ଘାଟିରେ ଖସିଲା ବରଯାତ୍ରୀ ବସ୍ । ଚାଲିଗଲା ୧୧ ଜୀବନ

କନକ ବ୍ୟୁରୋ: ବାହାଘରରେ ଯୋଗ ଦେଇ ଫେରୁଥିଲା ବରଯାତ୍ରୀ ବସ୍ । ହେଲେ ବାଟରେ ଅପେକ୍ଷା କରିଥିଲା ମୃତ୍ୟୁ । ଏକ ଘାଟିରେ ଖସିପଡିଲା ଏହି ମିନି ବସ୍ , ଚାଲିଗଲା ୧୧ ଜୀବନ । ଏପରି ଅଘଟଣ ଘଟିଛି ଉତ୍ତରାଖଣ୍ଡ ଚମ୍ପାବତ ଇଲାକରେ ।

ସୋମବାର ରାତିରେ ଟନକପୁର – ଚମ୍ପାବତ ହାଇୱେକୁ ସଂଯୋଗ କରୁଥିବା ଡ୍ରାଇଡାଙ୍ଗ-ଦାଣ୍ଡାମିନାର ରାସ୍ତାରେ ରାତିରେ ଏକ ବାରତରୁ ଫେରୁଥିବା ମିନି ବସଟି ଏକ ଘାଟି ରାସ୍ତା କଡକୁ ଖସିପଡିଥିଲା । ଏହି ଘଟଣାରେ ୧୧ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଡ୍ରାଇଭର ସହ ଅନ୍ୟଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ଖବର ପାଇ ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ। ଖାଲରୁ ୧୧ ଟି ମୃତଦେହ ବାହାର କରାଯାଇଛି। ଦୁର୍ଘଟଣାରେ ଗୁରୁତର ଆହତ ହୋଇଥିବା ଦୁଇ ଜଣଙ୍କୁ ଚିକିତ୍ସା ପାଇଁ ଜିଲ୍ଲା ଡାକ୍ତରଖାନାକୁ ଅଣାଯାଇଛି। ମିଳିଥିବା ସୂଚନା ଅନୁଯାୟୀ, ଗାଡିରେ ୧୬ ଜଣ ଲୋକ ଥିଲେ। ଏଥିମଧ୍ୟରୁ ୧୧ ଜଣଙ୍କର ମୃତ୍ୟୁ ଘଟିଛି ।

ଏପର୍ୟ୍ୟନ୍ତ ମିଳିଥିବା ସୂଚନା ଅନୁଯାୟୀ, ତାନକପୁରର ପଞ୍ଚମୁଖୀ ଧର୍ମଶାଳାରେ ଆୟୋଜିତ ବିବାହରେ ଯୋଗ ଦେଇ ସମସ୍ତ ଅଧିବାସୀ ଘରକୁ ଫେରୁଥିଲେ। କୁହାଯାଉଛି ଯେ ଗତକାଲି ରାତି ପ୍ରାୟ ୩.୨୦ ସମୟରେ ଗାଡିଟି ଏକ ଗଭୀର ଘାଟିରେ ଅନିୟନ୍ତ୍ରିତ ଭାବରେ ଖସିପଡିଥିଲା।