ମୁଁ ଯଦି ପୁରୁଷ ହୋଇଥାନ୍ତି … ଜିତିବା ବାଜି ହାରିନଥାନ୍ତି । ମ୍ୟାଚ ହରାଇଦେଲା ଋତୁସ୍ରାବଜନିତ ଯନ୍ତ୍ରଣା । ପଢନ୍ତୁ ପୂରା ଖବର…
କନକ ବ୍ୟୁରୋ: ମୁଁ ଯଦି ପୁରୁଷ ହୋଇଥାନ୍ତି… ଖେଳ ପଡିଆରେ ଋତୁସ୍ରାବଜନିତ କଷ୍ଟ ପାଇଁ ମ୍ୟାଚ ହାରିଛନ୍ତି ଜଣେ ମହିଳା ଖେଳାଳୀ । ଫ୍ରେଞ୍ଚ ଓପନରେ ବିଶ୍ୱର ଏକନଂ ମହିଳା ଖେଳାଳୀ ଇଗା ସ୍ୱିତେକଙ୍କ ପାଖରୁ ଚୀନର ଝେଙ୍ଗ କେନବେନ ପରାସ୍ତ ହେବା ପରେ କିଛି ଏଭଳି କଥା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଚୀନର ଏହି ଖେଳାଳୀ ହାରିବା ପରେ କହିଛନ୍ତି ମୁଁ ଯଦି ପୁରୁଷ ହୋଇଥାନ୍ତି…୧୯ ବର୍ଷୀୟ ଝେଙ୍ଗ ପ୍ରଥମ ଥର ରୋଲାଣ୍ଡ ଗ୍ୟାରୋସରେ ଖେଳୁଥିଲେ । ତାଙ୍କ ସାମ୍ନାରେ ଟପ ସିଡ୍ ସ୍ୱିତେକ ଥିଲେ । ପ୍ରଥମ ରାଉଣ୍ଡରେ ସେ ୬-୭ ସେଟରେ ବିଜୟୀ ହୋଇଥିଲେ । ତେବେ ପରବର୍ତ୍ତୀ ଦୁଇଟି ସେଟରେ ସେ ୬-୦,୬-୨ରେ ପରାସ୍ତ ହୋଇଥିଲେ । ଏହି ପରାଜୟ ସହ ସେ ଫ୍ରେଞ୍ଚ ଓପନରୁ ବାଦ ପଡିଥିଲେ । ତେବେ ମ୍ୟାଚ ବେଳେ ୭୪ତମ ସ୍ଥାନରେ ଥିବା ଝେଙ୍ଗଙ୍କ ଗୋଡରେ ଆଘାତ ଲାଗିଥିଲା । ଚିକିତ୍ସା ପାଇଁ ସେ ବ୍ରେକ ମଧ୍ୟ ନେଇଥିଲେ । ତେବେ ତାଙ୍କ ହାରିବାର ଆସଲି କାରଣ ଅନ୍ୟ କିଛି ଥିଲା । ଝେଙ୍ଗ କହିଛନ୍ତି, ଗୋଡରେ ଆଘାତ ଯୋଗୁଁ ତାଙ୍କୁ ଚିନ୍ତା ନଥିଲା, ପେଟରେ ଯନ୍ତ୍ରଣା ପରେ ତାଙ୍କ ଖେଳ ପ୍ରଭାବିତ ହୋଇଥିଲା । ଆଉ ଏହି ଯନ୍ତ୍ରଣା ହିଁ ତାଙ୍କର ପରାଜୟର କାରଣ ।
ଋତୁସ୍ରାବଜନିତ ଯନ୍ତ୍ରଣା ପାଇଁ ହାରିଗଲେ ଝେଙ୍ଗ
ମ୍ୟାଚ ପରେ ଝେଙ୍ଗ କହିଛନ୍ତି, ଋତୁସ୍ରାବଜନିତ ଯନ୍ତ୍ରଣା ତାଙ୍କ ପାଇଁ କାଳ ସାଜିଲା । ଏହା ମହିଳାଙ୍କ କଥା, ପ୍ରଥମ ଦିନ ସବୁବେଳେ କଷ୍ଟ ହୋଇଥାଏ । ମୁଁ ସେହି କଷ୍ଟ ଭିତରେ ମ୍ୟାଚ ଖେଳିବା ପାଇଁ ଯାଇଥିଲେ । ମୋତେ ପ୍ରଥମ ଦିନ ସବୁବେଳେ କଷ୍ଟ ହୋଇଥାଏ । ମୁଁ ମୋର ସ୍ୱଭାବ ବିରୋଧରେ ଯାଇପାରିବି ନାହିଁ । ମୁଁ ଭାବୁଛି ମୁଁ ଯଦି ପୁଅ ପିଲା ହୋଇଥାନ୍ତି ତେବେ ମୋତେ ଏସବୁ କଷ୍ଟ ସହିବାକୁ ପଡିନଥାନ୍ତା । ଏହା ମୋ ପାଇଁ ବହୁତ କଷ୍ଟ ।
୮୨ ମିନିଟ ପରେ ଜିତିଥିଲେ ପ୍ରଥମ ସେଟ୍
ଏହି ମ୍ୟାଚର ପ୍ରଥମ ସେଟ ୮୨ ମିନିଟ ପାଇଁ ଚାଲିଥିଲା । ଝେଙ୍ଗ ୫ଟି ସେଟ ପଏଣ୍ଟ ପାଇଥିଲେ । ଏହା ପରେ ଟାଇବ୍ରେକରରେ ୨-୫ର ବ୍ୟବଧାନରେ ସେ ବିଜୟୀ ହୋଇଥିଲେ । ବିଶ୍ୱର ଏକ ନଂ ଖେଳାଳୀଙ୍କ ସେ ମାତ ଦେଇଥିଲେ । ଏପ୍ରିଲ ୨୩ ପରେ ସ୍ୱିତେକ ପ୍ରଥମ ଥର ପାଇଁ କୌଣସି ସେଟରେ ପରାସ୍ତ ହୋଇଥିଲେ । ତେବେ ଦ୍ୱିତୀୟ ସେଟରେ ୦-୩ରେ ପଛୁଆ ହେବା ପରେ ଝେଙ୍ଗଙ୍କ ଗୋଡରେ ଯନ୍ତ୍ରଣା ହୋଇଥିଲା । ତାଙ୍କୁ ବ୍ରେକ ନେବାକୁ ପଡିଥିଲା । ଏହି ସମସ୍ୟା ତାଙ୍କୁ ଆଉ ମ୍ୟାଚକୁ ଫେରିବାର ସୁଯୋଗ ଦେଇନଥିଲା । ଦ୍ୱିତୀୟ ଓ ତୃତୀୟ ସେଟରେ ସେ ପରାସ୍ତ ହୋଇଥିଲେ ।
ଝେଙ୍ଗ ସୁପର-୧୬ରେ ସ୍ଥାନ ପକ୍କା କରିବା ପାଇଁ ୨୦୧୮ର ଫ୍ରେଞ୍ଚ ଓପନ ବିଜେତା ସିମୋନା ହାଲେପଙ୍କୁ ପରାସ୍ତ କରିଥିଲେ । ପେଟରେ ଯନ୍ତ୍ରଣା ପରେ ଝେଙ୍ଗ ୪୬ଟି ଭୁଲ କରିଥିଲେ । କୋର୍ଟରେ ସେ ନିଜର ସର୍ବଶ୍ରେଷ୍ଠ ପ୍ରଦର୍ଶନ କରିଥିଲେ । ଯଦି ଏହି ଋତୁସ୍ରାବଜନିତ ସମସ୍ୟା ନଥାନ୍ତା ତେବେ ଝେଙ୍ଗ ନୂଆ ଇତିହାସ ସୃଷ୍ଟି କରିପାରିଥାନ୍ତେ ନିହାତି ।