ବଡ ଭଉଣୀର ବାହା ବେଦୀରେ ବିବାହ କରିବାକୁ ଯାଉଥିଲା ସାନ ଭଉଣୀ । ନାବାଳିକା ଥିବାରୁ ବିବାହ ଅଟକାଇଲା ଚାଇଲଡ ଲାଇନ ।
କନକ ବ୍ୟୁରୋ: ବଡ ଭଉଣୀର ବାହା ବେଦୀରେ ବିବାହ କରିବାକୁ ଯାଉଥିଲା ସାନ ଭଉଣୀ । ବିବାହ ପାଇଁ ମଣ୍ଡପ ପ୍ରସ୍ତୁତ ଥିଲା, ବେଦୀ ବନ୍ଧା, ସାଜସଜ୍ଜା ସହ ଭୋଜିଭାତର ଆୟୋଜନ ବି ଚାଲିଥିଲା । ହେଲେ ବର ଆସିବା ଆଗରୁ ନାବାଳିକାକୁ ପରିବାର ଲୋକେ ବିବାହ କରାଉଥିବା ଖବର ପାଇ ଗାଁରେ ପହଂଚି ବିବାହ ବନ୍ଦ କଲେ ଚାଇଲଡ ଲାଇନ ସଦସ୍ୟ । ବାଲେଶ୍ୱର ଜିଲ୍ଲା ସୋର ପୈାର ପରିଷଦରେ ଘଟିଛି ଏହି ସମ୍ବେଦନଶୀଳ ଘଟଣା ।
Kanak News is now on WhatsApp
Join and get latest news updates delivered to you via WhatsApp
ବଡଖୁରୀ ଗାଁର ଜଣେ ବ୍ୟକ୍ତିଙ୍କ ବଡ ଝିଅ ସହ ମେଘ ମାଧବ ଗାଁର ଜଣେ ଯୁବକଙ୍କ ସହ ଆଜି ବାହାଘର ସ୍ଥିର ହୋଇଥିଲା । ହେଲେ ଗତ ୧୭ ତାରିଖରେ ପ୍ରେମିକ ସହ ଫେରାର ହୋଇଯାଇଥିଲା ଝିଅ । ଏହାପରେ କନ୍ୟା ପରିବାର ବର ପରିବାର ଲୋକଙ୍କ ସହ ଆଲୋଚନା କରି ସମାନ ତିଥୀରେ ସାନ ଝିଅ ସହିତ ବିବାହ ପାଇଁ ସ୍ଥିର କରିଥିଲେ । କିନ୍ତୁ ସାନ ଝିଅ ନାବାଳିକା ଥିବା ଖବର ପାଇ ଖଇରା ଚାଇଲଡ ଲାଇନର ସଦସ୍ୟ ପୁଲିସ ସହ ବଡଖୁରୀ ଗାଁରେ ପହଂଚି ବିବାହ ବନ୍ଦ କରିଛନ୍ତି । ଏନେଇ ସୋର ଥାନାରେ ଚାଇଲଡ ଲାଇନ ଅଧିକାରୀ ସ୍ୱୟଂପ୍ରଭା ଦଳେଇ, ପଂଚାନନ ତ୍ରିପାଠୀ ଅଭିଯୋଗ କରିଛନ୍ତି । ପରେ ଝିଅର ବାପା ୧୮ ବର୍ଷ ପୂର୍ବରୁ ଝିଅର ବାହାଘର ନକରିବାକୁ ଲିଖିତ ପ୍ରତିଶ୍ରୁତି ଦେବା ପରେ ଚାଇଲଡ ଲାଇନ ସଦସ୍ୟମାନେ ଫେରିଯାଇଥିଲେ ।