ଗଜପତିରୁ ନିଖୋଜ ଶିଶୁପୁତ୍ର ଉଦ୍ଧାର: ଏକ ନିର୍ମାଣଧୀନ ଘରର ଷ୍ଟୋରରୁ ଶିଶୁ ପୁତ୍ରକୁ କରାଗଲା ଉଦ୍ଧାର

ସେପଟେ ଢେଙ୍କାନାଳ ନିଖୋଜ ଶିଶୁ ଆୟୁଷ ମୃତ୍ୟୁ ଘଟଣାର ପର୍ଦ୍ଦାଫାସ: ପଡୋଶୀ ଘରର ମହିଳା ହିଁ ହତ୍ୟାକାରୀ

308

କନକ ବ୍ୟୁରୋ: ଗଜପତି ଜିଲ୍ଲା କାଶୀନଗର ବ୍ଲକର ନିଖୋଜ ୭ ବର୍ଷରୁ ଶିଶୁ ପୁତ୍ର ଉଦ୍ଧାର ହୋଇଛି । ଘର ଠାରୁ ୩ କିଲୋମିଟର ଦୂର କଇଥପଦରରୁ ଉଦ୍ଧାର କରାଯାଇଛି । ଏକ ନିର୍ମାଣଧୀନ ଘରର ଷ୍ଟୋରରୁ ଶିଶୁ ପୁତ୍ରକୁ ସଂପର୍କୀୟ ଉଦ୍ଧାର କରିଥିବା ଜଣାପଡିଛି । ସଂପର୍କୀୟ ମାନେ ଖୋଜାଖୋଜି କରୁଥିବା ବେଳେ ସନ୍ଧାନ ପାଇଥିଲେ । ଉଦ୍ଧାର ପରେ ଶିଶୁପୁତ୍ରକୁ ନେଇ ଅଧିକ ଖୋଳତାଡ କରୁଛି ପୁଲିସ । ଗତ ୧୬ ତାରିଖରେ ଶିଶୁପୁତ୍ରଟି ଖେଳୁଥିବା ବେଳେ ଦୁଇ ଜଣ ଦୁର୍ବୃତ ବାଇକ୍ରେ ଆସି ପିଲାଟିକୁ ଉଠାଇ ନେଇଥିବା ଅଭିଯୋଗ ହୋଇଥିଲା । ନିଜ ଘର ଠାରୁ ୫୦ ମିଟର ଦୂର ଏକ ବ୍ୟାକେରି ଦୋକାନ ନିକଟରେ ଖେଳୁଥିବା ବେଳେ ଶିଶୁପୁତ୍ର ନିଖୋଜ ହୋଇଯାଇଥିଲା ।

ସେପଟେ ଢେଙ୍କାନାଳରେ କୂଅ ଭିତରୁ ଶିଶୁର ମୃତଦେହ ଉଦ୍ଧାର ଘଟଣାରେ ପଡୋଶୀ ମହିଳାଙ୍କୁ ଗିରଫ କରିଛି ପୁଲିସ । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟା କରିିଥିବା ମହିଳା ଜଣକ ସ୍ୱୀକାର କରିଛନ୍ତି । ଶିଶୁଟିକୁ ଶ୍ୱାସରୁଦ୍ଧ ପରେ କୂଅରେ ଫିଙ୍ଗିଦେଇଥିବା ଜଣାପଡିଛି । ପୁଲିସ ଗତକାଲି ଉଭୟ ସନ୍ଦିଗ୍ଧ ଦମ୍ପତିଙ୍କୁ ଅଟକ ରଖି ପଚରାଉଚରା କରିଥିଲା । ଆଜି ଗିରଫ କରାଯାଇଛି । କିଛି ସମୟ ପରେ ତାଙ୍କୁ କୋର୍ଟ ଫରୱାର୍ଡ କରାଯିବ । ୨ ଦିନ ତଳେ ନିହଲପ୍ରସାଦ ଥାନା ଅନ୍ତର୍ଗତ ଖଙ୍କିରା ଗାଁର ଜୟନ୍ତ ସାହୁଙ୍କ ୩ ବର୍ଷର ନିଖୋଜ ପୁଅ ଆୟୁଷ ନିଖୋଜ ହୋଇଥିଲା । ଏହା ପରେ କୁଅ ଭିତରୁ ମୃତଦେହ ଉଦ୍ଧାର ହୋଇଥିଲା ।

Comments are closed.