ସ୍ୱୟଂ ସହାୟକ ଗୋଷ୍ଠୀଙ୍କୁ ମୋଦିଙ୍କ ସମ୍ବୋଧନ : କହିଲେ, ପ୍ରତ୍ୟେକ କ୍ଷେତ୍ରରେ ମହିଳାଙ୍କ ଭୂମିକା ଗୁରୁତ୍ୱପୂର୍ଣ୍ଣ
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ୱୟଂ ସହାୟକ ଗୋଷ୍ଠୀଙ୍କୁ ସମ୍ବୋଧନ କରି କହିଛନ୍ତି ଯେ, ଆଜି ଆମେ ଯଦି ଭାରତରେ ଦେଖିବା ତେବେ ଜାଣିପାରିବା ମହିଳାମାନେ କୈାଣସି କ୍ଷେତ୍ରରେ ପଛରେ ନାହାନ୍ତି । ସେମାନେ ନିଜ କାମକୁ ଅତ୍ୟନ୍ତ ନିଖୁଣତାର ସହ ସମ୍ପାଦନ କରିୁଛନ୍ତି । ଆମ ଦେଶରେ ଯେଉଁ ଭଳି କୃଷକ ମାନଙ୍କର ବିକାଶ ହେଉଛି ତାହା କେବଳ ମହିଳାମାନଙ୍କ ପାଇଁ ସମ୍ଭବ ହୋଇପାରିଛି । ସେମାନଙ୍କ ବିନା ଆମେ ମାନେ ବିକାଶ କଥା ଚିନ୍ତା କରିବା ହିଁ ବୃଥା ବୋଲି ମୋଦୀ କହିଛନ୍ତି । ଏହିକଥା ସେ ସ୍ୱୟଂ ସହାୟକ ଗୋଷ୍ଠୀକୁ ନଜରରେ ରଖି କହିଥିବା ଜଣାପଡିଛି । ଏହାସହ ସେ କହିଛନ୍ତି କି ମୋର ସୋଭାଗ୍ୟ ମୁଁ ୧ କୋଟି ମହିଳାମାନଙ୍କୁ ସମ୍ଭୋଧୋନ କରିପାରୁଛି । ଏହି ମହିଳାମାନେ ସାରା ଦେଶ ପାଇଁ ଉଦାହରଣ ।
Kanak News is now on WhatsApp
Join and get latest news updates delivered to you via WhatsApp
ମୋଦି କହିଛନ୍ତି ଯେ, ଆମେ ଯେତେବେଳେ ମହିଳାସଶକ୍ତି କରଣ କଥା କହୁଛନ୍ତି, ତାହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିଷୟ ବୋଲି ଆମେ ମାନେ ଭାବିବା ଦରକାର । ସେମାନେ ନିଜେ ରୋଜଗାର କରି ପରିବାର ଚଳାଉଥିବା ସହ ନିଜର ଏକ ସ୍ୱତନ୍ତ୍ର ପରିଚୟ ମଧ୍ୟ ସୃଷ୍ଟି କରିପାରିଛନ୍ତି । ଆଜିକା ଦିନରେ ଆପଣ ଯେଉଁ ବିଭାଗ ଦେଖିବେ ସେଠାରେ ମହଳିମାନେ ହିଁ କାମ କରୁଥିବାର ଦେଖାଯିବ । ଆମ ଦେଶର ଗ୍ରାମୀଣ ଅଞ୍ଚଳ ସହ ସାରା ଦେଶରେ ମହିଳାମାନେ ଆଗକୁ ବଢିବାରେ ଲାଗିଛନ୍ତି । ଏହାହ୍ୱାରା ଦେଶରେ ଗରୀବି ସମସ୍ୟା ମଧ୍ୟ କମ ହୋଇଛି ଏବଂ ଆର୍ଥିକ ଓ ସାମାଜିକ କ୍ଷେତ୍ରରେ ମଧ୍ୟ ଉନ୍ନତି ହୋଇଛି ।
ମୋଦିଏହାସହ କହିଛନ୍ତି ଦୀନଦୟାଳୁ, ଅନ୍ତଦୋୟ, ରାଷ୍ଟ୍ରୀୟ ଗ୍ରାମୀଣ ଯୋଜନାରେ ସେମାନେ ଅନ୍ତର୍ଭୁକ୍ତ ହୋଇଛନ୍ତି । ସେମାନେ ଆଗକୁ ମଧ୍ୟ ଅନେକ କ୍ଷେତ୍ରରେ ବିକାଶ କରିବେ ବୋଲି ମୋର ବିଶ୍ୱାସ ରହିଛି । ସମସ୍ତ ରାଜ୍ୟରେ ମହିଳାମାନଙ୍କ ପାଇଁ ଅନେକ ଯୋଜନା କରାଯାଇଛି । ତେବେ ସମସ୍ତ ରାଜ୍ୟର ଅଧିକାରୀମାନଙ୍କୁ ମୁଁ ଅଭିନନ୍ଦନ ଦେବା ସହ କିପରି ଭାବରେ ସେମାନେ ଆହୁରି ଭଲ କାମ କରିବେ ତାହା ଉପରେ ଧ୍ୟାନ ଦେବାର ଆବଶ୍ୟକତା ରହିଛି । ପୂର୍ବ ଅପେକ୍ଷା ଦେଶରେ ବର୍ତ୍ତମାନ ସମୟରେ ଅଧିକ ମହିଳାଙ୍କ କ୍ଷେତ୍ରରେ ବିକାଶ ହୋଇ ପାରିଛି । ଏହାଦ୍ୱାରା ସେମାନେ ନିଜର ଉନ୍ନତି କରିପାରୁଛନ୍ତି ।
ଆମେ ଯଦି ଛତିଶଗଡର ଉଦାହରଣ ନେବା ସେଠାରେ ମହିଳାମାନେ ଯେପରି ଉନ୍ନତି କଲେ ସେପରି ଭାବରେ ସାରା ଦେଶର ମହିଳାମାନେ ଉନ୍ନତି କରିବାର ଆବଶ୍ୟକତା ରହିଛି । ସେଠାରେ ୨୨ ଜିଲ୍ଲାରେ ୧୨୨ ବିହନ ‘ବଜାର ସ୍ଥାପିତ’ କରାଯାଇଛି । ମଧ୍ୟ-ପ୍ରଦେଶରେ ମଧ୍ୟ ଅନେକ ବଜାର ଏପରି ରହିଛି ତେବେ ସାରା ଦେଶରେ ଏପରି ହେବାର ଆବଶ୍ୟକତା ରହିଛି ଯେଉଁଥିରେ ଆମ ଦେଶ ଆଗକୁ ବଢିପାରିବ ବୋଲି ମୋଦୀ କହିଛନ୍ତି ।