ଅଳ୍ପକେ ବଞ୍ଚିଗଲେ ୟୁକ୍ରେନ ରାଷ୍ଟ୍ରପତି ଜେଲେନସ୍କି : ପାଖରେ ମାଡ଼ ହେଲା କ୍ଷେପଣାସ୍ତ୍ର ।

ୟୁକ୍ରେନ ରାଷ୍ଟ୍ରପତି ଭ୍ଲାଦିମିର ଜେଲେନସ୍କି ନିଜ ସେନା ସହ ମାର୍ଚ୍ଚ କରୁଥିବା ସମୟରେ ତାଙ୍କ ଗାଡି ନିକଟରେ ଏକ କ୍ଷେପଣାସ୍ତ୍ର ମାଡ଼ ହେଇଥିବାର ଚର୍ଚ୍ଚା ହେଉଛି ।  ତେବେ ସୂଚନା ଅନୁଯାୟୀ ୟୁକ୍ରେନ ରାଷ୍ଟ୍ରପତି ଜେଲେନସ୍କି ସୁରକ୍ଷିତ ଥିବା କୁହାଯାଉଛି ।

ରୁଷ-ୟୁକ୍ରେନ ଯୁଦ୍ଧ ଆରମ୍ଭରୁ ମାତ୍ର ଦୁଇ ବର୍ଷ ବିତିଗଲାଣି | ଏହି ଦୁଇ ବର୍ଷ ମଧ୍ୟରେ ଜେଲେନସ୍କିଙ୍କ ଉପରେ ଏହା ହେଉଛି ପ୍ରଥମ ପ୍ରମୁଖ ଆକ୍ରମଣ ।

ଏହି ମିସାଇଲଟି ୟୁକ୍ରେନ ରାଷ୍ଟ୍ରପତି ଭ୍ଲାଦିମିର ଜେଲେନସ୍କିଙ୍କ କନଭେନର ଅତି ନିକଟରେ ପଡ଼ିଥିବାର କୁହାଯାଉଛି । ଏହା ମଧ୍ୟ  କୁହାଯାଉଛି ଯେ ୟୁକ୍ରେନ ରାଷ୍ଟ୍ରପତି ଜେଲେନସ୍କି ଅଳ୍ପକେ ମରଣ ମୁହଁରୁ ବଞ୍ଚି ଯାଇଛନ୍ତି । ରୁଷ-ୟୁକ୍ରେନ ଯୁଦ୍ଧ ହେବ ପରଠାରୁ ଏହା ପ୍ରଥମ ଥର ପାଇଁ ଜାଲେନସ୍କି ନିକଟରେ ଏକ କ୍ଷେପଣାସ୍ତ୍ର ଆକ୍ରମଣ ହୋଇଛି ।

ସୂଚନାନୁସାରେ, ୟୁକ୍ରେନର ରାଷ୍ଟ୍ରପତି ଏବଂ ଗ୍ରୀସର ପ୍ରଧାନମନ୍ତ୍ରୀ ଓଡେସାରେ ସାକ୍ଷାତ କରିବାକୁ ଯାଉଥିଲେ। କିନ୍ତୁ ଯେତେବେଳେ ରାଷ୍ଟ୍ରପତି ଜେଲେନସ୍କିଙ୍କ କନଭେନ ଗ୍ରୀକ୍ ଦୂତାବାସରେ ପହଞ୍ଚିଲା ସେତେବେଳେ ପ୍ରାୟ ୧୦୦ ମିଟର ଦୂରରେ ଏକ କ୍ଷେପଣାସ୍ତ୍ର ଦ୍ଵାରା ଆକ୍ରମଣ ହୋଇଥିଲା।

ଗତ ମାସରେ, ରୁଷ-ୟୁକ୍ରେନ ଯୁଦ୍ଧକୁ ଦୁଇ ବର୍ଷ ପୁରିଛି । କିଛି ଚେଷ୍ଟା ସତ୍ତ୍ୱେ ବର୍ତ୍ତମାନ ପର୍ଯ୍ୟନ୍ତ ଦୁଇ ଦେଶ ମଧ୍ୟରେ ଶାନ୍ତି ପ୍ରତିଷ୍ଠା ହୋଇପାରିନାହିଁ । ପ୍ରତି କିଛି ଦିନ ଅନ୍ତରରେ ଡ୍ରୋନ୍ ଆକ୍ରମଣ ଏବଂ କ୍ଷେପଣାସ୍ତ୍ର ଆକ୍ରମଣର ନିରନ୍ତର ଖବର ଆସୁଛି ।

ରୁଷ-ୟୁକ୍ରେନ ଯୁଦ୍ଧ ବିଷୟରେ ୟୁରୋପ କ’ଣ ଭାବୁଛି ?

ୟୁରୋପୀଆନ କାଉନସିଲ୍ ଅଫ୍ ଫରେନ ଆଫାୟାର୍ସ ରିଲେସନ ଦ୍ୱାରା କରାଯାଇଥିବା ଏକ ସର୍ଭେରେ ଏହି ଯୁଦ୍ଧ ବିଷୟରେ କିଛି ରୋଚକ କଥା କୁହାଯାଇଛି। ୟୁରୋପୀଆନ କାଉନସିଲ୍ ଅଫ୍ ଫରେନ ଆଫାୟାର୍ସ ରିଲେସନ ସର୍ଭେ ଅନୁଯାୟୀ ୟୁରୋପର ଅଧିକାଂଶ ଲୋକ ରୁଷ ବିରୋଧରେ ଯୁଦ୍ଧରେ ୟୁକ୍ରେନକୁ ସମର୍ଥନ କରନ୍ତି ।ତେବେ ୧୦ ରୁ କେବଳ ଜଣେ ବିଶ୍ଵାସ କରନ୍ତି ଯେ ଏହି ଯୁଦ୍ଧରେ ୟୁକ୍ରେନ ବିଜୟ ଲାଭ କରିପାରେ ।  ଅଧିକାଂଶ ଲୋକ ଏହା ବିଶ୍ଵାସ କରନ୍ତି ଯେ ଏହି ଯୁଦ୍ଧ କେବଳ ଅପୋଷ ବୁଝାମଣା ଦ୍ୱାରା ସମାପ୍ତ ଶେଷ ହୋଇପାରିବ। ଏଥି ସହିତ, କିଛି ଲୋକ ଅଛନ୍ତି ଯେଉଁମାନେ ୟୁକ୍ରେନ ଏବଂ ରୁଷ ମଧ୍ୟରେ କଥାବାର୍ତ୍ତା ପରିବର୍ତ୍ତେ ପ୍ରତିଶୋଧ ନେବାକୁ ସମର୍ଥନ କରନ୍ତି ।