ସଫଳ ହେଲା ମିଶନ ରାହୁଲ। ବୋରୱେଲରୁ ଉଦ୍ଧାର ହେଲା ରାହୁଲ ।
କନକ ବ୍ୟୁରୋ : ୧୦୦ଘଣ୍ଟାରୁ ଅଧିକ ସମୟର ଅପରସେନ ପରେ ଉଦ୍ଧାର ହେଲା ରାହୁଲ । ଛତିଶଗଡର ଜାଞ୍ଜଗିରି-ଚାମ୍ପାରେ ଫସିଥିବା ରାହୁଲ ଉଦ୍ଧାର ହୋଇଛି । ଯବାନ ଅନୀଲଙ୍କ ହାତରେ ରାହୁଲକୁ ଉଦ୍ଧାର କରାଯାଇଛି । ରାହୁଲକୁ ବୋରୱେଲରୁ ଟନେଲକୁ ଅଣାଯିବା ପରେ ବାହାରକୁ ଅଣାଯାଇଥିଲା । ବାହାରେ ଥିବା ମେଡିକାଲ ଟିମ୍ ତୁରନ୍ତ ତାଙ୍କୁ ମେଡିକାଲ ସହାୟତା ଯୋଗାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବାଧକ ସାଜିଥିବା ପଥର ଚଟାଣ କାଟିବା ପାଇଁ ଅନେକ ସମସ୍ୟାଥିଲା ତେବେ ଏହାକୁ କାଟିବା ପରେ ରାହୁଲକୁ ଉଦ୍ଧାର କରାଯାଇଛି । ଭିଏଲସି କ୍ୟାମେରା ଦ୍ୱାରା ରାହୁଲର ଅବସ୍ଥିତି ଅନୁଧ୍ୟାନ କରିଥଲା ଉଦ୍ଧାରକାରୀ ଟିମ୍ । ଶେଷରେ ଦୀର୍ଘ ସମୟର ଲଗାତର ପ୍ରୟାସ ପରେ ତାକୁ ଉଦ୍ଧାର କରାଯାଇଛି । ଉଦ୍ଧାରକାରୀ ଦଳଙ୍କ ପାଇଁ ଅନେକ ଚ୍ୟାଲେଞ୍ଜ ଥିଲା ରାହୁଲକୁ ଉଦ୍ଧାର କରିବା । ମିଶନମୋଡରେ ରାହୁଲଙ୍କୁ ଉଦ୍ଧାର ପାଇଁ ଅପରେସନକୁ ଜୋରଦାର କରାଯାଇଥିଲା ।
ଜାଞ୍ଜଗିରି-ଚାମ୍ପାରେ ବୋରୱେଲ ଭିତରେ ଫସିରହିଥିଲା ୧୦ ବର୍ଷୀୟ ରାହୁଲ । ଗତ ୪ ଦିନ ଧରି ସେ ସେଠାରେ ଫସିରହିଥିବା ବେଳେ ଉଦ୍ଧାର ପାଇଁ ସବୁ ପ୍ରକାର ଉଦ୍ୟମ କରାଯାଇଥିଲା ଦିନ ରାତିି ଉଦ୍ଧାରକାରୀ ଦଳ ସେଠାରେ ପ୍ରୟାସ ଜାରିରଖିଥିଲେ ଏବଂ ଶେଷରେ ତାଙ୍କୁ ସଫଳତା ମିଳିଛି । ରାହୁଲଙ୍କୁ ଉଦ୍ଧାର ପାଇଁ ଭାରତୀୟ ସେନା, ଏନଡିଆରଏଫର ଟିମ, ସ୍ଥାନୀୟ ପୋଲିସ ଲାଗିପଡିଥିଲେ । ତେବେ ଗ୍ରାନାଇଡ୍ ପଥର ଥିବାରୁ ତାକୁ କାଟି ଉଦ୍ଧାର କରିବାରେ ସମୟ ଲାଗୁଥିଲା କିନ୍ତୁ ପରେ ପଥର ଚଟାଣକୁ କଟାଯାଇଥିଲା । ରାହୁଲକୁ ସୁରକ୍ଷିତ ବାହାରକୁ ଆଣିବାରେ ପରେ ତାକୁ ମେଡିକାଲ ନିଆଯାଇଥିଲା ।