ଉଦଘାଟିତ ହେଲା ପୁରୁଷ ହକି ବିଶ୍ୱକପ-୨୦୨୩। କଟକ ବାରବାଟୀ ଷ୍ଟାଡିୟମରେ ରଙ୍ଗାରଙ୍ଗ କାର୍ଯ୍ୟକ୍ରମ।
କନକ ବ୍ୟୁରୋ: ଉଦଘାଟିତ ହୋଇଛି ପୁରୁଷ ହକି ବିଶ୍ୱକପ । କଟକର ବାରବାଟୀ ଷ୍ଟାଡିୟମରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ମଧ୍ୟରେ ଏହାକୁ ଉଦଘାଟନ କରାଯାଇଛି । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର କ୍ରୀଡା ମନ୍ତ୍ରୀ ଅନୁରାଗ ଠାକୁର, ରାଜ୍ୟ କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା, ଏଫଆଇଏଚ ଅଧ୍ୟକ୍ଷ, ହକି ଇଣ୍ଡିଆର ଅଧ୍ୟକ୍ଷ ପ୍ରମୁଖ ଉପସ୍ଥିତ ରହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ କହିଥିଲେ ଯେ ଆମେ ହକି ବିଶ୍ୱକପ ଆୟୋଜନ କରି ବେସ ଖୁସି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମୁଖ୍ୟମନ୍ତ୍ରୀ କୃତଜ୍ଞତା ଜଣାଇଥିଲେ । ସମସ୍ତ ଅତିଥିଙ୍କୁ ନବୀନ ନିଜ ଢଙ୍ଗରେ ସ୍ୱାଗତ କରିଥିଲେ । ଆତିଥ୍ୟ ଆମ ଓଡିଶାର ପରିଚୟ, କଟକରେ ଉଦଘାଟନୀ ଉତ୍ସବ ହେଉଛି ଆପଣ ମାନେ ଖୁସିତ ବୋଲି କହିଥିଲେ ନବୀନ ।
ଏଫଆଇଏଚ ସଭାପତି ଏହି ଅବସରରେ ଓଡିଶାର ପ୍ରଶଂସା କରିବା ସହ ଓଡିଶାକୁ ଲ୍ୟାଣ୍ଡ ଅଫ୍ ହକି କହିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ହକି ପ୍ରତି ଥିବା ଭଲ ପାଇବାକୁ ସେ ପ୍ରଶଂସା ମଧ୍ୟ କରିଥିଲେ ।
ଉଦଘାଟନୀ ଉତ୍ସବରେ ହକି ବିଶ୍ୱକପର ଗୀତକୁ ପ୍ରଦର୍ଶନ କରାଯାଇଥିବା ବେଳେ ଓଲିଉଡ କଳାକାର ସବ୍ୟସାଚ୍ଚୀ ଏବଂ ଅର୍ଚ୍ଚିତା ନୃତ୍ୟ ପରିବେଷଣ କରିଥିଲେ । ପରେ ଅନ୍ୟ କଳାକାର ସେମାନଙ୍କ ଚମକ୍ରାର ପ୍ରଦର୍ଶନ ଦର୍ଶକଙ୍କ ସାମ୍ନାରେ ରଖିଥିଲେ ।