କେଉଁଠି ପ୍ରାର୍ଥନା , କେଉଁଠି ସମର୍ଥନ ! ଫଳାଫଳ ପୂର୍ବରୁ କେଜରିୱାଲ୍ ଙ୍କ ଲୁକ୍ ରେ କୁନିଝିଅ , ସେପଟେ ବିଜୟ ପାଇଁ ବିଜେପି ନେତାଙ୍କ ମନ୍ଦିରରେ ପ୍ରାର୍ଥନା ।
ଦିଲ୍ଲୀର ରଣ କ୍ଷେତ୍ରରେ ୭୦ ଟି ଆସନ ନେଇ ଭୋଟ ଗଣତି ଆରମ୍ଭ ହୋଇସାରିଛି । କିଏ ବାଜି ମାରିବ ସେ ନେଇ ସମସ୍ତଙ୍କ ମନରେ ଉତ୍କଣ୍ଠା ଦେଖାଦେଇଛି । ଫଳାଫଳ ଉପରେ ସମସ୍ତଙ୍କ ନଜର ରହିଛି । ପୁଣି ଥରେ ଦିଲ୍ଲାରେ କେଜ୍ରିୱାଲଙ୍କ କ୍ରେଜ୍ ଦେଖାଯିବ ନା ୨୨ ବର୍ଷର ବନବାସ ପରେ ଫେରିବ ବିଜେପି ? ସେହିଭଳି କଂଗ୍ରେସ ଖାତାରେ କେତୋଟି ଭୋଟ ପଡିବ ତାହା ଉପରେ ସମସ୍ତଙ୍କ ନଜର ରହିଛି । ଦିଲ୍ଲୀରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
#DelhiElections2020: आम आदमी पार्टी (AAP) के समर्थक अपने बच्चों के साथ दिल्ली के मुख्यमंत्री अरविंद केजरीवाल के आवास पर पहुँचे। दिल्ली की सभी 70 विधानसभा सीटों के लिए मतगणना आज सुबह 8 बजे से शुरू होगी। pic.twitter.com/XPoK3XnVbM
— ANI_HindiNews (@AHindinews) February 11, 2020
ଦିଲ୍ଲୀର ଆପ୍ କାର୍ଯ୍ୟାଳୟରେ ଫଳାଫଳ ଆଗରୁ ଉତ୍ସବର ମାହୋଲ ଦେଖିବାକୁ ମିଳିଛି । ସମ୍ପୁର୍ଣ୍ଣ କାର୍ଯ୍ୟାଳୟକୁ ବେଲୁନରେ ସଜ୍ଜିତ କରାଯାଇଛି । ସେହିଭଳି ଅରବିନ୍ଦ କେଜ୍ରିୱାଲଙ୍କ ବାସଭବନରେ ବଡ ବଡ ନେତାଙ୍କ ଆଗମନ ମଧ୍ୟ ଦେଖିବାକୁ ମିଳିଛି । ଫଳାଫଳ ଆସିବା ଆଗରୁ କାନପୁରରେ ଆପ୍ ର ବିଜୟ ପାଇଁ ମନ୍ଦିରରେ ପୂଜା ଅର୍ଚ୍ଚନା କରିଛନ୍ତି ଦଳୀୟ କର୍ମୀ । ଦିଲ୍ଲୀର ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆ ନିଜ ବାସ ଭବନରେ ପୂଜା କରିଛନ୍ତି ।
#ପରିଶ୍ରମ_କରିଛୁ_ଫଳ_ପାଇବୁ
ହନୁମାନ ମୋଦୀଙ୍କୁ ଆଶୀର୍ବାଦ କରନ୍ତୁ । ଦେଶ ପାଇଁ ସେ ବିକାଶ କାମ ଜାରି ରଖନ୍ତୁ : ପରିଶ୍ରମ କରିଛୁ, ଭଗବାନ ନିଶ୍ଚିତ ବର ଓ ଫଳ ଦେବେ : ବିଜୟ ଗୋଏଲ #VijayGoel #DelhiResults #DelhiElections2020 pic.twitter.com/rTYFrbD7u6— Kanak News (@kanak_news) February 11, 2020
କେଜ୍ରିୱାଲଙ୍କ ବାସଭବନ ବାହାରେ ଆପ ନେତାଙ୍କ ଭିଡ ଦେଖିବାକୁ ମିଳିଛି । ପରିବାର ସମେତ ଉପସ୍ଥିତ ଅଛନ୍ତି ଆପ୍ ନେତା । କେଜରିୱାଲ୍ ଙ୍କୁ ସମର୍ଥନ କରି ତାଙ୍କ ବେଶଭୁଷାରେ ନିଜକୁ ରଙ୍ଗେଇଥିବା ଜଣେ କୁନି ଝିଅକୁ ମଧ୍ୟ ଦେଖିବାକୁ ମିଳିଛି । ଅନ୍ୟପକ୍ଷରେ ବିଜେପିର ବିଜୟ ପାଇଁ ବିଜେପି ନେତା ବିଜୟ ଗୋୟଲ୍ କନାଟ୍ ପ୍ଲେସର ହନୁମାନ ମନ୍ଦିରରେ ଫଳାଫଳ ପୂର୍ବରୁ ପ୍ରାର୍ଥନା କରିଛନ୍ତି ।