କନକ ବ୍ୟୁରୋ : ମେ’୩୧ ତାରିଖରେ ବସିଥିବା କେନ୍ଦ୍ର ମନ୍ତ୍ରୀମଣ୍ଡଳ ବୈଠକରେ ଖାଦ୍ୟ ସଂରକ୍ଷଣ ଯୋଜନାକୁ ମଞ୍ଜୁରୀ ମିଳିଛି । ଏହି ଯୋଜନାରେ କେନ୍ଦ୍ର ସରକାର ୧ଲକ୍ଷ କୋଟି ଟଙ୍କା ଖର୍ଚ୍ଚ କରିବାକୁ ଯାଉଛନ୍ତି । ଏନେଇ କେନ୍ଦ୍ରମନ୍ତ୍ରୀ ଅନୁରାଗ ଠାକୁର କହିଛନ୍ତି କି କ୍ୟାବିନେଟ ବୈଠକରେ ବିଶ୍ୱର ସବୁଠାରୁ ବଡ ଖାଦ୍ୟ ସଂରକ୍ଷଣ ଯୋଜନାକୁ ଅନୁମୋଦନ ମିଳିଛି ।
ଅନୁରାଗ ଠାକୁର କହିଛନ୍ତି କି, ଏବେ ଦେଶରେ ୧୪୫୦ ଲକ୍ଷ ଟନ୍ ଖାଦ୍ୟ ସଂରକ୍ଷଣ କ୍ଷମତା ରହିଛି । ଏବେ ଏହାକୁ ଆଉ ୭୦୦ ଲକ୍ଷ ଟନ୍ ବୃଦ୍ଧି କରାଯିବା ନେଇ ନିଷ୍ପତ୍ତି ହୋଇଛି । ଏହା ପରେ ମୋଟ ୨୧୫୦ ଲକ୍ଷ ଟନ୍ ଖାଦ୍ୟ ସଂରକ୍ଷଣ କ୍ଷମତା ରହିବ । ଏନେଇ ଆନୁମାନିକ ୧ଲକ୍ଷ କୋଟି ଟଙ୍କା ଖର୍ଚ୍ଚ ହେବ ବୋଲି ଆକଳନ କରାଯାଇଛି । ଏଥିରେ ପ୍ରତି ବ୍ଲକରେ ୨୦୦୦ଟନ୍ ଖାଦ୍ୟ ସଂରକ୍ଷଣ କରାଯିବା ଭଳି ଗୋଦାମ ନିର୍ମାଣ ହେବ ବୋଲି ଅନୁରାଗ ଠାକୁର କହିଛନ୍ତି ।
The world’s largest food storage scheme has been approved in the co-operative sector today. This scheme will be implemented at the cost of Rs 1 lakh crore. Under this scheme, a godown of a capacity of 2000 tonnes will be constructed in every block. An inter-ministerial committee… pic.twitter.com/wGnvbzyct1
— ANI (@ANI) May 31, 2023
ଅନୁରାଗ ଠାକୁର କହିଛନ୍ତି କି ସାରା ବିଶ୍ୱରେ ଖାଦ୍ୟ ଉତ୍ପାଦନରେ ଭାରତର ଭୂମିକା ଗୁରୁତ୍ୱପୂର୍ଣ୍ଣ ରହିଛି । ଅର୍ନ୍ତରାଷ୍ଟ୍ରୀୟ ସ୍ତରରେ ସବୁ ବଡ ବଡ ଖାଦ୍ୟ ଉତ୍ପାଦକ ଦେଶ, ଯେଭଳି ଚୀନ, ଆମେରିକା, ବ୍ରାଜିଲ, ଋଷ, ଆର୍ଜେଣ୍ଟିନା ଭଳି ଦେଶରେ ସେମାନଙ୍କର ବାର୍ଷିକ ଉତ୍ପାଦନ ଠାରୁ ଅଧିକ ସଂରକ୍ଷଣ କ୍ଷମତା ରହିଛି । ହେଲେ ଭାରତରେ ଏବେ ବାର୍ଷିକ ଉତ୍ପାଦନ କ୍ଷମତାର ମାତ୍ର ୪୭ ପ୍ରତି ଖାଦ୍ୟ ଶଷ୍ୟ ପାଇଁ ସଂରକ୍ଷଣ ବ୍ୟବସ୍ଥା ରହିଛି । ଫଳରେ ଅନେକ ସମୟରେ ଖାଦ୍ୟ ଶଷ୍ୟ ସଂରକ୍ଷଣ ଅଭାବରୁ ନଷ୍ଟ ହେଉଛି ଓ କୃଷକମାନଙ୍କୁ ଶସ୍ତା ମୂଲ୍ୟରେ ସେଗୁଡିକୁ ବିକ୍ରି କରିବାକୁ ପଡୁଛି ।