କନକ ବ୍ୟୁରୋ: ଚଳିତ ସପ୍ତାହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯିବେ ଆମେରିକା । ଏହି ଗସ୍ତ ବେଳେ ମୋଦୀ ଭେଟିବେ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କୁ । ସେପ୍ଟେମ୍ବର ୨୪ରେ କ୍ୱାଡ ବୈଠକରେ ଏହି ଦୁଇ ନେତା ଯୋଗ ଦେବେ । ଏହା ପୂର୍ବରୁ ବିଶ୍ୱର ଦୁଇ ପ୍ରମୁଖ ଗଣତାନ୍ତ୍ରିକ ଦେଶର ନେତାଙ୍କ ଏହି ଭେଟଘାଟ ଉପରେ ରହିଛି ସାରା ବିଶ୍ୱର ନଜର । ପୂର୍ବରୁ ଏହି ଦୁଇ ନେତା ଫୋନରେ ଭର୍ଚୁୁଆଲ ମୋଡରେ ବୈଠକ କରିସାରିଛନ୍ତି । ହେଲେ ଏବେ ମୋଦି ଏବଂ ବାଇଡେନ ଫେସ ଟୁ ଫେସ ହେବାକୁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସବୁଠୁ ବଡ କଥା ହେଲା ଏହି ଭେଟଘାଟ ବେଳେ ମୋଦୀଙ୍କ ମନ ଜୋ ବାଇଡେନଙ୍କ ପାଖରେ ଲାଗିବ ତ? କାରଣ ଆମେରିକାର ତକ୍ରାଳୀନ ରଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହିତ ମୋଦିଙ୍କ ଘନିଷ୍ଠତାକୁ ସାରା ବିଶ୍ୱ ଜାଣିଛି । ଆଉ ଅନ୍ତିମ ଥର ମୋଦି ଆମେରିକାର ହଷ୍ଟନ ଗସ୍ତରେ ଯାଇଥିବା ବେଳେ ଟ୍ରମ୍ପଙ୍କ ସପକ୍ଷରେ ଦେଇଥିଲେ ଅବ୍ କୀ ବାର୍ ଟ୍ରମ୍ପ ସରକାରର ନାରା । ଏବେ କିନ୍ତୁ ଆମେରିକାର ଶାସନ ଗାଦିରେ ବସିଛନ୍ତି ଟ୍ରମ୍ପଙ୍କ ପ୍ରମୁଖ ସମାଲୋଚକ ବାଇଡେନ । ଚଳିତ ବର୍ଷ ଜାନୁଆରୀରେ ବାଇଡେନ ରଷ୍ଟ୍ରପତି ଭାବରେ ଦାୟିତ୍ୱ ଗ୍ରହଣ କରିଛନ୍ତି ।
ଏହାପରେ ଆମେରିକା ଓ ଭାରତ ମଧ୍ୟରେ ଥିବା ପୂର୍ବ ସମ୍ପର୍କ ଆଉ ନାହିଁ । ଯାହାର ପ୍ରମାଣ ଟିକା ପାଇଁ କଞ୍ଚାମାଲ ଆବଶ୍ୟକ ଥିବା ବେଳେ ଆମେରିକାର ଟାଳଟୁଳ ନୀତି ଅବଲମ୍ବନ କରିବା । ଏବେ କିନ୍ତୁ କାବୁଲକୁ ତାଲିବାନ କବଜା କରିବା ପରେ ସ୍ଥିତି ବଦଳିଛି ଆମେରିକାର । କାରଣ ତାଲିବାନକୁ ଚାଇନା ସମର୍ଥନ କରିବାକୁ ଆମେରିକାକୁ ଝଟକା ଲାଗିଛି । ତେଣୁ ଆମେରିକା ଏବେ ଭାରତକୁ ସାଙ୍ଗରେ ନେଇ ଆଗକୁ ବଢିବାକୁ ଚିନ୍ତା କରୁଛି ।
ଭାରତ ମଧ୍ୟ ଚାଇନାର ଅନେକ ନିଷ୍ପତ୍ତି ପାଇଁ ଘାଟାରେ ଥିବାରୁ ଆମେରିକା ସହିତ ହାତରେ ହାତ ମିଳାଇ ଆଗକୁ ବଢିବାକୁ ଚିନ୍ତା କରୁଛି । ତେବେ ମୋଦି ଓ ବାଇଡେନଙ୍କ ଭେଟଘାଟ ବେଳେ ଅନେକ କିଛି ପ୍ରସଙ୍ଗରେ ଆଲୋଚନା ହୋଇପାରେ । ଯେଉଁଥିରେ ଆତଙ୍କବାଦ, ବୈଶୟିକ ଅର୍ଥନୀତି ଏବଂ ଅନ୍ତର୍ଜାତୀୟ ସୁରକ୍ଷା ପ୍ରମୁଖ ରହିଛି ।ଆଫଗାନିସ୍ତାନର ନୂଆ ତାଲିବାନ ଶାସନ ଉପରେ ଦୁଇ ଦେଶ ଆଭିମୁଖ୍ୟ ସ୍ପଷ୍ଟ କରିପାରନ୍ତି
ଅନ୍ତର୍ଜାତୀୟ ଅର୍ଥନୀତିରେ ଚାଇନାରୁ ଦବଦାବକୁ ହ୍ରାସ କରିବାକୁ ହୋଇପାରେ କୂଟନୀତି
ପାକିସ୍ତାନ ଓ ଆତଙ୍କବାଦକୁ ନେଇ ଆମେରିକା କୋର୍ଟରେ ଭାରତ କରିପାରେ ବଡ ଅଭିଯୋଗ
ଭାରତ ଓ ଆମେରିକା ମଧ୍ୟରେ ପ୍ରତିରକ୍ଷା ଓ ସୀମା ସୁରକ୍ଷାକୁ ନେଇ ହୋଇପାରେ ବଡ ଚୁକ୍ତି
ସାରା ବିଶ୍ୱରେ ଟିକା ପହଞ୍ଚାଇବା ପାଇଁ ଦୁଇ ଦେଶ ଆଲୋଚନା କରିପାରନ୍ତି