ସୁଶାନ୍ତ ସିଂ ଆତ୍ମହତ୍ୟା କରିନାହାନ୍ତି । ତାଙ୍କୁ ହତ୍ୟା କରାଯାଇଛି । ତାଙ୍କୁ ହତ୍ୟା କରିବା ବେଳେ ତାଙ୍କ ଘରେ ମହାରାଷ୍ଟ୍ରର ଜଣେ ମନ୍ତ୍ରୀ ଉପସ୍ଥିତ ଥିଲେ ……….
କନକ ବ୍ୟୁରୋ : ବଲିଉଡ ଇଣ୍ଡଷ୍ଟ୍ରୀଜ୍ ରେ ଜଣା ଶୁଣା ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ୪ ମାସ ବିତି ସାରିଲାଣି । ହେଲେ ଏହି ୪ ମାସ ଭିତରେ ତାଙ୍କ ମୃତ୍ୟୁକୁ ନେଇ କେତେ କେତେ ନୂଆ ନୂଆ ତଥ୍ୟ ପଦାକୁ ଆସୁଛି । କିଏ ଏହାକୁ ଆମହତ୍ୟା କହୁଛି ତ କିଏ ଏହାକୁ ହତ୍ୟା କହୁଛି । ଏହାକୁ ନେଇ ସିବିଆଇ ତଦନ୍ତ ଚାଲିଥିବା ବେଳେ ଏହି ସଂସ୍ଥା ଏବେ ବି ଶେଷ ନିଷ୍ପତ୍ତିରେ ପହଂଚିପାରି ନାହିଁ । ଗୋଟିଏ ପଟେ ସୁଶାନ୍ତ ସିଂଙ୍କ ମୃତ୍ୟୁ ମାମଲାରେ ଡ୍ରଗ୍ସ ଲିଙ୍କକୁ ନେଇ ଏବେ ବି ବଲିଉଡରେ ଭୂକମ୍ପ ଦେଖା ଦେଉଛି । କଙ୍ଗନା ରାନାୱତ ଓ ମହାରାଷ୍ଟ୍ର ସରକାର ମଧ୍ୟରେ ଏହାକୁ ନେଇ ବାକ୍ ବିତଣ୍ଡା ବି ବ୍ୟକ୍ତିଗତ ସ୍ଥରକୁ ଆସି ସାରିଛି । ଅନ୍ୟପଟେ ରାଜନୈତିକ ଦୃଶ୍ୟପଟ୍ଟରେ ନିର୍ବାଚନ ସମୟରେ ସୁଶାନ୍ତ ସିଂଙ୍କ ମୃତ୍ୟୁ ମାମଲା ବି ମୁଦ୍ଦା ହୋଇସାରିଛି । ବିହାର ନିର୍ବାଚନ ପ୍ରଚାର ବେଳେ ଭୋଜପୁରୀ ଗୀତିକାର ତଥା ବିଜେପି ଏମ ପି ମନୋଜ ତିୱାରୀ ବି ସିଧା ସଳଖ କହିଥିଲେ କି ସୁଶାନ୍ତ ସିଂଙ୍କୁ କଂଗ୍ରେସ ହତ୍ୟା କରିଛି । ଏହାକୁ ନେଇ ବିହାର ନିର୍ବାଚନ ରେ ବିବାଦ ଦେଖା ଦେଇଥିବା ବେଳେ ଏବେ ବିଜେପିର ଅନ୍ୟ ଜଣେ ସାଂସଦ ନାରାୟଣ ରାଣେ ଯେଉଁ ବିବୃତ୍ତି ଦେଇଛନ୍ତି ତାହାକୁ ନେଇ ମହାରାଷ୍ଟ୍ର ରାଜନୀତି ସରଗରମ ହେଉଥିବା ଦେଖିବାକୁ ମିଳିଛି । ନାରାୟଣ ରାଣେ କହିଛନ୍ତି କି ‘ସୁଶାନ୍ତ ସିଂ ଆତ୍ମହତ୍ୟ କରିନାହାନ୍ତି, ତାଙ୍କୁ ହତ୍ୟା କରାଯାଇଛି ’ । ସେ ଖାଲି ଏତିକି କହିନାହାନ୍ତି ଦାବି ର ସହ କହିଛନ୍ତି କି ଯେତେବେଳେ ସୁଶାନ୍ତଙ୍କୁ ହତ୍ୟା କରାଗଲା ସେହି ସମୟରେ ସୁଶାନ୍ତଙ୍କ ଆପାର୍ଟମେଣ୍ଟରେ ମହାରାଷ୍ଟ୍ର ସରକାରର ଜଣେ ମନ୍ତ୍ରୀ ଉପସ୍ଥିତ ଥିଲେ । ସୁଶାନ୍ତଙ୍କ ମୃତ୍ୟୁର ତଦନ୍ତ ରିପୋର୍ଟ ଆସିଗଲା ପରେ ଏହି ମନ୍ତ୍ରୀ ଜଣଙ୍କ ଜେଲ୍ ଯିବା ନିଶ୍ଚିନ୍ତ ବୋଲି ସେ କହିଛନ୍ତି । ସେ ଖାଲି ମୌଖିକ ଭାବେ ଏହା କହିନାହାନ୍ତି । ସେ ଦାବି କରିଛନ୍ତି କି ମୋ ପାଖରେ ଏହାର ପ୍ରମାଣ ଅଛି ଯାହା କି ମୁଁ ସିବିଆଇ ପାଖରେ ପୈଠ କରିବି ।
Kanak News is now on WhatsApp
Join and get latest news updates delivered to you via WhatsApp
ଏକ ଗଣମାଧ୍ୟମକୁ ସାକ୍ଷାତକାର ଦେବା ବେଳେ ସେ କହିଥିଲେ କି ଘଟଣା ଦିନ ରାତିରେ କିଛି ଲୋକ ସୁଶାନ୍ତ ରହୁଥିବା ଆପାର୍ଟମେଣ୍ଟକୁ ଯାଇଥିଲେ । ସେମାନେ ସୁଶାନ୍ତଙ୍କୁ ଦିଶାଙ୍କ ହତ୍ୟା ବାବଦରେ ପଚରା ଉଚରା କରିଥିଲେ । ଏହା ପରେ ଏହାକୁ ନେଇ ସୁଶାନ୍ତଙ୍କ ସହ ସେମାନଙ୍କର ଝଗଡା ହୋଇଥିଲା । ଏହି ଝଗଡା ଉଗ୍ରରୂପ ନେବାରୁ ସେମାନେ ସୁଶାନ୍ତଙ୍କୁ ହତ୍ୟା କରିଥିଲେ ।
କହିରଖୁ କି କିଛିଦିନ ପୂର୍ବରୁ ରାଣେଙ୍କ ପୁଅ ତଥା ବିଜେପି ବିଧାୟକ ନିତେଶ ବି ମହାରାଷ୍ଟ୍ର ସରକାର ଓ ମୁମ୍ବାଇ ପୋଲିସ ଉପରେ ଏନେଇ ନିସାନା ଲଗାଇଥିଲେ । ସେ କହିଥିଲେ କି ମହାରାଷ୍ଟ୍ର ସରକାର ଡରି ଯାଇଛନ୍ତି । ନ୍ୟାୟ ଯେବେ ସାମ୍ନାକୁ ଆସିବ ତେବେ ସବୁ ଖୋଲିଯିବ । କେତେଦିନ ଯାଏ ଏହି ମାମଲା ଉପରେ ପରଦା ଢାଙ୍କି ରଖିପାରିବେ ମହାରାଷ୍ଟ୍ର ସରକାର ବୋଲି ସେ କହିଥିଲେ ।
୧୪ ଜୁନ ୨୦୨୦ ରେ ବାନ୍ଦ୍ରା ସ୍ଥିତ ବାସଭବନରୁ ସୁଶାନ୍ତଙ୍କ ମୃତଦେହ ଉଦ୍ଧାର କରାଯାଇଥିଲା । ଏହାପରେ ଏହି ମାମଲା ମୁମ୍ବାଇ ପୋଲିସ, ବିହାର ପୋଲିସ, ଏନସିବି, ସିବିଆଇ, ଇଡି, ଯାଂଚ କରିବା ଆରମ୍ଭ କରିଛନ୍ତି । ସିବିଆଇ ଏହି ମାମଲାରେ ବହୁ ଲୋକଙ୍କୁ ଜେରା କରିସାରିଛି । ନାରାୟଣ ରାଣେଙ୍କର ଏହି ବୟାନ ପରେ ସିବିଆଇ ତାଙ୍କୁ ପଚରା ଉଚରା ପାଇଁ ଡାକିଥିବା ଜଣାପଡିଛି ।