ମତଦାନ ବେଳେ ବ୍ରହ୍ମଗିରିରେ ଅଭାବନୀୟ କାଣ୍ଡ: ବାଲାଟ ବକ୍ସକୁ ପାଣିରେ ଫିଙ୍ଗିଦେଲେ ଦୁର୍ବୃତ୍ତ 

କନକ ବ୍ୟୁରୋ: ବ୍ରହ୍ମଗିରିରେ ବାଲାଟ ବକ୍ସକୁ ପାଣିରେ ଫିଙ୍ଗିଦେଲେ ଦୁର୍ବୃତ୍ତ । ଚାପମାଣିକ ପଞ୍ଚାୟତ କାଶିଝରିଆ ଗାଁରେ ଘଟିଛି ଏଭଳି ଅଭାବନୀୟ କାଣ୍ଡ । ୯ ନମ୍ବର ବୁଥର ବାଲାଟ ବକ୍ସକୁ ନେଇ ପାଣିରେ ଫିଙ୍ଗିଦେଲେ ଦୁର୍ବୃତ୍ତା ଘଟଣାସ୍ଥଳରେ ଉତ୍ତେଜନା ପରେ ପୋଲିସ ଫୋର୍ସ ମୁତୟନ ହୋଇଛନ୍ତି ।

ସେହିପରି ବ୍ରହ୍ମଗିରି ନିଶିଭଅଁର ଗାଁରେ ଭୋଟ୍ ଗ୍ରହଣ ବେଳେ ରାଜନୈତିକ ହିଂସା ଦେଖାଯାଇଛି । ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଛି । ଏଥିରେ ୪ ଜଣ ଆହତ ହୋଇଥିବା ଜଣାପଡ଼ିଛି । ଆହତଙ୍କୁ ରେବଣା ନୂଆଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି । ଏକ ନିର୍ଦ୍ଦିଷ୍ଟ ଗୋଷ୍ଠୀକୁ ଭୋଟ୍ ଦେବାକୁ କହିବାରୁ ଏହି ସଂଘର୍ଷ ଘଟିଥିବା ଅଭିଯୋଗ ହୋଇଛି ।