ଦେଶରେ ଲାଗୁ ହେବାକୁ ଯାଉଛି ବିଶ୍ୱର ସବୁଠାରୁ ଅଲଗା ଟିକାକରଣ ନୀତି । ଜାଣନ୍ତୁ କିଭଳି କାର୍ଯ୍ୟ କରିବ ‘ମିକ୍ସ ଆଣ୍ଡ ମ୍ୟାଚ୍’ ବ୍ୟବସ୍ଥା
କନକ ବ୍ୟୁରୋ : ଯଦି ସବୁ ଠିକ ଠାକ୍ ରହିବ ତେବେ ଆଗମୀ ଦିନରେ ଲୋକମାନଙ୍କୁ ଦିଆଯାଉଥିବା କରୋନା ଟିକାର ବହୁତ ବଡ ପରିବର୍ତ୍ତନ ହେବାକୁ ଯାଉଛି । ଏହା ଅନ୍ୟ କିଛି ନୁହେଁ କେବଳ ଲୋକମାନଙ୍କୁ ଟିକା ଦେବାବେଳେ ଭୂଲରେ ଅନ୍ୟ କମ୍ପାନୀର ଟିକା ଦେବା ଉପରେ ପରିବର୍ତ୍ତନ କରାଯାଉଛି । ବୈଜ୍ଞାନିକ ମାନେ ଏବେ ଏହି ପରୀକ୍ଷାରେ ଲାଗିଛନ୍ତି କି, ଆଗାମୀ ଦିନରେ କିଭଳି ଭାବେ ଲୋକଙ୍କୁ ‘ମିକ୍ସ ଆଣ୍ଡ ମ୍ୟାଚ୍’ ଟିକା ଦିଆଯାଇ ପାରିବ । ଏହାର ଅର୍ଥ ଗୋଟିଏ ଲୋକକୁ ପ୍ରଥମ ଡୋଜରେ ଗୋଟିଏ କମ୍ପାନୀର ଟିକା ଦିଆଯାଇଥିଲେ ଦ୍ୱିତୀୟ ଡୋଜ ବେଳେ କିଭଳି ଅନ୍ୟ ଡୋଜର ଟିକା ଦିଆଯାଇ ପାରିବ ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ଟିକାକରଣ ବ୍ୟବସ୍ଥା ଉପରେ ନଜର ରଖିଥିବା କମିଟିର ଜଣେ ବରିଷ୍ଠ ସଦସ୍ୟ କହିଛନ୍ତି କି କେବେ କେବେ ଦେଖାଦେଇଛି କି ଗୋଟିଏ ଲୋକକୁ ଦୁଇଟି କମ୍ପାନୀର ଟିକା ଦେବା ପରେ ସେମାନଙ୍କ ଶରୀରରେ ମଜଭୁତି ଓ ଇମ୍ୟୁନିଟି ପାୱାର ବୃଦ୍ଧି ପାଉଛି । ଗୋଟିଏ ପଟେ ଦେଶରେ ଏଭଳି ଘଟଣା ଏବେ ଭୂଲରେ ହେଉଥିବା ବେଳେ ଏହାର କିଛି ପାଶ୍ୱର୍ପ୍ରତିକ୍ରିୟା ଦେଖିବାକୁ ମିଳିନାହିଁ । ବରିଷ୍ଠ ବୈଜ୍ଞାନିକ ମାନେ କହିଛନ୍ତି କି, ଆଗାମୀ ଦିନରେ ‘ମିକ୍ସ ଆଣ୍ଡ ମ୍ୟାଚ୍’ ଟିକାକରଣ ଉପରେ ଅଧିକ ଗବେଷଣା କରାଯିବ ।
କୋଭିଡ-୧୯ ଟ୍ୟାକ୍ସଫୋର୍ସ କମିଟିର ବରିଷ୍ଠ ସଦସ୍ୟ କହିଛନ୍ତି କି ଗୋଟିଏ ଲୋକକୁ ଅଲଗା ଅଲଗା କମ୍ପାନୀର ଟିକା ଦେବା ପରେ ତାଙ୍କ ଶରୀରରେ ଇମ୍ୟୁନିଟି ପାୱାର ବୃଦ୍ଧି ପାଉଛି । ଏହାସହ ଏହାକୁ ଲାଗୁ କରିବାକୁ ପୁରା ପ୍ରସ୍ତୁତି ଶେଷ ହୋଇଥିବା କଥା ସେ କହିଛନ୍ତି । ଏହା ଲାଗୁହେବା ପରେ ଦେଶରେ ଟିକା ଦେବାର ସମୟରୁ ଆରମ୍ଭ କରି ପ୍ରୋଟୋକଲ ପର୍ଯ୍ୟନ୍ତ ସମସ୍ତ ସ୍ୱରୂପ ବଦଳିଯିବ ।
ଅନ୍ୟପଟେ ଏନେଇ ରିସର୍ଚ୍ଚ କରୁଥିବା ଟିମର କହିବା କଥା କି ଯଦି ସବୁକିଛି ଠିକରେ ଚାଲେ ସେ ଆଗାମୀ କିଛିମାସ ମଧ୍ୟରେ ଦେଶରେ ‘ମିକ୍ସ ଆଣ୍ଡ ମ୍ୟାଚ୍’ ବ୍ୟବସ୍ଥା ଲାଗୁ କରିଦିଆଯିବ । କାରଣ ଆଗାମୀ ୩ ରୁ ୪ ମାସ ମଧ୍ୟରେ ଭାରତକୁ ଅନେକ କମ୍ପାନୀର ଟିକା ଆସିବାକୁ ଯାଉଛି ।