ଆନ୍ଧ୍ର ବିଶାଖାପାଟଣାରେ ଫସିଥିବା ନାବାଳିକା ଉଦ୍ଧାର । ଦଲାଲ କବଳରୁ ଉଦ୍ଧାର କରି ଘରକୁ ଆଣିଲେ କନକ ନ୍ୟୁଜ ସାମ୍ବାଦିକ ।
କନକ ବ୍ୟୁରୋ: ଆନ୍ଧ୍ର ପ୍ରଦେଶରେ ଅଟକ ଥିବା ଓଡ଼ିଆ ଝିଅ ଉଦ୍ଧାର । ବାଙ୍କୀ ଥାନା ଅନ୍ତର୍ଗତ ମାଳ ବିହାରପୁର ଗାଁର ୧୪ ବର୍ଷର ନାବାଳିକାକୁ ଆନ୍ଧ୍ରପ୍ରଦେଶର ଜଣେ ଦଲାଲ ଅଟକ ରଖି ତାର ପରିବାରକୁ ୫୦ ହଜାର ଦାବି କରିଥିଲା । ଏନେଇ କନକ ନ୍ୟୁଜରେ ଖବର ପ୍ରସାରଣ ପରେ ବାଙ୍କୀ ପୋଲିସର ଏକ ଟିମ୍ ସେଠାକୁ ଯାଇ ଦଲାଲ ପାଖରୁ ନାବାଳିକାକୁ ଉଦ୍ଧାର କରିଥିଲା । ଦଲାଲ କିଭଳି ସେଠାରେ ଏହି ନାବାଳିକାକୁ ନିର୍ଯ୍ୟାତନା ଦେଉଥିଲା ତାର ଗୋଟି ଗୋଟି କଥାର ଖୁଲାସା କରିଛନ୍ତି ନାବାଳିକା ।
Kanak News is now on WhatsApp
Join and get latest news updates delivered to you via WhatsApp
ପରିବାରର ଆର୍ଥିକ ଅନଟନ ଯୋଗୁଁ ସପ୍ତମ ଶ୍ରେଣୀରେ ପାଠ ପଢୁଥିବା ନାବାଳିକା ପାଠ ଛାଡି ଚିଙ୍ଗୁଡି ଫ୍ୟାକ୍ଟ୍ରିରେ କାମ କରିବାକୁ ବିଶାଖାପାଟଣା ଯାଇଥିଲେ । ହେଲେ ସେଠାରେ ଦଲାଲ ତାଙ୍କୁ ନିର୍ଯାତନା ଦେଉଥିଲା । ଏ ନେଇ ଖବର ପ୍ରସାରଣ ପରେ ଅପରେସନ ଆରମ୍ଭ କରିଥିଲା ବାଙ୍କୀ ପୁଲିସ । ଏବେ ବାଙ୍କୀ ପୋଲିସ ଝିଅଟିକୁ ଉଦ୍ଧାର କରିଛି ।