କନକ ବ୍ୟୁରୋ : ଯୁଗ ବଦଳିଛି, ମହିଳାଙ୍କ ଚିନ୍ତାଧାରା ମଧ୍ୟ ବଦଳିଛି । ସମୟ ସହ ତାଳ ଦେଇ ଆଗକୁ ବଢ଼ୁଛନ୍ତି ମହିଳା । ଆଗ ଭଳି ଆଉ ନିଜର ଖର୍ଚ୍ଚ ପାଇଁ ଅନ୍ୟ ଉପରେ ନିର୍ଭର କରିବାକୁ ପଡ଼ୁନାହିଁ । ନିଜସ୍ୱ ଉଦ୍ୟମରେ ସ୍ୱୟଂ ସହାୟକ ଗୋଷ୍ଠୀ ଗଠନ କରି ରୋଜଗାର ପାଇଁ ବାଟ ବାଛୁଛନ୍ତି ମହିଳା । ଆଉ ଏଥିରେ ତାଙ୍କୁ ସହଯୋଗରେ ହାତ ବଢ଼ାଇଛି ମିଶନ ଶକ୍ତି । ସେହିପରି ରାୟଗଡ଼ା ପୌରପରିଷଦ ୧୨ ନମ୍ବର ୱାର୍ଡର ବାସିନ୍ଦା ହେଉଛନ୍ତି ରଂଜିତା ପଟ୍ଟନାୟକ । ନିଜେ ସ୍ୱାବଲମ୍ବୀ ହେବା ସହ ଅନ୍ୟ ମହିଳା ମାନଙ୍କୁ ସ୍ୱାବଲମ୍ବୀ କରିଛନ୍ତି । ୨୦୧୬ରେ ୧୨ ଜଣ ମହିଳାଙ୍କୁ ନେଇ ୨୦୧୬ରେ ଗଠନ କରିଥିଲେ ସାଇ ସମୃଦ୍ଧି ସ୍ୱୟଂ ସହାୟକ ଗୋଷ୍ଠୀ । ରଂଜିତା ନିଜେ ଗ୍ରୁପର ଦାୟିତ୍ୱ ନେଇ ଗୁଣୁପୁର ସହରରେ ଖୋଲିଥିଲେ ଶିଲେଇ ଶିକ୍ଷା କେନ୍ଦ୍ର । ଏଥିରେ ଗ୍ରୁପର ସମସ୍ତ ସଦସ୍ୟଙ୍କୁ ସାମିଲ କରି ମିଶନ ଶକ୍ତି ସହାୟତାରେ ବ୍ୟାଙ୍କରୁ ରୁଣ ଆଣି ଏହି ବ୍ୟବସାୟ ଆଗକୁ ବଢ଼ାଇଥିଲେ । ଅଙ୍ଗନୱାଡ଼ି ଓ ବିଭିନ୍ନ ଶିକ୍ଷାନୁଷ୍ଠାନର ପିଲାଙ୍କ ୟୁନିଫର୍ମ, ବିଭିନ୍ନ ପ୍ରକାର ବସ୍ତ୍ର ବିକ୍ରି କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଶିଲେଇ ଶିକ୍ଷା କେନ୍ଦ୍ରରେ ଶାଢ଼ି ଫଲ, ଡିଜାଇନ ଫ୍ରକ୍, ଏମ୍ବ୍ରୋଡ଼ୋରି ୱାର୍କ କାମ ତାଲିମ ନେଉଛନ୍ତି ମହିଳା । ପାଖାପାଖି ୩ହଜାରରୁ ଉଦ୍ଧ୍ୱର୍ ମହିଳା ଏହି କେନ୍ଦ୍ରରୁ ତାଲିମ ଶେଷ କରିଥିବା କୁହନ୍ତି ରଂଜିତା । ମାନୁଆଲ ମେସିନ୍ ସହିତ ବିଦ୍ୟୁତ୍ ଚାଳିତ ମେସିନରେ ଡ୍ରେସ୍ ଶିଲେଇ କରି ରୋଜଗାର କରୁଛନ୍ତି ଏସଏଚଜି ମହିଳା । ଘର କାମ ସାରି ୨ରୁ ୩ଘଂଟା ପରିଶ୍ରମ କରି ବାର୍ଷିକ ଲକ୍ଷାଧିକ ଟଙ୍କା ରୋଜଗାର କରୁଛନ୍ତି ମହିଳା । ମିଶନ ଶକ୍ତି ମାଧ୍ୟମରେ ମହିଳାଙ୍କୁ ସମସ୍ତ ସୁବିଧା ଯୋଗାଇଦେବା ସହ ସେମାନଙ୍କ ଆର୍ଥିକ ସ୍ଥିତିରେ ଉନ୍ନତି ଆଣିବା ପାଇର୍ ସବୁ ପ୍ରକାର ବ୍ୟବସ୍ଥା କରାଯିବ ବୋଲି କହିଛନ୍ତି ମିଶନ ଶକ୍ତି ବ୍ଲକ କୋର୍ଡ଼ିନେଟର ।
ନିଜ ପରିବାରର ସମସ୍ତ କାମ ସହ ଗୁଣୁପୁର ଅଂଚଳରେ ମହିଳାମାନଙ୍କ ଏପରି ଉଦ୍ୟମ ଏବେ ଅନ୍ୟ ମାନଙ୍କ ପାଇଁ ପ୍ରେରଣା ପାଲଟିଛି ।