ବ୍ରିଗେଡ୍ ଗ୍ରାଉଣ୍ଡରୁ ବିରୋଧୀଙ୍କୁ ଜବାବ ଦେଲେ ମୋଦି । କହିଲେ, ହଁ..ମୁଁ ମୋ ସାଙ୍ଗଙ୍କ ପାଇଁ କାମ କରୁଛି । କାହିଁକି ନା ପ୍ରତିଟି ଗରିବ ମୋ ସାଙ୍ଗ ।
କନକ ବ୍ୟୁରୋ: ପଶ୍ଚିମବଙ୍ଗ ବିଧାନସଭା ନିର୍ବାଚନ ପୂର୍ବରୁ ଆଜି ବ୍ରିଗେଡ୍ ଗ୍ରାଉଣ୍ଡରେ ଜନସଭାକୁ ସମ୍ବୋଧିତ କରିବା ସହିତ ଶକ୍ତି ପ୍ରଦର୍ଶନ କରିଛନ୍ତି ପ୍ରଧାନମନ୍ତ୍ରୀ ମୋଦି । ବ୍ରିଗେଡ୍ ଗ୍ରାଉଣ୍ଡରୁ ହିଁ ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରିବା ସହିତ ପଶ୍ଚିମବଙ୍ଗରେ ବିଜେପି ସରକାର ଗଢିବ ବୋଲି ଦୃଢୋକ୍ତି ପ୍ରକାଶ କରିଛନ୍ତି । ମୋଦି କହିଛନ୍ତି ଯେ, ବିରୋଧୀମାନେ ଏବେ କହୁଛନ୍ତି ସେ ତାଙ୍କ ସାଙ୍ଗମାନଙ୍କ ପାଇଁ କାମ କରୁଛନ୍ତି ଏବଂ ସେମାନଙ୍କୁ ଜବାବ ଦେଇ ମୋଦି କହିଛନ୍ତି , ହଁ ସେ ତାଙ୍କ ସାଙ୍ଗଙ୍କ ପାଇଁ କାମ କରୁଛନ୍ତି । କାହିଁକି ନାଁ ଭାରତରେ ରହୁଥିବା ପ୍ରତିଟି ଗରିବ ତାଙ୍କ ସାଙ୍ଗ ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ତାଙ୍କ ସରକାର ଦ୍ୱାରା କରାଯାଇଥିବା ପ୍ରତିଟି କାମ ଗରିବମାନଙ୍କର କଲ୍ୟାଣ ପାଇଁ ଉଦ୍ଦିଷ୍ଟ ବୋଲି ସେ କହିଛନ୍ତି । ବିଶେଷ କରି ଟି-ଗାର୍ଡେନରେ କାମ କରୁଥିବା ପ୍ରତିଟି ଭାଇ-ଭଉଣୀ ତାଙ୍କ ପାଇଁ ସବୁଠୁ ଅଧିକ ଗୁରୁତ୍ୱପୂଣ୍ଣ ବୋଲି ସେ କହିଛନ୍ତି ।
ପଶ୍ଚିମବଙ୍ଗ ରାଲିରେ ମୋଦି ଶ୍ୟାମା ପ୍ରକାଶ ମୁଖାର୍ଜୀଙ୍କୁ ମଧ୍ୟ ମନେ ପକାଇଛନ୍ତି । ଏହାସହ ବେଙ୍ଗଲରୁ ବାହାରିଥିବା ପ୍ରତିଟି ବ୍ୟକ୍ତିତ୍ୱ, ଶ୍ରେଷ୍ଠ ଭାରତ ଗଠନ କରିବା ଦିଗରେ କାମ କରିଛନ୍ତି ବୋଲି ମୋଦି କହିଥିଲେ । ଏହି ଅବସରରେ ସେ ବଲିଉଡ୍ ଅଭିନେତା ମିଥୁନ ଚକ୍ରବର୍ତ୍ତୀଙ୍କୁ ମଧ୍ୟ ଦଳକୁ ସ୍ୱାଗତ କରିଥିଲେ ।
ସୂଚନାଯୋଗ୍ୟ ଯେ, ପଶ୍ଚିମବଙ୍ଗରେ ଖୁବଶୀଘ୍ର ବିଧାନସଭା ନିର୍ବାଚନ ହେବାକୁ ଅଛି । ବିଜେପି ଏଠାରେ ପ୍ରଥମ କରି ସରକାର ଗଢିବାକୁ ଜୋରଦାର କସରତ କରୁଛି । ଅନ୍ୟପଟେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ନିଜ ଦଳ ଟିଏମସିକୁ ଜିତାଇବାକୁ ପ୍ରତିଟି ଚେଷ୍ଟା କରୁଛନ୍ତି । ତେଣୁ ଏଥର ପଶ୍ଚିମବଙ୍ଗରେ କିଏ ବାଜିମାତ୍ କରୁଛି ତାହା ଦେଖିବାକୁ ବାକି ରହିଲା ।