ବିହାର ବିଧାନସଭାରେ ତାଣ୍ଡବ । ଆଖିବୁଜା ଚାଲିଲା ଲାତ ଓ ଗୋଇଠା । ବିରୋଧି ବିଧାୟକଙ୍କୁ ପିଟିଲା ପୋଲିସ । ଷ୍ଟ୍ରେଚରରେ ବୋହାହେଲେ ବିଧାୟକ
କନକ ବ୍ୟୁରୋ : ମଙ୍ଗଳବାର ଦିନ ବିହାର ବିଧାନସଭାରେ ଦେଖିବାକୁ ମିଳିଛି ବିଚିତ୍ର ଚିତ୍ର । ବିହାର ସ୍ୱତନ୍ତ୍ର ପୋଲିସ ବିଧେୟକକୁ ନେଇ ବିଧାନସଭା ପରିସରରେ ହୋଇଛି ହଙ୍ଗାମା । ସଦନ ଭିତରେ ବିହାର ପୋଲିସ ଆରଜେଡି ବିଧାୟକ ସତୀସ୍ କୁମାରଙ୍କୁ ପ୍ରବଳ ପିଟିଛି । ଏହାପରେ ବିଧାନସଭା ପରିସରରୁ ବିଧାୟକଙ୍କୁ ଷ୍ଟ୍ରେଚର ମାଧ୍ୟମରେ ମେଡିକାଲ ନିଆଯାଉଥିବା ଦେଖିବାକୁ ମିଳିଥିଲା । ସତୀସଙ୍କୁ ଷ୍ଟ୍ରେଚରରେ ନିଆଯାଉଥିବା ବେଳେ ସେ କହିଥିଲେ କି ‘ଦେଖନ୍ତୁ ଲୋକମାନଙ୍କ ଦ୍ୱାରା ନିର୍ବାଚିତ ହୋଇଥିବା ଜଣେ ବିଧାୟକକୁ ନିତୀଶ ସରକାରର ପୋଲିସ ମାନେ କିଭଳି ବ୍ୟବହାର କରୁଛନ୍ତି ।’ କେବଳ ସେତିକି ନୁହେଁ ଜଣେ ମହିଳା ବିଧାୟକଙ୍କୁ ବି ମହିଳା ପୋଲିସ ମାନେ ଘୋଷାଡି ଘୋଷାଡି ବିଧାନସଭା ବାହାରକୁ ନେଉଥିବାର ଦୃଶ୍ୟ ଗଣତନ୍ତ୍ର ପ୍ରତି ଶକ୍ତ ଅପମାନ ବୋଲି କୁହାଯାଇପାରେ !
Kanak News is now on WhatsApp
Join and get latest news updates delivered to you via WhatsApp
राजद विधायक को लोकतंत्र के मंदिर में सादे कपड़ों में मौजूद गुंडा सरकार के नरभक्षी शासकों के गुंडों ने इतना पीटा कि उन्हें स्ट्रेचर पर एम्बुलेंस में लेकर जाना पड़ा।
वो कह रहे है कि ज़ालिम नीतीश जी हत्या करवा देंगे। वैसे भी CM को हत्या करने-कराने का पुराना अनुभव है। pic.twitter.com/BFGxeslLZB
— Tejashwi Yadav (@yadavtejashwi) March 24, 2021
