କ୍ଷୀର ସହ ମିଶାଇ ସେବନ କରନ୍ତୁ ଏହି ଦୁଇଟି ଜିନିଷ । ବ୍ଳଡ୍ ସୁଗାର ନିୟନ୍ତ୍ରଣ କରିବାର ରାମବାଣ ଉପାୟ ।
କନକ ବ୍ୟୁରୋ: ଆଜିକାଲି ଅନେକ ବ୍ୟକ୍ତି ଡାଇବେଟିସ୍ ପରି ସମସ୍ୟା ଭୋଗୁଛନ୍ତି । ତେବେ ଜୀବନ ଶୈଳୀରେ ପରିବର୍ତ୍ତନ ,ଖାଇବା ପିଇବାରେ ଅନିୟମିତତା ଯୋଗୁଁ ରକ୍ତରେ ଗ୍ଲୁକୋଜ୍ ସ୍ତର ବଢାଇଦେଇଥାଏ । ଫଳରେ ମାନସିକ ବିଷାଦ, ବାମମ୍ବାର ପରିସ୍ରା ଲାଗିବା, ମୁଣ୍ଡ ବୁଲାଇବା, ବାରମ୍ବାର ଶୋଷ ଲାଗିବା ପରେ ସମସ୍ୟା ଦେଖାଦେଇଥାଏ । ଏଥିପାଇଁ ଆୟୁର୍ବେଦିକ ଠାରୁ ଆରମ୍ଭ କରି ଏଲୋପାଥି ଔଷଧ ସେବନ କରି ନୟାନ୍ତ ହେଉଛନ୍ତି । ହେଲେ ଏପରି କିଛି ଘରୋଇ ଉପଚାର ଅଛି ଯାହା ସେବନ କରିବା ଅତି ସହଜ ଏବଂ ଆପଣଙ୍କୁ ଏପରି କିଛି ଜିନିଷ ସେବନ କରିବାକୁ ପଡିବ ଯାହା ସହଜରେ ଆପଣଙ୍କ ରୋଷେଇ ଘରେ ହିଁ ଉପଲବ୍ଧ ।
Kanak News is now on WhatsApp
Join and get latest news updates delivered to you via WhatsApp
ଏପରି ସମସ୍ୟାରୁ ମୁକ୍ତି ପାଇବାକୁ ଦୈନନ୍ଦିନ ଖାଇବାରେ ସାମିଲ କରନ୍ତୁ ମାତ୍ର ଏହି ୨ଟି ଜିନିଷ ଯାହା ଖୁବ୍ କମ୍ ଦିନରେ ଆପଣଙ୍କର ଏହି ସମସ୍ୟାକୁ ଦୂରେଇଦେବ ।
* ଆମେ ଜାଣୁ ଯେ କ୍ଷୀରରେ ପ୍ରୋଟିନ୍ ସହ କ୍ୟାଲସିୟମ, ଜିଙ୍କ, ଭିଟାମିନ୍ -ଡି ଓ ପୋଟସିୟମ ମାତ୍ରା ଭରପୁର ଥାଏ । ବିଶେଷଜ୍ଞଙ୍କ ମତାନୁସାରେ, ଡାଇବେଟିସ୍ ରୋଗୀଙ୍କ ପାଇଁ କ୍ଷୀର ବେଶ ଉପାଦେୟ । ହେଲେ ରକ୍ତରୁ ଗ୍ଲୁକୋଜ୍ ମାତ୍ରା କମାଇବାକୁ ବା ନିୟନ୍ତ୍ରଣରେ ରଖିବାକୁ ଏଥିରେ ହଳଦି ମିଶାଇ ପିଅନ୍ତୁ । ହଳଦିରେ ଆଣ୍ଟି ଅକ୍ସିଡାଣ୍ଟ,ଆଣ୍ଟି ବ୍ୟାକ୍ଟେରିଆଲ ତତ୍ତ୍ୱ ରହିଛି । ତେଣୁ ୧ ଗ୍ଲାସ କ୍ଷୀରରେ ୨ ଚିମୁଟା ହଳଦୀ ମିଶାଇ ପ୍ରତିଦିନ ପାନ କଲେ ଶରୀରର ପ୍ରତିଶେଧକ ଶକ୍ତି ବଢିବା ସହ ଗ୍ଲୁକୋଜ୍ ସ୍ତର ନିୟନ୍ତ୍ରଣରେ ରହିବ ।
*ଡାଲଚିନିରେ ଆଇରନ, ପୋଟାସିୟମ ଓ ଭିଟାମିନର ମାତ୍ରା ଥାଏ । ରାତିରେ ଶୋଇବା ପୂର୍ବରୁ ଗ୍ଲାସ କ୍ଷୀରରେ ଡାଲଚିନି ପାଉଡର ମିଶାଇ ପିଇଲେ ମଧ୍ୟ ଡାଇବେଟିସ୍ ସମସ୍ରାରୁ ସହଜରେ ମୁକ୍ତି ମିଳିଥାଏ । ରକ୍ତ କଣିକାରେ ଗ୍ଲୁକୋଜ୍ ମାତ୍ରା ନିୟନ୍ତ୍ରିତ ହୋଇଥାଏ ।