କନକ ବ୍ୟୁରୋ: ପାର୍ବଣ ଋତୁରେ ବିଭିନ୍ନ ଇ-କମର୍ସ କମ୍ପାନୀ ଅନେକ ଅଫର ପ୍ରଦାନ କରୁଛନ୍ତି । ବିଭିନ୍ନ ସାମଗ୍ରୀ ଉପରେ ରିହାତି ଦେଖି ଗ୍ରାହକ ବି ବେସ ଖୁସ । ତେବେ ଏହାରି ଭିତରେ ଗୋଟିଏ ଖବର ଆସିଛି ଯାହା ସମସ୍ତଙ୍କୁ ଚମକାଇ ଦେଇଛି । ଜଣେ ବ୍ୟକ୍ତି ଅର୍ଡର କରିଥିଲେ କିଛି, ଆଉ ତାଙ୍କ ପାଖରେ ପହଞ୍ଚିଥିଲା ଆଉ କିଛି । ମିସୋରେ ଜଣେ ଗ୍ରାହକ ଡ୍ରୋନ କ୍ୟାମେରା ଅର୍ଡର କରିଥିବା ବେଳେ ତାଙ୍କ ପାଖରେ ଆଳୁ ଭର୍ତ୍ତି ପ୍ୟାକେଟ ପହଞ୍ଚିଥିଲା । ସୋସିଆଲ ମିଡିଆରେ ଏହାର ଭିଡିଓ ଜୋରଦାର ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ନିକଟରେ ଫ୍ଲିପକାର୍ଟରୁ ଜଣେ ବ୍ୟକ୍ତି ଲାପଟପ୍ ଅର୍ଡର କରିଥିଲେ ତେବେ ତାଙ୍କୁ ଲୁଗାଧୋଇବା ସାବୁନର ପ୍ୟାକେଟ ମିଳିଥିଲା । ଏହି ଘଟଣାକୁ ମାତ୍ର କିଛିଟା ଦିନ ବିତିନଥିବା ବେଳେ ଏହିଭଳି ଘଟଣା ପୁଣି ସାମ୍ନାକୁ ଆସିଛି । ବିହାର ଜଣେ ବ୍ୟକ୍ତି ମିସୋ ଆପରେ ଡିଜେଆଇ ଡ୍ରୋନକୁ ଅନଲାଇନ ଅର୍ଡର କରିଥିଲେ । ଅର୍ଡର ମଧ୍ୟ ସଫଳ ହୋଇଥିଲା । ଯେଉଁ ତାରିଖରେ ଏହା ପହଞ୍ଚିବା କଥା ସେହି ତାରିଖରେ ମଧ୍ୟ ପହଞ୍ଚିଲା, ତେବେ ପ୍ୟାକେଟ ଖୋଲିବା ପରେ ସେଥିରୁ ଡ୍ରୋନ ବଦଳରେ ଏକ କିଲୋ ଓଜନର ଆଳୁ ମିଳିଥିଲା । ଗ୍ରାହକ ପ୍ୟାକେଟ ଖୋଲିବା ବେଳର ପୂରା ଭିଡିଓ କରିଥିଲେ ଏବଂ ଏହାକୁ ସେ ସୋସିଆଲ ମିଡିଆରେ ମଧ୍ୟ ସେୟାର କରିଛନ୍ତି । ବର୍ତ୍ତମାନ ଏହା ଭାଇରାଲ ହୋଇଚାଲିଛି ।