ସିସିଟିଭିରେ କଏଦ ହେଲା ଲୁଟ୍ ସମୟର ଚିତ୍ର : ଘରେ ପଶି ମୁହଁକୁ ସ୍ପ୍ରେ କରି ସୁନା ଗହଣା ଲୁଟିନେଲେ ଦୁର୍ବୃତ୍ତ
କନକ ବ୍ୟୁରୋ : ସିସିଟିଭିରେ କଏଦ ହେଲା ଲୁଟ୍ ସମୟର ଚିତ୍ର । ଭୁବନେଶ୍ୱର ଭିଏସଏସ ନଗରରେ ଘରେ ପଶି ସୁନା ଗହଣା ଲୁଟିନେଲେ ଦୁର୍ବୃତ୍ତ । ଲୁଟେରାମାନେ ମୁହଁରେ କପଡ଼ା ବାନ୍ଧି ଆସିଥିବା ସିସିଟିଭିରେ କଏଦ ହୋଇଥିବା ଦୃଶ୍ୟରେ ଦେଖିବାକୁ ମିଳିଛି । ଫିଙ୍ଗର ପ୍ରିଂଟରୁ କାଳେ ଧରାପଡ଼ି ଯିବେ ସେଥିପାଇଁ ହାତରେ କପଡ଼ା ବାନ୍ଧି ଚୋରି କରିଥିଲେ ଲୁଟେରା ।
Kanak News is now on WhatsApp
Join and get latest news updates delivered to you via WhatsApp
ରାତି ଅଧରେ ଆସି ଘରେ ପଶି ଲୁଟପାଟ୍ କରିଥିବା ବେଳେ ମୁହଁକୁ ସ୍ପ୍ରେ କରି ସୁନା ଗହଣା ଚୋରି କରିଥିବା ଅଭିଯୋଗ ହୋଇଛି । ପ୍ରାଣକୃଷ୍ଣ ମିଶ୍ର ନାମଙ୍କ ଜଣେ ବ୍ୟକ୍ତିଙ୍କ ଘରୁ ଏହି ଲୁଟ ହୋଇଥିବା ସହିଦନଗର ଥାନାରେ ଅଭିଯୋଗ ହୋଇଛି । ତେବେ ପ୍ରାଣକୃଷ୍ଣଙ୍କୁ ମାଡ଼ ମାରି ଫେରାର ହୋଇଯାଇଥିଲେ ଲୁଟେରା ।