ଶ୍ରୀଲଙ୍କାରୁ ଆଣିଲା ‘ମୋ ପରିବାର’ । ଦାଦନ ଖଟିବାକୁ ଯାଇ ଶ୍ରୀଲଙ୍କାରେ ଫସିଥିବା ବାଣପୁରର ୧୧ ଶ୍ରମିକଙ୍କୁ ଓଡିଶା ଫେରାଇବାରେ ମାଧ୍ୟମ ସାଜିଥିଲା ମୋ ପରିବାର…
ଓଡିଶା ଫେରିଛନ୍ତି ଶ୍ରୀଲଙ୍କାରେ ଫସିଥିବା ଓଡିଆ ଶ୍ରମିକ
କନକ ବ୍ୟୁରୋ: ଓଡିଶା ଫେରିଛନ୍ତି ଶ୍ରୀଲଙ୍କାରେ ଫସିଥିବା ଓଡିଆ ଶ୍ରମିକ । ରାଜ୍ୟ ସରକାରଙ୍କ ସହାୟତାରେ ନିଜ ଜନ୍ମମାଟିରେ ପାଦ ରଖିଛନ୍ତି ସିଂହଳରେ ନିର୍ଯାତିତ ହେଉଥିବା ୧୧ ଜଣ ଦାଦନ ଶ୍ରମିକ । ତେବେ ଦାଦନ ଖଟିବାକୁ ଯାଇ ଦଲାଲ ହାତରେ ବିକି ହେବାପରେ ଶ୍ରୀଲଙ୍କାରେ ସମସ୍ତେ ନିର୍ଯାତନାର ଶିକାର ହୋଇଥିଲେ । ତେବେ ବାଣପୁର ସମସ୍ତ ଶ୍ରମିକ ନିର୍ଯାତନାର ନେହୁରା ଭିଡିଓ ଛାଡିଥିଲେ । ଯାହାକୁ ପ୍ରଥମେ ପ୍ରସାରଣ କରିଥିଲା କନକ ନ୍ୟୁଜ । ଆଉ ଖବର ବାଜିବା ପରେ ବିଦେଶରେ ଫସିଥିବା ଦାଦନ ଶ୍ରମିକଙ୍କୁ ଫେରାଇ ଆଣିବାକୁ ଚାଲିଥିଲା ଉଦ୍ୟମ ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ହେଉଛି ଶ୍ରମିକଙ୍କ ଫରିବା ପଛରେ ରହିଛି ରାଜ୍ୟ ସରକାରଙ୍କ ମୋ ପରିବାରର ବଡ ଭୂମିକା । ମୋ ପରିବାରର ମଧ୍ୟସ୍ଥତା ପାଇଁ ହିଁ ବାଣପୁରର ୧୧ ଶ୍ରମିକ ସ୍ୱଦେଶ ଫେରିପାରିଛନ୍ତି । ତେବେ ୭ ଜାନୁୟାରୀ ୨୦୨୦ରେ ଯେତେବେଳେ କନକ ନ୍ୟୁଜରେ ଶ୍ରମିକ ନିର୍ଯାତନାର ଖବର ପ୍ରସାରଣ ହେଲା ତାପରେ ଜଣେ ବିଜେଡି କର୍ମୀ ଶ୍ରମିକଙ୍କ ସମସ୍ତ ତଥ୍ୟ ନେଇ ମୋ ପରିବାର ଅଫିସରେ ପହଞ୍ଚିଥିଲେ । ଆଉ ସଙ୍ଗେସଙ୍ଗେ ଫସିଥିବା ଶ୍ରମିକଙ୍କୁ ଓଡିଶା ଫେରାଇ ଆଣିବାକୁ ସବୁ ଉଦ୍ୟମ କଲେ ରାଜ୍ୟ ସରକାର ।
ଭାରତୀୟ ବୈଦେଶିକ ବ୍ୟାପାର ମନ୍ତ୍ରାଳୟ ସହ ମୋ ପରିବାର ସଦସ୍ୟ ଯୋଗାଯୋଗ କରି ଶେଷରେ ସମସ୍ତଙ୍କୁ ସୁରକ୍ଷିତ ସ୍ୱଦେଶ ଫେରାଇ ଆଣିଛନ୍ତି । ତେବେ ପୂର୍ବରୁ ୪ ଜଣ ଫେରିଥିବା ବେଳେ ଏବେ ଆଉ ୭ ଜଣ ଫେରିଛନ୍ତି ।
ଘରକୁ ଫେରିବା ପରେ ସମସ୍ତ ଶ୍ରମିକ କନକ ନୁଜ୍ର ଉଦ୍ୟମକୁ ଧନ୍ୟବାଦ ଦେବା ସହ ରାଜ୍ୟ ସରକାରଙ୍କୁ ଧନ୍ୟବାଦ ଦେଇଛନ୍ତି ।