ଏଥର ସ୍ୱାଭାବିକ ଚାଲିବ ଗୃହ । ଧାନକିଣା ପ୍ରସଙ୍ଗରେ କାଲି ଦିନ ସାଢ଼େ ୧୧ଟାରେ ଗୃହରେ ଉତ୍ତର ରଖିବେ ବିଭାଗୀୟ ମନ୍ତ୍ରୀ ।
କନକ ବ୍ୟୁରୋ: ଏଥର ଗୃହ ଚାଲିବ ସ୍ୱାଭାବିକ । ଆସନ୍ତାକାଲି ଧାନକିଣା ପ୍ରସଙ୍ଗରେ ଗୃହରେ ଉତ୍ତର ରଖିବେ ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ । ଏନେଇ ସର୍ବଦଳୀୟ ବୈଠକ ପରେ ଘୋଷଣା କରିଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର । ତେବେ ଯେଉଁ ଧାନକିଣା ପ୍ରସଙ୍ଗକୁ ନେଇ ତୁମ୍ଭିତୋଫାନ ଉଠିଥିଲା, ଗତ ୬ ଦିନ ଧରି ଗୃହ ଅଚଳାବସ୍ଥା ଦେଖାଦେଇଥିଲା ତାହା ଆଉ ଆଗକୁ ଦେଖିବାକୁ ନମିଳିପାରେ ବୋଲି ଏହା ସଂକେତ ଦେଉଛି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଆସନ୍ତା କାଲି ୧୧.୩୦ ମିନିଟରେ ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ସରକାରଙ୍କ ଆଭିମୁଖ୍ୟକୁ ଗୃହରେ ରଖିବେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଦେବଗଡ଼ ବିଧାୟକ ସୁବାଷ ପାଣିଗ୍ରାହୀଙ୍କ ବିରୁଦ୍ଧରେ ସରକାରୀ ଦଳ ଆଣୁଥିବା ଅଭିଯୋଗ ଗୃହରେ ଉପସ୍ଥାପିତ ହେବ ନାହିଁ । ଏହି ପ୍ରସଙ୍ଗ ପାଇଁ ସ୍ୱାଧିକାର କମିଟି ଯିବ ବୋଲି ବାଚସ୍ପତି ନେଇ ଘୋଷଣା । ଅନ୍ୟପଟେ ଆସନ୍ତାକାଲି ଦିନ ୧୦.୩୦ ପର୍ଯ୍ୟନ୍ତ ଗୃହ ମୁଲତବୀ କରାଯାଇଛି ।