ଏବେ ବି ଗାଁକୁ ଆସୁନି ମୋବାଇଲ ନେଟୱର୍କ । କାମ ନସରିବାରୁ ବ୍ଲକ ଅଫିସରେ ଧାଡିରେ ଛିଡା ହେଲେ ଲୋକେ । କନ୍ଧମାଳ ରଟିଙ୍ଗିଆର ଘଟଣା ।
କନକ ବ୍ୟୁରୋ: ରାସ୍ତା କଡରେ ଚାଲିଲା ସରକାରୀ କାମ । ଗାଁରେ ଆସୁନି ମୋବାଇଲ ନେଟୱର୍କ । ଆଉ ଲୋକଙ୍କୁ ସେବା ଯୋଗାଇବାକୁ ଯାଇ କନ୍ଧମାଳ ଜିଲ୍ଲା ଘୁ ଉଦୟଗିରି ବ୍ଲକ ରଟିଙ୍ଗିଆରେ ରାସ୍ତା କଡରେ ବସିଛି ଅଫିସ । ସାରା ଦେଶର ଗାଁକୁ ଯେତେବେଳେ ୫ଜି ଏବଂ ବ୍ରଡବ୍ୟାଣ୍ଡ ସଂଯୋଗ ପାଇଁ ପ୍ରୟାସ ହେଉଛି । ସେତେବେଳେ ବାଲିଗୁଡାର ଏହି ଚିତ୍ର ଅନେକ କିଛି ବୟାନ କରୁଛି । ରାସନକାର୍ଡଧାରୀଙ୍କୁ ଦୁଇଟି ଝୋଟ ବ୍ୟାଗ ସହ ଏକ ହଜାର ଟଙ୍କା ପ୍ରଦାନ ନିମନ୍ତେ ସରକାରୀ କର୍ମଚାରୀ ନୟାନ୍ତ ହୋଇଛନ୍ତି । ନେଟୱର୍କ ସମସ୍ୟା ଯୋଗୁଁ ସରକାରୀ କର୍ମଚାରୀ ଗାଁ ଗାଁ ବୁଲି ନେଟୱର୍କ ଖୋଜିଥିଲେ । ରଟିଙ୍ଗିଆ ଛକରେ ରାସ୍ତାକଡ଼ରେ ନେଟୱର୍କ ଆସୁଥିବା ଦେଖି ଅଫିସ କାମ କରିଛନ୍ତି । କିଛି ଘଣ୍ଟା ଭିତରେ ମାତ୍ର ୨୦ର ୨୫ଜଣ ରାସନକାର୍ଡଧାରୀଙ୍କୁ ଏକ ହଜାର ଟଙ୍କା ଲେଖାଏଁ ପ୍ରଦାନ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କାମ ଅଧାରେ ନେଟୱର୍କ ସମସ୍ୟା ହେବାରୁ ଟଙ୍କା ଦେବା ବନ୍ଦ କରି ଯୋଗାଣ ବିଭାଗ କର୍ମଚାରୀ କାର୍ଡଧାରୀଙ୍କୁ ବ୍ଳକକୁ ଆସିବାକୁ କହିଥିଲେ । ହିତାଧିକାରୀ କାମଧନ୍ଦା ଛାଡି ବ୍ଲକ ଅଫିସକୁ ଆସିଲ ଘଂଟାଘଂଟା ଧରି ଲାଇନ୍ରେ ଅପେକ୍ଷା କରିଥିଲେ । ଅନ୍ୟପଟେ ରଟିଙ୍ଗିଆ ଗ୍ରାମବାସୀ ନେଟୱାର୍କ ସମସ୍ୟା ବାବଦରେ ଜିଲ୍ଲାପାଳଙ୍କୁ ଲିଖିତ ଭାବେ ଜଣାଇଥିଲେ । କିନ୍ତୁ ଏଯାଏଁ ସମାଧାନ ହୋଇନି । ନିର୍ବାଚନ ପୂର୍ବରୁ ରଟିଙ୍ଗିଆରେ ମୋବାଇଲ ନେଟୱାର୍କ ସମସ୍ୟାର ସମାଧାନ ନହେଲେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି ଗ୍ରାମବାସୀ ।