ଏଣିକି ଘର ଦୁଆରେ ପହଞ୍ଚିବ ଆଲୁ-ପିଆଜ । କରୋନା ଚେନ୍ ଭାଙ୍ଗିବା ପାଇଁ ରାଉରକେଲା ପ୍ରଶାସନର ବଡ ପଦକ୍ଷେପ
ରାଜ୍ୟରେ କରୋନା କଟକଣା କଡାକଡି ହୋଇଛି । କିନ୍ତୁ ଲୋକଙ୍କୁ ଜେତେ ସଚେତନ କରିବା ପରେ ବି ଲୋକେ ଚେତୁନାହାନ୍ତି । ଭୋଜି ଭାତ ଚାଲିଛି । ମିଛ ବାହାନା ଦେଖାଇ ବାହାରେ ବୁଲାବୁଲି ବି ଚାଲିଛି । ଏପରିକି ପରିବା କିଣିବା ଆଳ ଦେଖାଇ ଲୋକେ ବାହାରକୁ ବାହାରୁଛନ୍ତି । ଯାହା ଦ୍ୱାରା ସଂକ୍ରମଣ ବଢିବାର ଆଶଂକା ବଢିଯାଉଛି । ତେଣୁ ଏଭଳି ପରିସ୍ଥିତିରେ ରାଉରକେଲା ମହାନଗର ନିଗମ ପକ୍ଷରୁ ବଡ ପଦକ୍ଷେପ ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାଉରକେଲା ମହାନଗର ନିଗମ ଅଞ୍ଚଳରେ କୋଭିଡ୍ ସଂକ୍ରମଣର ଚେନ୍ ଭାଙ୍ଗିବା ପାଇଁ ବିଭିନ୍ନ ପଦକ୍ଷେପ ନେଉଛି ପ୍ରଶାସନ। ଜନସାଧାରଣ ଆବଶ୍ୟକ ନଥିଲେ ଘରୁ ନ ବାହାରିବା ପାଇଁ ସେମାନଙ୍କ ଦୁଆର ମୁହଁରେ ଆଳୁ ପିଆଜ ଭଳି ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ପହଞ୍ଚାଉଛନ୍ତି ମିସନ ଶକ୍ତିର ମହିଳା।
ମେ’ ୫ ତାରିଖରୁ ଆରମ୍ଭ ହୋଇଥିବା ଲକଡାଉନକୁ ରାଜ୍ୟ ସରକାର ଜୁନ୍ ୧ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି। ତେଣୁ ଏହି ସମୟରେ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନେ ସାଧାରଣ ଜନତାଙ୍କ ଦୁଆର ମୁହଁରେ ଆଳୁ ପିଆଜ ନେଇ ସୁଲଭ ଦରରେ ବିକୁଛନ୍ତି । ଏଥିପାଇଁ ରାଉରକେଲାରେ ୯ଟି ଏସଏଚଜି ନିୟୋଜିତ ହୋଇଛନ୍ତି। ରାଉରକେଲା ମହାନଗର ନିଗମ ଏହି କାମରେ ସେମାନଙ୍କ ପାଇଁ ଗାଡ଼ି ବ୍ୟବସ୍ଥା କରିଛି । ଫଳରେ ଲକଡାଉନ ନିୟମ ଭାଙ୍ଗି କାହାକୁ ବେଶୀ ବାଟ ଯିବାକୁ ପଡୁନାହିଁ। ହୋମ ଆଇସୋଲେସନରେ ଥିବା ବ୍ୟକ୍ତି ମଧ୍ୟ ଘରେ ଥାଇ ଆଳୁ ପିଆଜ ପାଇପାରୁଛନ୍ତି ।