ଆହାର କେନ୍ଦ୍ରରେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ । ଅଚାନକ ପହଞ୍ଚି ଖାଦ୍ୟର ମାନ ଯାଞ୍ଚ କଲେ, ଲୋକଙ୍କ ସହ ଏକାଠି ବସି ଖାଇଲେ ।
କନକ ବ୍ୟୁରୋ : ଆହାର କେନ୍ଦ୍ରରେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ । ଆହାର କେନ୍ଦ୍ରକୁ ଆସିଥିବା ଲୋକଙ୍କ ସହ ବସି ଭୋଜନ କରିଛନ୍ତି ମନ୍ତ୍ରୀ । କିଭଳି ରହୁଛି ଖାଦ୍ୟର ମାନ ଓ ଗୁଣବତ୍ତା ତାହାକୁ ପରଖିଛନ୍ତି ମନ୍ତ୍ରୀ । କଟକ ଜିଲ୍ଲା ଆଠଗଡ ଉପଖଣ୍ଡ ମେଡିକାଲ ପରିସରରେ ଥିବା ଆହାର କେନ୍ଦ୍ରରେ ଆଜି ବୟସ୍କ ଲୋକଙ୍କ ସହ ବସି ମନ୍ତ୍ରୀ ଆହାର କେନ୍ଦ୍ରରେ ମିଳୁଥିବା ଭାତ ଓ ଡାଲମାର ମାନକୁ ମାପିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ମନ୍ତ୍ରୀମାନଙ୍କୁ ଆହାର କେନ୍ଦ୍ରରେ ମଧ୍ୟାହ୍ନ ଭୋଜନ ଖାଇବା ସହ ଖାଦ୍ୟର ମାନ ଯାଞ୍ଚ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ । ଅଚାନକ ଗସ୍ତ କରି ମଧ୍ୟାହ୍ନ ଭୋଜନ କରିବା ଦ୍ୱାରା ଉକ୍ତ କେନ୍ଦ୍ରର ସମସ୍ୟା ସମ୍ପର୍କରେ ପ୍ରତ୍ୟକ୍ଷ ଭାବେ ମନ୍ତ୍ରୀ ଜାଣିପାରିବା ଉଦ୍ଦେଶ୍ୟରେ ଏଭଳି ନିର୍ଦ୍ଦେଶ ଦିଆଯାଇଥିଲା ।
ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ ମୁଖ୍ୟ ଶାସନ ସଚିବ ଓ ୫ଟି ସଚିବ ମଧ୍ୟ ଆହାର କେନ୍ଦ୍ରରେ ପୂର୍ବରୁ ଭୋଜନ କରିଥିଲେ । ଅକ୍ଟୋବର ଓ ନଭେମ୍ବର ମାସରେ ମୁଖ୍ୟ ସଚିବ ଅସିତ କୁମାର ତ୍ରିପାଠୀ ଓ ୫ଟି ସଚିବ ବୌଦ୍ଧ ଓ କଳାହାଣ୍ଡି ଜିଲ୍ଲାର ସଦର ମହକୁମା ଭବାନୀପାଟଣାସ୍ଥିତ ଆହାର କେନ୍ଦ୍ରରେ ମଧ୍ୟାହ୍ନ ଭୋଜନ ଖାଇଥିଲେ । ଆହାର କେନ୍ଦ୍ର କିପରି ଚାଲିଛି, ଲୋକଙ୍କୁ ଠିକ୍ ଭାବରେ ଖାଦ୍ୟ ଦିଆଯାଉଛି କି ନାହିଁ, ସ୍ୱଚ୍ଛତା କିପରି ରହୁଛି, ଏସବୁର ଯାଞ୍ଚ ମଧ୍ୟ କରିଥିଲେ ।