କହିରଖୁ କି ବିହାର ବିଧାସଭାରେ ବିହାର ପୋଲିସ ବିଧେୟକକୁ ନେଇ ବିରୋଧୀ ଆରଜେଡି, ବାମଦଳ ଓ କଂଗ୍ରେସ ମେଣ୍ଟର ବିଧାୟକ ମାନେ ବିରୋଧ କରିଥିଲେ । ଏହାକୁ ନେଇ ବିଧାନସଭା ପରିସରରେ ବିରୋଧୀ ବିଧାୟକ ମାନେ ହଙ୍ଗାମା କରିଥିଲେ । ଏହାକୁ ନେଇ ବାଚସ୍ପତି ଗୃହକୁ ୫ ଥର ମୁଲତବି କରିଥିଲେ । ସେମାନଙ୍କୁ ଶାନ୍ତ କରିବା ଓ ଆଲୋଚନା କରିବାକୁ ବାଚସ୍ପତି ପ୍ରସ୍ତାବ ଦେଇଥିଲେ ବି ସେମାନେ ସେମାନଙ୍କ ଜିଦରେ ଅଟଳ ରହିଥିଲେ । ଏହାକୁ ନେଇ ଶାସକ ଦଳର ବିଧାୟକ ଓ ବିରୋଧୀ ବିଧାୟକ ମାନଙ୍କ ଭିତରେ ଗଣ୍ଡଗୋଳ ଆରମ୍ଭ ହୋଇଯାଇଥିଲା ଉଭୟ ଉଭୟଙ୍କୁ ଲାତ, ଗୋଇଠା ଚାପୁଡା ମାରିବା ଭଳି ସ୍ଥିତି ଦେଖା ଦେଇଥିଲା । ଏମାନଙ୍କୁ ଅଟକାଇବାକୁ ଯାଇ ପୋଲିସ ପିଟିବା ଆରମ୍ଭ କରିଥିଲା । ଏଥିରେ ଆରଜେଡି ବିଧାୟକ ସତୀସ୍ କୁମାର ଆହତ ହୋଇଥିଲେ । ଅନ୍ୟପଟେ ଜଣେ ବିରୋଧୀ ମହିଳା ବିଧାୟକଙ୍କୁ ମହିଳା ପୋଲିସ ମାନେ ବିଧାନ ସଭା ବାହାରକୁ ଘୋଷାଡି ଘୋଷାଡି ଆଣୁଥିବାର ଦୃଶ୍ୟ ବେସ୍ ରୋଚକ ଥିଲା ।
पूर्व मंत्री हमारी महिला विधायक अनिता देवी जी को निर्लज्ज नीतीश कैसे घसीटवा रहे है। इसी क्रम में साड़ी भी खुल जाती है।
तुमने आज ये जो चिंगारियाँ भड़काई है कल यही चिंगारियाँ तुम्हारे काले काल के काले सुशासन को जला कर भस्म कर देंगी। बिहार हिसाब करेगा और जल्द।#नीतीशकुमार_शर्म_करो pic.twitter.com/3vpANxSMPZ
— Rabri Devi (@RabriDeviRJD) March 23, 2021
ଏହି ଘଟଣା ପରେ ବିହାର ମୁଖ୍ୟମନ୍ତ୍ରୀ ନିତୀଶ କୁମାରଙ୍କୁ ଟାର୍ଗେଟ୍ କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ଆରଜେଡି ନେତା ରାବଡୀ ଦେବୀ । ସେ ତାଙ୍କ ଟ୍ୱିଟରରେ ଲେଖିଛନ୍ତି କି ‘ପୂର୍ବତନ ମନ୍ତ୍ରୀ ତଥା ଆମ ମହିଳା ବିଧାୟକ ଅନୀତା ଦେବୀଙ୍କୁ ନିତୀଶ ସରକାର ବିଧାନସଭା ଭିତରୁ ଘୋଷାଡି ଘୋଷାଡି ବାହାର କରିଦେଇଛନ୍ତି । ତୁମେ ଆଜି ଯେଉଁ ନିଆଁ ଲଗାଇଛ ଆସନ୍ତା ସମୟରେ ସେହି ନିଆଁ ତୁମ ସୁଶାସନକୁ ଜାଳି ପାଉଁଶ କରିଦେବ । ବିହାରବାସୀ ଖୁବଶୀଘ୍ର ଏହାର ହିସାବ କରିବେ’ ଏହାସହ ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ବି ଘଟଣାକୁ ଦୃଢ ନିନ୍ଦା କରିଛନ୍ତି ।