କନକ ବ୍ୟୁରୋ: ବିନା ଗୁରୁରେ ସାଧନା । ନିଜସ୍ୱ ଉଦ୍ୟମରେ ନିଆରା କଳାକୁ ଆପଣାଇଛନ୍ତି ଜଣେ ପଂଚମ ଶ୍ରେଣୀ ଛାତ୍ର । ଖାଲି ସେତିକି ନୁହଁ, ନିଜର ଏହି କଳାକୁ ସାନ ସାନ ଭାଇ ଭଉଣୀଙ୍କ ମଧ୍ୟରେ ବାଂଟି ଚାଲିଛନ୍ତି । ହେଲେ ବଣ ମଲ୍ଲୀ ବଣରେ ଫୁଟିଥିବାରୁ ଆଗକୁ ବଢିବା ପାଇଁ ମିଳିପାରୁନି ସୁବିଧା ସୁଯୋଗ । ନୟାଗଡ ଜିଲ୍ଲା ଆରଡା ଗାଁର ଏହି ନିଆରା କଳାକୁ ସାମ୍ନାକୁ ଆଣିବାକୁ ଚେଷ୍ଟା କରିଛି କନକ ନ୍ୟୁଜ ।
Kanak News is now on WhatsApp
Join and get latest news updates delivered to you via WhatsApp
ବଣ ମଲ୍ଲି ବଣରେ ଫୁଟିଲେ ବି, ତା ମହକ ଯେମିତି ସାରା ଅଂଚଳକୁ ଭାସି ଆସେ, ଠିକ୍ ସେମିତି ପ୍ରତିଭା ସମସ୍ତଙ୍କ ସାମ୍ନାକୁ ଆସେ । ଯେତେ ବାଧାବିଘ୍ନ ଥିଲେ ବି ପ୍ରତିଭା କେବେ ଲୁଚି ରହେନି । ସେମିତି ଜଣେ ପ୍ରତିଭା ଅଛନ୍ତି ନୟାଗଡ ଜିଲ୍ଲାରେ ।
ହାତ, ଓଠ, ଛାତି ଓ ଜଙ୍ଘର ଚମତ୍କାର ସଂଯୋଜନାରେ ସୃଷ୍ଟି କରୁଛନ୍ତି ଏକାଧିକ ସ୍ୱତନ୍ତ୍ର ତାଳ । ଗୋଟିଏ କି ଦୁଇଟି ନୁହେଁ ବେଶ ନିପୁଣ ଭାବରେ ୩ଟି ତାଳକୁ ଫୁଟାଇ ପାରୁଛନ୍ତି ରାଜେନ୍ଦ୍ର । ଦୃତ ଓ ସଠିକ ହାତ ଚାଳନା ସାଙ୍ଗକୁ ଓଠର ସଠିକ ଆକୃତି, ଯୋଗୁଁ ଏମିତି ବାଦ୍ୟ ବାହାର କରିବାରେ ସମସ୍ୟା ହୁଏ ନାହିଁ ବୋଲି ରାଜେନ୍ଦ୍ର କହିଛନ୍ତି ।
ସେପଟେ ରାଜେନ୍ଦ୍ରଙ୍କୁ ଅନୁକରଣ କରି ଗାଁର ଅନ୍ୟ ପିଲାମାନେ ମଧ୍ୟ ଏହି କଳାକୁ ଆପଣେଇଛନ୍ତି । ଗାଁର ଛୋଟ ଛୋଟ ପିଲାଙ୍କ ଭିତରେ ଏଭଳି କୌତୁହଳପୂର୍ଣ ଶବ୍ଦ ବାହାର କରିବାର ମାନିଆ ଦେଖିବାକୁ ମିଳିଛି । କୁନି ପିଲାଙ୍କ ଏହି ସୁପ୍ତକଳାକୁ ସାମ୍ନାକୁ ଆଣିବା ପାଇଁ ଅଭିଭାବକ ଆଗ୍ରହୀ ଥିବା ବେଳେ ସହାୟତା ପାଇଁ ଅନୁରୋଧ କରିଛନ୍ତି ।