ମେ ୩ ଯାଏଁ ବଢିଲା ତାଲାବନ୍ଦ ଅବଧି: ଦେଶରେ ଲକଡାଉନ୍ ଅବଧି ବୃଦ୍ଧି ନେଇ ପ୍ରଧାନମନ୍ତ୍ରୀଙ୍କ ଘୋଷଣା; କହିଲେ, ଆମପାଇଁ ଦେଶର ଅର୍ଥନୀତିଠାରୁ ଲୋକଙ୍କ ଜୀବନ ଅଧିକ ମୂଲ୍ୟବାନ
କନକ ବ୍ୟୁରୋ: ଲକଡାଉନ ଯୋଗୁଁ ଆମକୁ ବହୁତ ବଡ ଲାଭ ମିଳିଛି…ଅନ୍ୟ ଦେଶ ତୁଳନାରେ ଆମ ଦେଶରେ କରୋନା ଆକ୍ରାନ୍ତ ଓ ମୃତକଙ୍କ ସଂଖ୍ୟା ବହୁତ କମ୍ ରହିଛି… ହଁ ଦେଶରେ ଅର୍ଥନୈତିକ କ୍ଷତି ହୋଇଛି, କିନ୍ତୁ ଦେଶବାସୀଙ୍କ ଜୀବନ ତୁଳନାରେ ଏହି କ୍ଷତି କିଛି ନୁହେଁ । ଦେଶବାସୀଙ୍କୁ ଆଜି ସମ୍ବୋଦ୍ଧିତ କଲା ବେଳେ ଏଭଳି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
Kanak News is now on WhatsApp
Join and get latest news updates delivered to you via WhatsApp
କରୋନା ମହାମାରୀ ମହାସଂକଟକୁ ନଜରରେ ରଖି ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶରେ ଲକଡାଉନ କଟକଣାକୁ ପୁଣି ଥରେ ବଢାଇବାକୁ ଘୋଷଣା କରିଛନ୍ତି । ବର୍ତ୍ତମାନ ଦେଶରେ ମଇ ୩ ତାରିଖ ପର୍ଯ୍ୟନ୍ତ ଦେଶରେ ବଳବତର ରହିବ ତାଲାବନ୍ଦ କଟକଣା । ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ୩ ମଇ ଯାଏଁ ଲୋକଙ୍କୁ ଲଡଡାଉନ ପାଳନ କରିବାକୁ ହେବ ଏବଂ ଅନୁଶାସନରେ ମଧ୍ୟ ରହିବାକୁ ପଡିବ । ଏଥି ସହିତ ପ୍ରଧାନମନ୍ତ୍ରୀ କହିଛନ୍ତି କି, ଆମକୁ ଆର୍ଥିକ କ୍ଷେତ୍ରରେ ଚ୍ୟାଲେଂଜ ମିଳିଛି କିନ୍ତୁ ଦେଶବାସୀଙ୍କ ଜୀବନଠାରୁ ଏହା ବେଶି ମୂଲ୍ୟବାନ ନୁହେଁ । ତେବେ ଲକଡାଉନ କାରଣରୁ ଦେଶରେ ସବୁ ପ୍ରକାରର ବ୍ୟବସାୟ ଠାପ୍ ହୋଇପଡିଛି ଆଉ ଏହାର ସବୁଠାରୁ ଅଧିକ ପ୍ରଭାବ ଉପରେ ପଡିଛି ଖଟିକିଆ ତଥା ଦିନ ମଜୁରିଆଙ୍କ ଉପରେ ।
ଦେଶବାସୀଙ୍କୁ ସଂବୋଧିତ କରିବାକୁ ଯାଇ ପ୍ରଧାନମନ୍ତ୍ରୀ କହିଛନ୍ତି ଯେ, ସାମାଜିକ ଦୂରତ୍ୱ ଏବଂ ତାଲାବନ୍ଦ କଟକଣାର ବହୁତ ବଡ ଫାଇଦା ଦେଶକୁ ମିଳିଛି । ଯଦି କେବଳ ଆର୍ଥିକ ଦୃଷ୍ଟିକୋଣରୁ ଦେଖାଯାଏ ତେବେ ଏଥିପାଇଁ ଦେଶକୁ ବହୁତ ବଡ ବଳିଦାନ ଦେବାକୁ ପଡିଛି ହେଲେ ଲୋକଙ୍କ ଜୀବନ ଆଗରେ ଏହାର ମୂଲ୍ୟ କିଛି ନୁହେଁ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।