତି ।