କନକ ବ୍ୟୁରୋ : ଛତିଶଗଡ ସୁକମାରେ ଥିବା ୫୦ ବାଟାଲିୟନ କ୍ୟାମ୍ପରେ ଅଘଟଣ । କ୍ୟାମ୍ପରେ ଜଣେ ଯବାନ ସାଥୀ ଯବାନଙ୍କୁ ଗୁଳି ମାରିବାରୁ ଘଟଣା ସ୍ଥଳରେ ୪ ଯବାନଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ୩ ଜଣ ଗୁରୁତର ଆହତ ହୋଇଛନ୍ତି । ଆହତ ଯବାନଙ୍କ ମଧ୍ୟରୁ ଜଣଙ୍କ ଅବସ୍ଥା ଅତି ସମ୍ବେଦନଶୀଳ ଥିବା ଜଣାପଡିଛି । ଏହି ଘଟଣା ରାତି ପାଖାପାଖି ୧ଟା ସମୟରେ ଘଟିଥିବା ସୂଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଯେଉଁ ସିଆରପିଏଫ୍ ଯବାନଙ୍କ ମଧ୍ୟରେ ଏପରି ଅଘଟଣ ଘଟିଛି ସେମାନେ ଗତ ରାତିରେ ନକ୍ସଲ କ୍ଷେତ୍ରରେ ଡ୍ୟୁଟିରେ ମୁତୟନ ଥିଲେ । ଏହି ସମୟରେ ସେମାନଙ୍କ ମଧ୍ୟରେ କୌଣସି କଥାକୁ ନେଇ ବଚସା ହୋଇଥିଲା, ଯାହା କ୍ରମେ ହିଂସା ରୂପ ନେଇଛି । ଫଳରେ ମାନସିକ ଭାରସାମ୍ୟ ହରାଇ ଯବାନ ଜଣକ ସାଥୀ ଯବାନଙ୍କ ଉପରକୁ ଆଖିବୁଜା ଗୁଳି କରିଥିଲା । ଘଟଣା ସ୍ଥଳରେ ୪ ଯବାନଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ୩ଯବାନ ଗୁରୁତର ହୋଇପଡିଛନ୍ତି । ଏହି ଘଟଣା ପରେ ସିଆରପିଏଫ୍ ଅଧିକାରୀ ମାମଲାର ଛାନବିନ୍ କରିଛନ୍ତି । ଏଯାଏଁ କାରଣ ସ୍ପଷ୍ଟ ହୋଇନାହିଁ ।