ଦଳ ଓ କାଠିକୁଟାରେ ପୋଖରୀ ଭର୍ତି । ସରକାରୀ କାଗଜରେ ସଫା କରାଯାଇଥିବା ଦର୍ଶାଇ ସରକାରୀ ଅର୍ଥ ହରିଲୁଟ

କନକ ବ୍ୟୁରୋ : ଅନାବନା ଲଟା ଓ ଘାସ ଭର୍ତି ଏହି ପୋଖରୀ କୁଆଡେ ଗତ ମାସ ଅଗଷ୍ଟ ମାସରେ ପୁନଃରୁଦ୍ଧାର କରାଯାଇଛି । ୨୦୨୦ ମସିହାରେ ଖୋଳା ଯାଇଥିବା ପୋଖରୀ ପୁନଃରୁଦ୍ଧାର ଆଳରେ ଜିଆରଏସ୍ ଓ ଜେଇ ପ୍ରାୟ ୪ ଲକ୍ଷ ଟଙ୍କା ବିଲ କରି ନେଇଥିବା ଅଭିଯୋଗ ହୋଇଛି । ଜବକାର୍ଡଧାରୀ ଓ ଗ୍ରାମବାସୀ ଅଭିଯୋଗ କରିଛନ୍ତି । ଗଞ୍ଜାମ ଖଲ୍ଲିକୋଟ ବ୍ଲକ ଗେଞ୍ଜେରାପଲ୍ଲୀ ପୋଖରୀ କାମ ବାବଦରେ ଶ୍ରମିକଙ୍କ ଆକାଉଂଟକୁ ୪ଲକ୍ଷ ଟଙ୍କା ଯାଇଥିବା ବେଳେ ଲକ୍ଷାଧିକ ଟଙ୍କାରେ ବିଭିନ୍ନ ସମଗ୍ରୀ କିଣା ଯାଇଥିବା ସରକାରୀ ରିପୋର୍ଟରେ ଉଲ୍ଲେଖ ରହିଛି ।

ସେହିଭଳି ଗେଞ୍ଜେରାପଲ୍ଲୀ ଗ୍ରାମର ପାଟଯୋଡି କେନାଲର ସଫା କି ମରାମତି ନକରି ପ୍ରତିବର୍ଷ ମନରେଗା ଜରିଆରେ ଲକ୍ଷାଧିକ ଟଙ୍କା ଖର୍ଚ୍ଚ ହେଉଛି । ୨୦୧୫ରୁ ପ୍ରତିବର୍ଷ ଲୋକଙ୍କ ବ୍ୟାଙ୍କ ଆକାଉଂଟକୁ ୬ରୁ ୭ ଲକ୍ଷ ଟଙ୍କା ପଠା ଯାଉଥିବା ଅଭିଯୋଗ ହୋଇଛି । ଏବର୍ଷ କେନାଲ ପୁନଃରୁଦ୍ଧାର ବାବଦରେ ୬ଲକ୍ଷ ୪୭ ହଜାର ୨୭୭ ଟଙ୍କାର ବିଲ ହୋଇଛି । ତେବେ ଏଥିରେ ଦୁର୍ନୀତି ଅଭିଯୋଗ ଆଣିଛନ୍ତି ସ୍ଥାନୀୟ ଲୋକ ।

ମନରେଗା ମାଧ୍ୟମରେ ଲୋକଙ୍କୁ କାମ ଯୋଗାଇ ରାଜ୍ୟ ସରକାର ବାହା ବାହା ନେଉଥିବା ବେଳେ ବେଗୁନିଆପଡା ବ୍ଲକ ନିକଟରେ ମନରେଗାରେ ଦୁର୍ନିତି ଯୋଜନାକୁ ବଟବଣା କରୁଛି ।