ମୋତେ ଛୁଅନି ମୁଁ କରୋନା ପଜିଟିଭ…ବିଚ୍ ରାସ୍ତାରେ ଉନ୍ମକ୍ତ କାଣ୍ଡ…ମୁଁ କରୋନା ସଂକ୍ରମିତ କହି କାର ଆଗରେ ଶୋଇପଡିଲେ ଯୁବକ
କନକ ବ୍ୟୁରୋ: ମୋତେ ଛୁଅନି ମୁଁ କରୋନା ପଜିଟିଭ । ଏମିତି କହି ହଠାତ୍ ରାସ୍ତାରେ ଯାଉଥିବା ଏକ କାର ସାମ୍ନାରେ ଶୋଇପଡିଲେ ଯୁବକ । ଚାହୁଁ ଚାହୁଁ ଶୂନଶାନ ରାସ୍ତାଟି ପାଲଟିଗଲା ଜନସମୁଦ୍ର । ଶୁକ୍ରବାର ଦିନ ଏଭଳି କିଛି ଘଟିଥିଲା ଉତର ପ୍ରଦେଶ ମେରଠ ସହରରେ । ଜଣେ ଯୁବକଙ୍କ ଅମାନିଆ କାଣ୍ଡକୁ ନେଇ ପୁଲିସଠାରୁ ଆରମ୍ଭ କରି ସାଧାରଣ ଜନତା ବି ହତବାକ୍ ହୋଇପଡିଥିଲେ ।
Kanak News is now on WhatsApp
Join and get latest news updates delivered to you via WhatsApp
ନିଜକୁ କରୋନା ଆକ୍ରାନ୍ତ ବୋଲି କହି ବାରମ୍ବାର ଚିକ୍ରାର କରି ଜଣେ ଯୁବକ ରାସ୍ତା ମଝିରେ ଘଟାଇଥିଲେ ଉତ୍ମକ୍ତ କାଣ୍ଡ । ଆଉ ଯୁବକଙ୍କୁ କାବୁ କରିବା ପାଇଁ ନାକେଦମ ହୋଇଯାଇଥିଲେ ପୁଲିସ କର୍ମଚାରୀ । ତେବେ ଯୁବକ ଜଣଙ୍କ କହିବା କଥା ହେଲାକି, ମୁଁ କୋଭିଡ-୧୯ ଭୁତାଣୁରେ ସଂକ୍ରମିତ ହେଲେ ଏସଂପର୍କରେ ସେ ବାରମ୍ବାର ସ୍ୱାସ୍ଥ୍ୟ ବିଭାଗ ନିକଟରେ କହିବା ସତ୍ୱେ ବି ତାଙ୍କର ସ୍ୱାସ୍ଥ୍ୟ ପରୀକ୍ଷା ପାଇଁ କେହି ଆସୁନଥିବା ଯୁବକ ଜଣକ ଅଭିଯୋଗ ଆଣିଛନ୍ତି ।
ତେବେ ବେଶ କିଛି ସମୟ ଧରି ଯୁବକ ଜଣକ ଏଭଳି ଉତ୍ପାତ କରିବା ପରେ ପୁଲିସ ଆସି ପହଂଚିଥିଲା ଏବଂ ତାଙ୍କୁ ବୁଝାସୁଝା କରିଥିଲା ହେଲେ ମୋର କୋଭିଡ-୧୯ ପରୀକ୍ଷା ନକଲେ ମୁଁ ଏଠୁ ଉଠିବି ନାହିଁ ବୋଲି ନିଜ ଜିଦରେ ଅଟଳ ଥିଲେ ସଂପୃକ୍ତ ଯୁବକ ଜଣକ । ଏହାପରେ ତାଙ୍କୁ ଏକ ଆମ୍ବୁଲାନ୍ସ ଯୋଗେ ମେଡିକାଲକୁ ପଠାଇଥିଲା ପୋଲିସ୍ । ବଡ କଥା ହେଉଛି ଯେତେବେଳେ ତାଙ୍କର ଯାଂଚ କରାଯାଇଥିଲା ସେତେବେଳେ ତାଙ୍କ ଦେହରେ କୋଭିଡ ୧୯ ଭୁତାଣୁ ନଥିବା ସ୍ପଷ୍ଟ କରିଥିଲେ ଡାକ୍ତର । ଅନ୍ୟପଟେ, ସ୍ଥାନୀୟ ଲୋକଙ୍କର କହିବା କଥା ହେଲା କି ଯୁବକ ଜଣକଙ୍କ ମାନସିକ ଅବସ୍ଥା ଠିକ୍ ନାହିଁ ତେଣୁ ସେ ବିଚ ରାସ୍ତାରେ ଏଭଳି କାଣ୍ଡ ଭିଆଇଛନ୍ତି ।