ମାନବିକତା ଦେଖାଇଲେ ମନ୍ତ୍ରୀ: ଦୁର୍ଘଟଣାଗ୍ରସ୍ତ ଅଜଣା ଯୁବକଙ୍କୁ ନିଜ ଗାଡିରେ ଆଣିଲେ ମନ୍ତ୍ରୀ ସମୀର ଦାଶ; ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲରେ କଲେ ଭର୍ତି
ଦୀର୍ଘସମୟ ହସ୍ପିଟାଲରେ ରହି ଚିକିତ୍ସା ବ୍ୟବସ୍ଥାର କଲେ ତଦାରଖ
କନକ ବ୍ୟୁରୋ: ମନ୍ତ୍ରୀଙ୍କ ମହାନତା । ରାସ୍ତାରେ ଦୁର୍ଘଟଣାଗ୍ରସ୍ତ ହୋଇ ପଡିଥିବା ଅଜଣା ଯୁବକଙ୍କୁ ହସ୍ପିଟାଲରେ ପହଂଚାଇଲେ ମନ୍ତ୍ରୀ । ଗଣଶିକ୍ଷା ମନ୍ତ୍ରୀ ସମୀର ଦାଶ ନିମାପଡାରେ ଏକ ଦଳୀୟ କାର୍ଯ୍ୟକ୍ରମରେ ଯୋଗଦେଇ ଫେରୁଥିବାବେଳେ ପିପିଲିଠାରେ ଥିବା ମତ୍ସ୍ୟ ପ୍ରଜନନ ଓ ଗବେଷଣା କେନ୍ଦ୍ର ନିକଟରେ ଜଣେ ଯୁବକ ଦୁର୍ଘଟଣାଗ୍ରସ୍ତ ହୋଇ ପଡିଥିବା ଦେଖିଥିଲେ । ସାଙ୍ଗେସାଙ୍ଗେ ଗାଡି ଅଟକାଇ ଅଚେତ ହୋଇ ପଡିଥିବା ଯୁବକଙ୍କୁ ନିଜ ଗାଡିରେ ବସାଇ ନେଇ ଆସିଥିଲେ କ୍ୟାପିଟାଲ ହସ୍ପିଟାଲ ।
Kanak News is now on WhatsApp
Join and get latest news updates delivered to you via WhatsApp
ତୁରନ୍ତ ତାଙ୍କୁ ଚିକିତ୍ସା ଯୋଗାଇଦେବାକୁ କହିବା ସହ ନିଜେ ମନ୍ତ୍ରୀ ମଧ୍ୟ ପ୍ରାୟ ଅଧଘଂଟା ହସ୍ପିଟାଲରେ ଉପସ୍ଥିତ ରହି ଯୁବକଙ୍କ ସ୍ୱାସ୍ଥ୍ୟବସ୍ଥା ବାବଦରେ ଅନୁଧ୍ୟାନ କରିିଥିଲେ । ରାସ୍ତାରେ ଦୁର୍ଘଟଣାଗ୍ରସ୍ତ ହୋଇ ପଡିଥିବା ଲୋକଙ୍କୁ ଅନ୍ୟମାନେ ଦେଖି ନଦେଖିଲା ଭଳି ଆଡେଇ ହୋଇ ଚାଲିଯାଉଥିବାବେଳେ ମନ୍ତ୍ରୀଙ୍କ ଏଭଳି ମହାନତାକୁ ସମସ୍ତେ ପ୍ରଶଂସା କରିଛନ୍ତି ।