କମଲ ହାସନଙ୍କ ପ୍ରଥମ ହିନ୍ଦୁ ଆତଙ୍କବାଦୀ ମନ୍ତବ୍ୟ ଉପରେ ନେତାଙ୍କ ହମଲା : କିଏ କହିଲା ‘ସାପ’ ତ ଆଉ କିଏ କହିଲା ଜିଭ କାଟି ଦିଅ
ତାମିଲନାଡୁର ମନ୍ତ୍ରୀ କେଟି ରାଜେନ୍ଦ୍ର ବାଲାଜୀ କମଲ ହାସନଙ୍କ ଦ୍ୱାରା ନାଥୁରାମ ଗୋଡସେଙ୍କୁ ସ୍ୱାଧୀନ ଭାରତର ପ୍ରଥମ ହିନ୍ଦୁ ଆତଙ୍କବାଦୀ କହିବା ଉପରେ ଆକ୍ରମଣ କରିଛନ୍ତି । ସେ କହିଛନ୍ତି କି, “କମଲ ହାସନଙ୍କ ଜିଭ କାଟିଦେବା ଉଚିତ୍ । ଜଣେ ବ୍ୟକ୍ତିଙ୍କ ଖରାପ କାମ ପାଇଁ ପୁରା ସମାଜକୁ ଆକ୍ଷେପ କରାଯାଇପାରିବନି । ଅଳ୍ପସଂଖ୍ୟକଙ୍କ ଭୋଟ୍ ହାସଲ କରିବା ପାଇଁ ହାସନ ଏହି ବୟାନ ଦେଇଛନ୍ତି । ନିର୍ବାଚନ ଆୟୋଗ ଏହା ଉପରେ କାର୍ଯ୍ୟାନୁଷ୍ଠାନ ନେବା ଉଚିତ୍ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, କମଲ ହାସନ ଅରାୱାକୁରୁଚି ବିଧାନସଭା ମଣ୍ଡଳୀରେ ନିର୍ବାଚନୀ ପ୍ରଚାର ସମୟରେ କହିଥିଲେ କି, ସ୍ୱାଧୀନ ଭାରତର ପ୍ରଥମ ଆତଙ୍କବାଦୀ ହିନ୍ଦୁ ଥିଲା ଓ ତା’ ନାଁ ନାଥୁରାମ ଗଡସେ । କମଲଙ୍କ ବୟାନ ପରେ ବିଜେପି ନେତା ଗିରିରାଜ ସିଂହ କମଲ ହାସନଙ୍କ ଉପରେ ହମଲା କରିଛନ୍ତି । ହିନ୍ଦୁମାନେ ହାସନ ଭଳି ‘ସାପ’କୁ ମଧ୍ୟ ମହାନ କରିଦେଇଛନ୍ତି । ତାଙ୍କ ଭାଷା ଭାରତକୁ ଅପମାନ ଦେଉଥିବା ଭାଷା । ହିନ୍ଦୁଙ୍କୁ ବଦନାମ କରିବା ବନ୍ଦ କର କାହିଁକିନା ହିନ୍ଦୁ କେବେ ଆତଙ୍କବାଦୀ ହୋଇପାରିବନି ।