କେନ୍ଦ୍ର ମନ୍ତ୍ରୀମଣ୍ଡଳ ସଂପ୍ରସାରଣରେ ଚିରାଗଙ୍କୁ ଝଟକା । କକା ପଶୁପତି ପାରସ ମନ୍ତ୍ରୀମଣ୍ଡଳରେ ସାମିଲ ହେବା ପରେ ଚିରାଗ କହିଲେ ଏମିତି କଥା
କନକ ବ୍ୟୁରୋ : କେବେ ନିଜକୁ ପ୍ରଧାନମନ୍ତ୍ରୀଙ୍କ ହନୁମାନ କହୁଥିବା ଏଲଜେପି ନେତା ଚିରାଗ ପାସୱାନଙ୍କୁ କେନ୍ଦ୍ର ମନ୍ତ୍ରୀମଣ୍ଡଳ ସଂପ୍ରସାରଣ ପରେ ଝଟକା ଲାଗିଛି । ତାଙ୍କୁ ଛାଡି ତାଙ୍କ କକା ପଶୁପତି କୁମାର ପାରସଙ୍କୁ କେନ୍ଦ୍ର ମନ୍ତ୍ରୀମଣ୍ଡଳରେ ସାମିଲ କରାଯାଇଛି । ଏହାକୁ ନେଇ କ୍ଷୋଭ ପ୍ରକାଶ କରିଛନ୍ତି ଚିରାଗ । ସେ ଟ୍ୱିଟ୍ କରି କହିଛନ୍ତି କି ପଶୁପତି ପାରସଙ୍କୁ ପ୍ରଥମେ ଦଳରୁ ବହିଷ୍କୃତ କରାଯାଇଥିବା ବେଳେ ତାଙ୍କୁ କେମିତି ମନ୍ତ୍ରୀମଣ୍ଡଳରେ ସାମିଲ କରାଗଲା ।
Kanak News is now on WhatsApp
Join and get latest news updates delivered to you via WhatsApp
ସେ ତାଙ୍କ ଟ୍ୱିଟରେ କହିଛନ୍ତି କି ପ୍ରଧାନମନ୍ତ୍ରୀଙ୍କ ନିକଟରେ ପୂର୍ଣ୍ଣ କ୍ଷମତା ରହିଛି କି, ସେ କହାକୁ ମନ୍ତ୍ରୀମଣ୍ଡଳରେ ସାମିଲ କରିବେ ଓ କାହାକୁ କରିବେ ନାହିଁ । ହେଲେ ଏଲ.ଜେ.ପି ପ୍ରସଙ୍ଗରେ ଯିଏ ଦଳର ସଦସ୍ୟ ନୁହେଁ ତାଙ୍କୁ କିଭଳି ଭାବେ ମନ୍ତ୍ରୀମଣ୍ଡଳରେ ସାମିଲ କରାଗଲା । ଏହା ସହ ଚିରାଗ କହିଛନ୍ତି କି ପଶୁପତି ପାରସ ଦଳରୁ ବହିଷ୍କୃତ ହୋଇଥିବା ସାଂସଦଙ୍କ ମଧ୍ୟରୁ ଜଣେ । ଏନେଇ ଲୋକସଭା ବାଚସ୍ପତ୍ତି ତାଙ୍କୁ ସଂସଦରେ ଲୋକ ଜନଶକ୍ତିର ନେତା ଭାବେ ଗ୍ରହଣ କରିବା ନିଷ୍ପତ୍ତି ଉପରେ ଆଜି ଦିଲ୍ଲୀ ହାଇକୋର୍ଟରେ ମାମଲା ଦାୟର ହୋଇଛି ।
କହିରଖୁ କି ଏଲଜେପି ମୁଖ୍ୟ ରାମ ବିଳାଶ ପାସୱାନଙ୍କ ମୃତ୍ୟୁପରେ ସଂସଦରେ ପଶୁପତି ପାରସଙ୍କୁ ଏଲଜେପି ନେତା ଭାବେ ଦଳ ନିଯୁକ୍ତ କରିଥିଲା । ହେଲେ କିଛି ରାଜନୈତିକ ଘଟଣା କ୍ରମେ ତାଙ୍କୁ ଦଳର ସଂସଦୀୟ ନେତା ପଦରୁ ହଟାଇବାକୁ ଚିରାଗ ପାସୱାନ ଲୋକସଭା ବାଚଷ୍ପତ୍ତିଙ୍କ ନିକଟରେ ଆବେଦନ କରିଥିଲେ ।