ଡ଼େଣ୍ଡରାଇଟ୍ ନିଶାରେ ବାୟା କୁନି କୁନି କୋମଳମତି ଶିଶୁ : ଅନଗୁଳୁ ସଦର ମହକୁମାରୁ ଆସିଲା ଚିନ୍ତାଜନକ ଚିତ୍ର
ବାପା-ମାଆ କାମକୁ ବାହାରିଯିବା ପରେ ବାହାରେ ବୁଲି ଟଙ୍କା ମାଗୁଛନ୍ତି ପିଲା; ଡେନଡ୍ରାଇଟ୍ କିଣି କରୁଛନ୍ତି ନିଶା ସେବନ
କନକ ବ୍ୟୁରୋ : ନିଶାରେ ଫସୁଛନ୍ତି ଶିଶୁ । ଡ଼େଣ୍ଡରାଇଟ୍ ନିଶାରେ ବାୟା କୁନି କୁନି କୋମଳମତି ଶିଶୁ । କିଏ ରୁମାଲରେ ଡ଼େଣ୍ଡରାଇଟ୍ ପକାଇ ଶୁଙ୍ଘୁଛି ତ କିଏ ପଲିଥିନ୍ରେ ଭର୍ତି କରି ନିଶା ଭାବେ ଗ୍ରହଣ କରୁଛନ୍ତି । ଏଭଳି ଚିତ୍ର ଆସିଛି ଅନୁଗୁଳର ସଦର ମହକୁମାରୁ । ଡେଣ୍ଡରାଇଟ ଏପରି ଏକ ନିଶା ଯାହାକୁ ଥରେ ସେବନ କଲେ,ବାରମ୍ବାର ସେବନ କରିବାକୁ ଇଚ୍ଛା ହୁଏ । ସହଜରେ ଛାଡ଼ି ହୁଏନି ଏହି ଡେଣ୍ଡରରାଇଟ୍ ନିଶା । ଡ଼େଣ୍ଡରାଇଟ୍ ଅଠା ପାଇଁ ବ୍ୟବହାର ହୋଇଥାଏ । କିନ୍ତୁ ବର୍ତ୍ତମାନ ଅନୁଗୁଳୁ ସହରରେ କିଛି ଶିଶୁ ଏହାକୁ ନିଶା ଭାବରେ ବ୍ୟବହାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାପା ମାଆ କାମରେ ଘରୁ ବାହାରି ଯିବା ପରେ ଏମାନେ ବଜାର ବୁଲି ଲୋକଙ୍କ ପାଖରୁ ଟଙ୍କା ମାଗୁଛନ୍ତି , ଆଉ ସେହି ଟଙ୍କାରେ ବଜାରରେ ବିକ୍ରି ହେଉଥିବା ଡ଼େଣ୍ଡରାଇଟ୍ ଅଠାକୁ ୩୫ ଟଙ୍କା ଦେଇ କିଣି, ନିଶା ଭାବେ ବ୍ୟବହାର କରୁଛନ୍ତି । ଏହାକୁ ଗ୍ରହଣ କରିବା ପରେ ଆଖି ଲାଲ ହେବା ସହ କିଛି ସମୟ ପାଇଁ ସେମାନଙ୍କର ହୋସ ରହୁନାହିଁ । ପୁଣି କିିଛି ସମୟ ପରେ ଆସୁଛି ହୋସ । ସେପଟେ ଏ ଦିଗରେ ପ୍ରଶାସନ ସଜାଗ ଅଛି, ଶିଶୁମାନେ ଡ଼େଣ୍ଡରାଇଟ୍ ନିଶା ସେବନ କରୁଥିବା ନେଇ ପ୍ରଶାସନ ପାଖରେ କୈାଣସି ଖବର ନାହିଁ ବୋଲି କହିଛନ୍ତି ଅନୁଗୁଳ ଶିଶୁ ସୁରକ୍ଷା ଅଧିକାରୀ ।