ନୟାଗଡଠୁ ବଳିଗଲା ନୀଳଗିରି ‘ପରୀ’ କାହାଣୀ । ପୋଖରୀ ହୁଡାରୁ ଟେକିନେଲେ, ଦୁଷ୍କର୍ମ ପରେ ବିଷ ପିଆଇ ଦେଲେ । ମୃତ୍ୟୁ ସହ ଲଢି ଲଢି ଆଖିବୁଜିଲା ନାବାଳିକା ।
କନକ ବ୍ୟୁରୋ: ନୟାଗଡ ପରେ ନୀଳଗିରିରୁ ଆସିଲା ପରୀ ପରି କାହାଣୀ । ପରୀକୁ କେମିତି ଅପହରଣ ପରେ ହତ୍ୟା ହୋଇଥିଲା ତାଠୁ ଅତି ଅମାନୁଷିକ ଭାବେ ନୀଳଗିରିର ପରୀ ସହ ଘଟଣା ଘଟିଛି । ଦୁଷ୍କର୍ମ ପରେ ବିଷ ପିଆଇ ନାବାଳିକାଙ୍କୁ ହତ୍ୟା ଅଭିଯୋଗ ହୋଇଛି । ପରୀ ହତ୍ୟା ନେଇ ସାରାରାଜ୍ୟରେ ଉତ୍ତେଜନା ଥମି ନଥିବାବେଳେ ବାଲେଶ୍ୱର ଜିଲ୍ଲା ନୀଳଗିରି ଥାନା ଅଂଚଳରୁ ଆସିଛି ସାଂଘାତିକ ଅଭିଯୋଗ ।
Kanak News is now on WhatsApp
Join and get latest news updates delivered to you via WhatsApp
ତେବେ ସୋମବାର ସକାଳ ପ୍ରାୟ ୭ଟା ସମୟରେ ନୀଳଗିରି ବାଘମରା ଅଂଚଳର ଜଣେ ନାବାଳିକା ଗାଧୋଇବା ପାଇଁ ନିକଟରେ ଥିବା ପୋଖରୀକୁ ଯାଇଥିଲେ । ଏହି ସମୟରେ ସ୍ଥାନୀୟ ଅଂଚଳରେ ଥିବା ଏକ ଇଟାଭାଟିର ମାଲିକ ଓ ତାଙ୍କ ମ୍ୟାନେଜର ନାବାଳିକାଙ୍କୁ ଉଠାଇ ନେଇଥିଲେ । ସେ କିଛି ବୁଝିବା ପୂର୍ବରୁ ଉଭୟ ତାଙ୍କ ସହ ଦୁଷ୍କର୍ମ କରିଥିଲେ । ଦୁଷ୍କର୍ମ ପରେ ନାବାଳିକାଙ୍କୁ ମାଡ ମାରିବା ସହ ବଳପୂର୍ବକ ବିଷ ପିଆଇ ଦେଇଥିଲେ ।
ନର ରାକ୍ଷସଙ୍କ କବଳରୁ ବହୁ କଷ୍ଟରେ ନାବାଳିକା ଜଣଙ୍କ ଖସି ଆସିବା ପରେ ଘରେ ପହଁଚି ତଳେ ପଡିଯାଇଥିଲେ । ରକ୍ତବାନ୍ତି କରିବା ସହ ତାଙ୍କ ପାଟିରୁ ଗରଳ ବାହାରିଥିଲା । ମୁଁ ମରିଯିବି ମୋତେ ତୁରନ୍ତ ହସ୍ପିଟାଲ ନିଅ ବୋଲି ଝିଅର ଚିକ୍ରାର ଶୁଣି ପରିବାର ଲୋକ ଜମା ହୋଇଥିଲେ । ଝିଅର ଏପରି ଅବସ୍ଥା ଦେଖି କଣ ହୋଇଛି ପଚାରିବା ସହ ନୀଳଗିରି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ହେଲେ ସେଠାରେ ତାଙ୍କର ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ତେବେ ଚିକିତ୍ସାଧୀନ ଅବସ୍ଥାରେ ୪ଟାରେ ଝିଅଟି ଆଖି ବୁଜି ଦେଇଥିଲା । ଆଉ ମୃତ୍ୟୁ ପରେ ନୀଳଗିରି ଥାନାରେ ପରିବାର ପକ୍ଷରୁ ଅଭିଯୋଗ ହୋଇଛି ।