ଢେଙ୍କାନାଳ ଜିଲ୍ଲା ପରିଷଦ ବୈଠକରେ ମନ୍ତ୍ରୀ ବନାମ ବିଜେପି ସଭ୍ୟ । ସଭା ଚାଲିଥିବା ବେଳେ ପରିବହନ ମନ୍ତ୍ରୀ ପଚାରିଲେ ହୁ ଆର୍ ୟୁ?
କନକ ବ୍ୟୁରୋ: ଢେଙ୍କାନାଳ ଜିଲ୍ଲା ପରିଷଦ ବୈଠକରେ ମନ୍ତ୍ରୀ ବନାମ ଜିଲ୍ଲା ପରିଷଦ ସଭ୍ୟ । ପରଜଙ୍ଗ ବିଧାୟକ ତଥା ମନ୍ତ୍ରୀ ନୃସିଂହ ସାହୁଙ୍କ ସହ ବାକ୍ ବିତଣ୍ଡା କରିଛନ୍ତି ବିଜେପି ଜିଲ୍ଲା ପରିଷଦ ସଭ୍ୟ । ଭରା ସଭାରେ ମନ୍ତ୍ରୀ ସଭ୍ୟଙ୍କୁ ପଚାରିଛନ୍ତି ହୁ ଆର ୟୁ? ଯାହାର ଜବାବ ରଖି ବିଜେପି ସଭ୍ୟ ଜଣକ କହିଥିଲେ, ଆପଣ ବିଧାୟକ ବିଧାନସଭାରେ ଭାଷଣ ଦିଅନ୍ତୁ । ଏପରି ବଚସା ପରେ ସଭାଛାଡି ଚାଲିଯାଇଥିଲେ ମନ୍ତ୍ରୀ । ପରେ ତାଙ୍କୁ ମନାଇ ପରିସ୍ଥିତି ସ୍ୱାଭାବିକ କରିଥିଲେ ପରିଷଦ ସଭ୍ୟ ଓ ଅଧ୍ୟକ୍ଷା ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତ ଘଟଣାଟି ଏହା ଥିଲା କି, ଢେଙ୍କାନାଳ ଜିଲ୍ଲାପରିଷଦର ୫ମ ସାଧାରଣ ପରିଷଦ ବୈଠକ ଚାଲିଥାଏ ଆଉ ଠିକ୍ ଏହି ସମୟରେ ଆରମ୍ଭ ହୋଇଯାଇଥିଲା ପାଟିତୁଣ୍ଡ । ଜିଲ୍ଲାପାଳଙ୍କ ଉପସ୍ଥିତିରେ ଯେତେବେଳେ ବୈଠକ ଆରମ୍ଭ ହେଲା ନିଜ ଅଧିକାର ବିଷୟରେ ଜାଣିବାକୁ ଚାହିଁଥିଲେ ଜିଲ୍ଲାପରିଷଦ ସଭ୍ୟ । ଜିଲ୍ଲାପାଳ ମହୋଦୟ ପ୍ରଥମେ ଆମ ଅଧିକାର ବାବଦରେ କୁହନ୍ତୁ ବୋଲି ପ୍ରଶ୍ନ କରିଥିଲେ ବିଜେପି ଜିଲ୍ଲା ପରିଷଦ ସଭ୍ୟ ରଂଜନ ପଣ୍ଡା । ଆଉ ଏଥିରେ ଉତକ୍ଷିପ୍ତ ହୋଇପଡିଥିଲେ ମନ୍ତ୍ରୀ ତଥା ସ୍ଥାନୀୟ ବିଧାୟକ ନୃସିଂହ ଚରଣ ସାହୁ- ହୁ ଆର ୟୁ ? ଅର୍ଥାତ ତୁମେ କିଏ? ମନ୍ତ୍ରୀଙ୍କ ପ୍ରଶ୍ନର ତତକ୍ଷଣାତ ଜବାବ ଦେଇ ରଞ୍ଜନ କହିଥିଲେ କି, ଆପଣ ଜଣେ ବିଧାୟକ । ବିଧାନସଭାରେ ଭାଷଣ ଦିଅନ୍ତୁ । ଯାହାପରେ ସଭା ଛାଡି ଚାଲି ଯାଇଥିଲେ ମନ୍ତ୍ରୀ ନୃସିଂହ ସାହୁ ।
ତେବେ ଏଭଳି ପରିସ୍ଥିତି ଏଥିପାଇଁ ଉପୁଜିଥିଲା କାରଣ ପରିଷଦ ସଭ୍ୟମାନେ ନିଜନିଜ ସମସ୍ୟା ବାବଦରେ ଆଲୋଚନା କରିବା ପୂର୍ବରୁ ନିଜ ଅଂଚଳର କେତେକ ସମସ୍ୟା ବାବଦରେ ଆଲୋକପାତ କରିବାକୁ ଚାହିଁଥିଲେ ପରଜଙ୍ଗ ବିଧାୟକ ତଥା ବାଣିଜ୍ୟ ଓ ପରିବହନ ମନ୍ତ୍ରୀ ନୃସିଂହ ଚରଣ ସାହୁ । ଯାହାକୁ ବିରୋଧ କରିଥିଲେ ପରଜଙ୍ଗ ଜୋନ ନଂ-୨ର ବିଜେପି ସଦସ୍ୟ ରଞ୍ଜନ ପଣ୍ଡା । ବିଧାୟକଙ୍କ ସହ ଆରମ୍ଭ କରିଦେଇଥିଲେ ବଚସା ।