ମୋଦି ସରକାରଙ୍କ ନୂଆ ଯୋଜନା ! କରନ୍ତୁ ଏହି କାମ, ଆଉ ଘରେ ବସି ପାଆନ୍ତୁ ୫୦,୦୦୦ ଟଙ୍କା ।
ମୋଦି ସରକାର କ୍ରମାଗତ ଭାବେ ସାଧାରଣ ନାଗରିକଙ୍କୁ ପ୍ରଶାସନର କାର୍ଯ୍ୟ ସହ ଯୋଡିବା ପାଇଁ କିଛି ନା କିଛି ଆୟୋଜନ କରିଥାନ୍ତି । ପୁଣି ଥରେ ମୋଦି ସରକାର ଏମିତି ହିଁ ଏକ ଆୟୋଜନ କରିବାକୁ ଯାଉଛନ୍ତି । ତେବେ ଏହି ଆୟୋଜନରେ ଅଂଶ ଗ୍ରହଣ କରିବା ପାଇଁ ଆପଣଙ୍କୁ କୁଆଡେ ଯିବା ପାଇଁ ପଡିବ ନାହିଁ । ଆପଣ ଆପଣଙ୍କ ଘରେ ରହି ଏଥିରେ ଅଂଶଗ୍ରହଣ କରି ୫୦ ହଜାର ଟଙ୍କା ପର୍ଯ୍ୟନ୍ତ ଜିତିପାରିବେ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାର ଗ୍ରାମୀଣ ଭାରତରେ ଇଣ୍ଟରନେଟ ସେବା ପହଞ୍ଚାଇବା ପାଇଁ ଭାରତନେଟ୍ ନାମରେ ଏକ ପ୍ରୋଜେକ୍ଟ ଆରମ୍ଭ କରିଛନ୍ତି । ଏହା ଜରିଆରେ ୨.୫ ଲକ୍ଷ ଗ୍ରାମ ପଞ୍ଚାୟତକୁ ଅପ୍ଟିକାଲ ଫାଇବର ସହ ଯୋଡାଯିବ । ଏବଂ ଆପଣଙ୍କୁ ଏହି ପ୍ରୋଜେକ୍ଟ ପାଇଁ କାମ କରିବାକୁ ହେବ ।
ଆପଣ କେଉଁ କାମ କରିବେ ?
ଯଦି ଆପଣ ଡିଜାଇନ କରିବାରେ ମାହିର ଅଟନ୍ତି, ତେବେ ଏହି ଆୟୋଜନ ଆପଣଙ୍କ ଅନେକ କାମରେ ଲାଗିବ । ମୋଦି ସରକାର ଭାରତନେଟ୍ ପ୍ରୋଜେକ୍ଟ ପାଇଁ ନୂଆ ଲୋଗ ପ୍ରସ୍ତୁତ କରୁଛନ୍ତି । ଏହି ପ୍ରୋଜେକ୍ଟକୁ ସେ ସାଧାରଣ ନାଗରିକ ମାନଙ୍କ ଦ୍ୱାରା ପୁରା କରିବାକୁ ଚାହୁଁଛନ୍ତି ।
ଏହି ଲୋଗ ପ୍ରସ୍ତୁତ ହେବା ପରେ ଆପଣଙ୍କୁ ଏହାକୁ ସବମିଟ କରିବା ପାଇଁ କେଉଁଠାକୁ ଯିବାକୁ ପଡିବନି । ଏହାକୁ ଆପଣଙ୍କୁ ଅନଲାଇନରେ ଜମା କରିବାକୁ ପଡିବ । କିନ୍ତୁ ଏହାକୁ ପ୍ରସ୍ତୁତ କରିବା ପୂର୍ବରୁ ଆପଣଙ୍କୁ ଏହାର ନିୟମ ଏବଂ କିଛି ସର୍ତ୍ତ ବିଷୟରେ ଜାଣିବାକୁ ପଡିବ । ଯଦି ଆପଣଙ୍କ ଲୋଗୋ ସବୁଠାରୁ ଉତ୍ତମ ପ୍ରମାଣିତ ହେବ ତେବେ ଆପଣଙ୍କୁ ୫୦ ହଜାର ଟଙ୍କାର ପୁରସ୍କାର ଦିଆଯିବ । ଏହା ସହ ଅନ୍ୟ ୫ଟି ଭଲ ଲୋଗୋ କରିଥିବା ବ୍ୟକ୍ତିଙ୍କୁ ସାନ୍ତ୍ୱନାମୂଳକ ହିସାବରେ ୧୦ ହଜାର ଟଙ୍କା ଲେଖାଏଁ ଦିଆଯିବ ।
ଯଦି ଆପଣ ଏଥିରେ ଭାଗ ନେବା ପାଇଁ ଚାହୁଁଛନ୍ତି ତେବେ ଆପଣଙ୍କୁ ମେ ୧୫ ତାରିଖ ପୂର୍ବରୁ ନିଜ ପ୍ରବେଶ ଜମା କରିବାକୁ ପଡିବ । ଏହା ପରେ ଆପଣ http://www.mygov.in/task/bharatnet-logo-design-contest/ ରେ କ୍ଲିକ କରି ଏହାର ସମସ୍ତ ନିୟମ ଏବଂ ସର୍ତ୍ତ ବିଷୟରେ ଜାଣିପାରିବେ ।