ବିହାର ନିର୍ବାଚନରେ ଆଜି ମୋଦି ଓ ରାହୁଲଙ୍କ ଏଣ୍ଟ୍ରି : ଦୁଇ ହେଭିୱେଟଙ୍କ ମାରାଥନ ପ୍ରଚାର; ୩ ଟି ସ୍ଥାନରେ ରାଲି କରିବେ ମୋଦି, ୨ଟି ସ୍ଥାନରେ ରାହୁଲଙ୍କ ପ୍ରଚାର କାର୍ଯ୍ୟକ୍ରମ
କନକ ବ୍ୟୁରୋ : ବିହାର ନିର୍ବାଚନରେ ଆଜି ହେବ ମୋଦି-ରାହୁଲଙ୍କ ଏଣ୍ଟ୍ରି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କଂଗ୍ରେସ ନେତା ରାହୁଲ ଗାନ୍ଧି ଆଜି ପ୍ରଥମ ଥର ଲାଗି ବିହାରର ପ୍ରଚାର ମୈଦାନକୁ ଓହ୍ଲାଇବେ । ରାଜ୍ୟର ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଆଉ ୪ ଦିନ ବାକିଥିବାବେଳେ ଭୋଟରଙ୍କ ନିକଟରେ ପଂହଚିବାକୁ ପ୍ରୟାସ କରିବେ ଏହି ବଡ ନେତା ।
Kanak News is now on WhatsApp
Join and get latest news updates delivered to you via WhatsApp
ବିହାରରେ ନୀତିଶ କୁମାରଙ୍କ ନାଁରେ ଏନଡିଏ ନିର୍ବାଚନ ଲଢୁଥିଲେ ବି ମେଂଟ ପାଇଁ ଏବେ ବି ମୁଖ୍ୟ ପ୍ରଚାରକ ହୋଇଛନ୍ତି ପ୍ରଧାନମନ୍ତ୍ରୀ । ରାଜ୍ୟରେ ସେ ଆଜି ୩ଟି ରାଲି କରିବେ । ବିଜେପି ସଭାପତି ଜେ.ପି ନଡ୍ଡା , ଆଦିତ୍ୟନାଥ ଓ ରାଜନାଥ ସିଂ ଙ୍କ ପରେ ପ୍ରଚାରର ମଙ୍ଗ ଧରିବେ ମୋଦି । ସେ ପ୍ରାୟ ଡଜନେରୁ ଅଧିକ ରାଲିକୁ ସମ୍ବୋଧିତ କରିବେ ।
ସେହିଭଳି ମହାମେଂଟ ପକ୍ଷରୁ କଂଗ୍ରେସ ନେତା ରାହୁଲ ଗାନ୍ଧି ତେଜସ୍ୱୀ ଯାଦବଙ୍କ ସହ ଆଜି ରାଲି କରିବେ । ସେ ଦୁଇଟି ରାଲିକୁ ସମ୍ବୋଧିତ କରିବେ । ମହାମେଂଟରେ କଂଗ୍ରେସ ଦ୍ୱିତୀୟ ବଡଦଳ ଭାବେ ୭୦ଟି ଆସନରେ ନିର୍ବାଚନ ଲଢୁଛି । ବିହାରରେ ୩ଟି ପର୍ଯ୍ୟାୟରେ ନିର୍ବାଚନ ହେଉଛି । ପ୍ରଥମ ପର୍ଯ୍ୟାୟ ଭୋଟ ୨୮ ଅକ୍ଟୋବରରେ ହେବ । ୩ ଓ ୭ ନଭେମ୍ବରରେ ଆଉ ଦୁଇଟି ପର୍ଯ୍ୟାୟର ଭୋଟ ପଡିବ । ଭୋଟଗଣତି ୧୦ ନଭେମ୍ବରରେ ହେବ ।