କେମିତି ପରୀକ୍ଷା କରାଯାଇଥିଲା ମଡର୍ଣ୍ଣା ଟୀକା ? ନ୍ୟୁୟର୍କ ଟାଇମସରେ ଆସିଲା ବିସ୍ତୃତ ରିପୋର୍ଟ । ଟୀକା ପରୀକ୍ଷଣରେ ଭାଗ ନେଇଥିଲେ ୩୦ ହଜାର ସ୍ୱେଚ୍ଛାସେବୀ ।
କନକ ବ୍ୟୁରୋ: ଫଳପ୍ରଦ ହେବ କି ମଡର୍ଣ୍ଣା ଟିକା? ୯୪.୫ ପ୍ରତିଶତ ସଫଳତା ଦାବି । କରୋନା ଭୂତାଣୁକୁ ଦମନ କରିବାରେ ସଫଳ ହେବ କୋଭିଡ୍ ଟିକା । ଆମେରିକାର ଫାର୍ମା କମ୍ପାନୀ ମଡର୍ଣ୍ଣା ଦ୍ୱାରା ପ୍ରସ୍ତୁତ କୋଭଡି ଟିକା ଭୂତାଣୁକୁ ରୋକିବାରେ ୯୪.୫ ପ୍ରତିଶତ ଫ୍ରଳପ୍ରଦ ବୋଲି କମ୍ପାନୀ ପକ୍ଷରୁ ଦାବି କରାଯିବା ପରେ ଏହି ଆଶା ସଂଚାର ହୋଇଛି । କମ୍ପାନୀ ପକ୍ଷରୁ କୁହାଯାଇଛି, ଚୂଡାନ୍ତ ପର୍ଯ୍ୟାୟରେ ୩୦ ହଜାର ସ୍ୱେଛାସେବୀଙ୍କ ଦେହରେ ଏହାର ପରୀକ୍ଷଣ କରାଯାଇଥିଲା । ୨୮ଦିନ ବ୍ୟବଧାନରେ ଦୁଇଟି ଡୋଜ ଦିଆଯାଇଥିଲା । ସେମାନଙ୍କ ମଧ୍ୟରୁ ପାୟ ୯୫ ଜଣ ସୁସ୍ଥ ଥିବାବେଳେ ମାତ୍ର ୫ ଜଣଙ୍କ ଦେହରେ ପାଶ୍ୱର୍ ପ୍ରତିକ୍ରିୟା ପ୍ରକାଶ ପାଇଥିଲା । ସେମାନଙ୍କୁ ଅନୁଧ୍ୟାନରେ ରଖାଯାଇଛି । ମଡର୍ଣ୍ଣାର ନୈଦାନିକ ପରୀକ୍ଷା ତଥ୍ୟକୁ ଅନୁଧ୍ୟାନ କରାଯିବା ପରେ ଆମେରିକାର ଡାଟା ସେଫ୍ଟି ଆଣ୍ଡ ମନିଟରିଂ ବୋର୍ଡ ପକ୍ଷରୁ ଏହି ଫଳାଫଳକୁ ପ୍ରକାଶ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କେମିତି କାମ କରେ ମଡର୍ଣ୍ଣା ଟିକା? ଟିକା ଦେବାର ତରିକା କଣ? କମ୍ପାନୀ ପକ୍ଷରୁ ଦିଆଯାଇଥିବା ତଥ୍ୟ ଅନୁସାରେ ମଡର୍ଣ୍ଣା ଫାଇଜର ଭଳି ଏମଆରଏନଏ ପଦ୍ଧତିରେ ଟିକା ପ୍ରସ୍ତୁତ କରୁଛି । ଏହି ପଦ୍ଧତିରେ ଜଣଙ୍କ ଦେହରେ ଏନଆରଏନଏକୁ କୋଡିଂ କରିଥାନ୍ତି ବିଶେଷଜ୍ଞ । ତାପରେ ଏହି ଏମଆରଏନଏ ଟିକା ଆକାରେ ଦିଆଯାଇଥାଏ । ଏହି ଟିକା କରୋନା ଭୂତାଣୁ ଦ୍ୱାର ସୃଷ୍ଟି ହୋଇଥିବା ସ୍ପାଇକ୍ ପ୍ରୋଟିନକୁ ନଷ୍ଟ କରେ ଓ ଆଂଟିବଡି ସୃଷ୍ଟି କରିଥାଏ । ଫଳରେ ଟିକା ନେବା ପରେ କରୋନା ଆକ୍ରାନ୍ତ ସୁସ୍ଥ ହୋଇଥାନ୍ତି, ଏବଂ ଯଦି ଜଣେ କରୋନା ଭୂତାଣୁ ସଂସ୍ପର୍ଶରେ ଆସନ୍ତି, ତେବେ ଶରୀରରେ ସୃଷ୍ଟି ହୋଇଥିବା ଆଂଟିବଡି ଏହାକୁ ଦୃଢ଼ ମୁକାବିଲା କରିବାରେ ସଫଳ ହୋଇଥାଏ ।
ଭାରତ ଦୃଷ୍ଟିକୋଣରୁ ଦେଖିଲେ ଏହି ଟିକା ବେଶ୍ ଉପଯୋଗୀ ହୋଇପାରେ । କାରଣ ଏହି ଟିକାକୁ ସାଧାରଣ ରେଫ୍ରିଜେରେଟରରେ ୨ରୁ ୮ ଡିଗ୍ରୀ ସେଲସିୟସ ମଧ୍ୟରେ ୩୦ ଦିନ ପର୍ଯ୍ୟନ୍ତ ରଖାଯାଇ ପାରିବ । ଏବଂ ମାଇନସ ୨୦ ଡିଗ୍ରୀ ସେଲସିୟସରେ ଏହି ଟିକାକୁ ୬ ମାସ ପର୍ଯ୍ୟନ୍ତ ସଂରକ୍ଷିତ ରଖାଯାଇ ପାରିବ ।
ମାସ ଶେଷ ସୁଦ୍ଧା ମଡର୍ଣ୍ଣା ଟିକାର ଅଧିକ ନିରାପଦ ଫଳାଫଳ ଆସିବା ପରେ ଭାକ୍ସିନର ସ୍ୱୀକୃତି ପାଇଁ ମର୍ଡନା ଆମେରିକା ଖାଦ୍ୟ ଓ ଔଷଧ ପ୍ରଶାସନ ନିକଟରେ ଆବେଦନ କରିବାକୁ ଯୋଜନା କରିଛି । ଏହି ସଂସ୍ଥାର ଅନୁମୋଦନ ପରେ ଡିସେମ୍ବର ଶେଷ ଭାଗ ଆଡକୁ ଟିକାକରଣ ଆରମ୍ଭ ହେବ ବୋଲି କୁହାଯାଉଛି । ଆସନ୍ତା ଏପ୍ରିଲ ମାସ ଶେଷ ସୁଧା ୩୦ କୋଟି ଟିକା ଉପଲବ୍ଧ କରିବା ପାଇଁ ଲକ୍ଷ୍ୟ ରଖିଛି କମ୍ପାନୀ ।