ପୁରୁଷ ହକି ବିଶ୍ୱକପ କାଉଣ୍ଟଡାଉନ । ହକି ବିଶ୍ୱକପ ସୁରକ୍ଷା ନେଇ ସଚିବାଳୟରେ ପ୍ରସ୍ତୁତି ବୈଠକ, କଡା ସୁରକ୍ଷା ବଳୟରେ କଳିଙ୍ଗ ଷ୍ଟାଡିୟମ
କନକ ବ୍ୟୁରୋ: ଆସନ୍ତା ନଭେମ୍ବର ମାସରେ କଳିଙ୍ଗ ଷ୍ଟାଡିୟମରେ ହେବାକୁଥିବା ପୁରୁଷ ହକି ବିଶ୍ୱକପ ୨୦୧୮ ନେଇ ସଚିବାଳୟରେ ପ୍ରସ୍ତୁତି ବୈଠକ । ବିଶେଷ କରି ହକି ବିଶ୍ୱକପ ପୂର୍ବରୁ କିଭଳି ସୁରକ୍ଷା ବ୍ୟବସ୍ଥା କରାଯିବ ସେନେଇ ଗୃହ ସଚିବ ଅସିତ୍ ତ୍ରିପାଠୀଙ୍କ ଅଧ୍ୟକ୍ଷତାରେ ହୋଇଛି ଗୁରୁତ୍ୱପୂର୍ଣ୍ଣ ବୈଠକ । ସୂଚନା ମୁତାବକ ହକି ବିଶ୍ୱକପ ସମୟରେ ୭୦ରୁ ୮୦ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯିବେ । ଖେଳାଳୀ ରହିବାକୁଥିବା ହେଟେଲ ଠାରୁ ଆରମ୍ଭ କରି କଳିଙ୍ଗ ଷ୍ଟାଡିୟମ ପର୍ଯ୍ୟନ୍ତ କଡା ସୁରକ୍ଷା ବଳୟରେ ରହିବ । ବିଦେଶୀ ଖେଳାଳୀଙ୍କ ସୁରକ୍ଷାକୁ କିଭଳି ବେଶ କଡାକଡି କରାଯିବ ତାହା ଉପରେ ଗୁରୁତ୍ୱ । ଏହାସହ ପାକିସ୍ତାନ ଖେଳାଳୀଙ୍କୁ ପ୍ରୋଟକଲ ଅନୁସାରେ ସୁରକ୍ଷା ଦିଆଯିବ ବୋଲି କହିଛନ୍ତି ପୁଲିସ କମିଶନର ସତ୍ୟଜିତ୍ ମହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି କ୍ରୀଡ଼ା ସଚିବ ବିଶାଲ କୁମାର ଦେବ କହିଛନ୍ତି ଯେ, ହକି ବିଶ୍ୱକପ ପାଇଁ ୧୭ଟି ସହରରେ ପ୍ରମୋସନ କରାଯିବ । ଖାସ କରି ଭୁବନେଶ୍ୱରର ୪ଟି ଜାଗାରେ ଏଲଇଡି ଲାଗିବ । ଯାହାକି କ୍ରୀଡାପ୍ରେମୀଙ୍କୁ ଖେଳ ଦେଖିବା ପାଇଁ ଅଧିକ ଆକୃଷ୍ଟ କରିବାରେ ସହାୟକ ହେବ । ବିଶ୍ୱ କ୍ରୀଡା ମାନଚିତ୍ରରେ ଏବେ କଳିଙ୍ଗ ଷ୍ଟାଡିୟମ ସ୍ଥାନ ପାଇଛି । ବିଭିନ୍ନ ଅନ୍ତର୍ଜାତୀୟ ହକି ଖେଳକୁ ସଫଳତାର ସହ ଆୟୋଜନ କରାଯିବା ପରେ ଏବେ ପୁଣିଥିରେ ଏଥିରେ ହକିର ସର୍ବଶ୍ରେଷ୍ଠ ପ୍ରତିଯୋଗିତା ପୁରୁଷ ହକି ବିଶ୍ୱକପ ୨୦୧୮ ଆୟୋଜନ କରାଯିବ ।
ଓଡିଶା ହକି ପୁରୁଶଷ ବିଶ୍ୱ କପ୍ ଚଳିତ ବର୍ଷ ନଭେମ୍ବର ୨୮ରୁ ଡିସେମ୍ବର ୧୬ ତାରିଖ ମଧ୍ୟରେ ଅନୁଷ୍ଠିତ ହେବ । ପୂର୍ବରୁ ଭାରତରେ ଏହା ୨ ଥର ଅନୁଷ୍ଠିତ ହୋଇଛି । ୧୯୮୨ରେ ବମ୍ବେ, ଓ ୨୦୧୦ ମସିହାରେ ଦିଲ୍ଲୀରେ ଏହା ଅନୁଷ୍ଠିତ ହୋଇଥିଲା । ତୃତୀୟ ଥର ପାଇଁ ଏହା ଭୁବନେଶ୍ୱରରେ ଅନୁଷ୍ଠିତ ହେବ । ଏଥିରେ ୧୬ଟି ଦେଶ ଅଂଶ ଗ୍ରହଣ କରିବେ । ଯେଉଁଥି ପାଇଁ ସୁରକ୍ଷା ବ୍ୟବସ୍ଥାକୁ କିଭଳି କଡାକଡି କରାଯାଇ ଶୃଙ୍ଖଳାର ସହ ସମାପନ କରାଯିବ ସେନେଇ ସରକାରଙ୍କ ତତ୍ପରତା ।