ବିଧାୟକଙ୍କ କ୍ୱାର୍ଟରରେ ନିଆଁ । ତାଳଚେର ବିଧାୟକ ବ୍ରଜ କିଶୋର ପ୍ରଧାନଙ୍କ ସରକାରୀ ବାସଭବନରେ ପଶି ୫ଟି ଗାଡି ଜାଳିଦେଲେ ଦୁର୍ବୃତ୍ତ

604

କନକ ବ୍ୟୁରୋ: ବିଧାୟକଙ୍କ କ୍ୱାର୍ଟରରେ ନିଆଁ। ତାଳଚେର ବିଧାୟକ ବ୍ରଜ କିଶୋର ପ୍ରଧାନଙ୍କ ସରକାରୀ ବାସଭବନରେ ଗାଡି ପୋଡି । ଗତକାଲି ରାତିରେ କିଛି ଦୁର୍ବୃତ୍ତ ଘର ବାହାରପଟୁ ଚାବି ପକାଇ ଗାଡି ପୋଡିଦେଇଥିବା ଅଭିଯୋଗ ହୋଇଛି । ଘରେ ଥିବା ଲୋକ ଏହି ଅଭିଯୋଗ ଆଣିଛନ୍ତି । ଅଗ୍ନିକାଣ୍ଡରେ ଦୁଇଟି କାର, ଦୁଇଟି ବାଇକ ଓ ସାଇକେଲ ପୋଡିଯାଇଛି ।

ଘଟଣା ସମୟରେ ବିଧାୟକ ଉପସ୍ଥିତ ନଥିଲେ । ତେବେ କ୍ୱାର୍ଟରରେ ୧୦ରୁ ଅଧିକ ଲୋକ ଶୋଇଥିଲେ । ସେମାନଙ୍କୁ ବାହାରୁ ତାଲା ପକାଇ ଏଭଳି କାଣ୍ଡ କରାଯାଇଛି । ବିଧାୟକଙ୍କ କ୍ୱାର୍ଟସକୁ ସମସ୍ତଙ୍କୁ ଆସିବାକୁ ଅନୁମତି ରହିଛି । ତେବେ କେହି ଓ କାହିଁକି ନିଆଁ ଲଗାଇଲା ତାହା ସ୍ପଷ୍ଟ ହୋଇନ ଥିଲେ ବି ଅତି ଯୋଜନାବଦ୍ଧ ଭାବେ ଏଭଳି କାଣ୍ଡ କରାଯାଇଥିବା ସନ୍ଦେହ କରାଯାଉଛି । ଡିସିପି ଘଟଣାସ୍ଥଳରେ ପହଞ୍ଚିଛନ୍ତି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.