ମତୁଆଲା କରୁଛି ମାକ୍ରୋ ଫଟୋଗ୍ରାଫି : ଯୁବ ଫଟୋଗ୍ରାଫରଙ୍କ ଆକର୍ଷଣୀୟ ପ୍ରତିଭା , ମୋବାଇଲ୍ ମାଧ୍ୟମରେ ଉତ୍ତୋଳନ କରନ୍ତି ମାକ୍ରୋ ଫଟୋ ।
ଜୀବନରେ ଏଭଳି ଅନେକ ମନୋରମ ସୂକ୍ଷ୍ମ କାର୍ଯ୍ୟ ହୋଇଥାଏ ଯାହାକୁ ଆମ ଆଖି ଦେଖିବାରୁ ବଂଚିତ ହୁଏ । ପକ୍ଷୀମାନଙ୍କ ଖାଦ୍ୟ ଖାଇବା ଭଳି ଦୃଶ୍ୟ ହେଉ କି କାକର ବୁନ୍ଦାକୁ ପାଖରୁ ଦେଖିବା ଭଳି ଦୃଶ୍ୟ ହେଉ ଏସବୁ ମୁହୂର୍ତ୍ତକୁ ଆମେ ଦେଖିପାରୁ ନାହୁଁ । କିନ୍ତୁ ୨୦ ବର୍ଷୀୟ ଶଶିକୁମାର ଏଭଳି ସୂକ୍ଷ୍ମ ମୁହୂର୍ତ୍ତକୁ ନିଜ ମୋବାଇଲ୍ କ୍ୟାମେରାରେ ସାଇତି କରି ରଖିଛନ୍ତି । ସେ ବି ସେହି ସ୍ମାର୍ଟଫୋନ୍ ରେ ଯେଉଁଥିରେ ଆପଣ ଏବେ ଏହି ଲେଖଟିକୁ ପଢୁଛନ୍ତି । ଆଜ୍ଞା ହଁ , ସ୍ମାର୍ଟଫୋନ୍ ରେ ଉତ୍ତୋଳନ ହେଉଛି ମିନି ଫଟୋ । ଏହିଭଳି ଫଟୋଗ୍ରାଫିକୁ ‘ମାକ୍ରୋ ଫଟୋଗ୍ରାଫି’ ବୋଲି କୁହାଯାଏ ।
Kanak News is now on WhatsApp
Join and get latest news updates delivered to you via WhatsApp
ଶଶିକୁମାର ଏହି ଫଟୋଗୁଡିକୁ ନିଜ ଇନଷ୍ଟାଗ୍ରାମ୍ ଆକାଉଣ୍ଟ୍ ରେ ସେୟାର୍ କରନ୍ତି । ଇନଷ୍ଟାଗ୍ରାମ୍ ରେ ୧୯ ହଜାର ଫଲୋଅର୍ସ ଥିବା ଶଶି କୁହନ୍ତି ମାକ୍ରୋ ଫଟୋଗ୍ରାଫି ପାଇଁ ଅଧିକ ଜରୁରୀ ହେଉଛି ମୁଭମେଣ୍ଟ୍ । ବେଷ୍ଟ୍ ସଟ୍ ମିଳିବା ପର୍ଯ୍ୟନ୍ତ ଅପେକ୍ଷା କରିବାକୁ ପଡିଥାଏ । ଅପେକ୍ଷା ପରେ ହିଁ ମିଳିଥାଏ ପରଫେକ୍ଟ ସଟ୍ । ୨୦ ବର୍ଷୀୟ ଏହି ଫଟୋଗ୍ରାଫରଙ୍କ ଫଟୋ ଲୋକଙ୍କୁ ଖୁବ୍ ପ୍ରଭାବିତ କରୁଛି । ଇଞ୍ଜିନିୟରିଂ ପାଠ ପଢୁଥିବା ଶଶି ସଫ୍ଟୱେୟାର୍ ଡେଭଲପର୍ ହେବାକୁ ଚାହାଁନ୍ତି । ତାଙ୍କ ଇନଷ୍ଟାଗ୍ରାମ୍ ପୋଷ୍ଟ୍ ଦେଖିଲେ ଲାଗେ ଯେ ସେ ଛୋଟ ଛୋଟ କୀଟପତଙ୍ଗଙ୍କ ଫଟୋ ଉତ୍ତୋଳନ କରନ୍ତି ।
ଜଣେ ଫଟୋଗ୍ରାଫରଙ୍କ ଗୁରୁ ହେଉଛିି ଫଟୋ । ଶଶି କୁହନ୍ତି, ସେ ନିଜ ଫଟୋ ଦ୍ୱାରା ହିଁ ଅନେକ କିଛି ଶିଖନ୍ତି । ମୋବାଇଲ୍ ରେ ଲେନ୍ସ ଲଗାଇ ସେ ଏହି ସବୁ ଫଟୋ ଉତ୍ତୋଳନ କରନ୍ତି । ବର୍ତ୍ତମାନ ସମୟରେ ମାକ୍ରୋ ଫଟୋଗ୍ରାଫିର ଚାହିଦା ସେତେ ନଥିଲେ ମଧ୍ୟ ଆଗକୁ ଏହା ଯୁବସମାଜ ପାଇଁ ଭିନ୍ନ ଏକ ଉଜ୍ଜ୍ୱଳ ଭବିଷ୍ୟତର ମାଧ୍ୟମ ହୋଇପାରିବ ବୋଲି କୁହାଯାଇପାରିବ ।
ଏଭଳି ଅନେକ ପ୍ରତିଭା ଅଛନ୍ତି ଯେ ନିଜ ମୋବାଇଲ୍ ମାଧ୍ୟମରେ ବିଚକ୍ଷଣ ଫଟୋ ଉତ୍ତୋଳନ କରନ୍ତି ସେମାନଙ୍କ ପାଇଁ “ମାକ୍ରୋ ଫଟୋଗ୍ରାଫି” ନୂଆ ଆଶା ସାଜିବ ବୋଲି ଅନୁମାନ କରାଯାଉଛି ।