ମେଡିକାଲ ପ୍ରବେଶିକା ପରୀକ୍ଷା ଟପ୍ପର ବନିଲେ ପ୍ରଚାରର ମାଧ୍ୟମ । ୫ଟି ମେଡିକାଲ କୋଚିଂ ସେଂଟରର କଲେ ବିଜ୍ଞାପନ । ଏଲେନ, ଆକାଶ, ଗ୍ରାଭିଟି ଓ ପାଥ ଫାଇଣ୍ଡର ଭଳି କୋଚି ସେଂଟରର ବିଜ୍ଞାପନରେ ସୋଏବ ଆବତାବ ।
କନକ ବ୍ୟୁରୋ : କେଉଁଠି ପଢ଼ିଥିଲେ ନିଟ୍ ଟପ୍ପର ସୋଏବ ଅଫତାବ । ଏହା ଜାଣିବା ପାଇଁ ସମସ୍ତଙ୍କ ମନରେ ଉକ୍ରଣ୍ଠା ବଢ଼ିଯାଇଛି । ଏଭଳି ସମୟରେ ସେ ପାଂଚଟି କୋଂଚି ସେଂଟରରେ କୋଚିଂ ନେଇଥିବା ବିଜ୍ଞାପନ ମାଧ୍ୟମରେ ସ୍ପଷ୍ଟ କରିଛନ୍ତି । ଯାହା ଏବେ ଚର୍ଚ୍ଚାର ବିଷୟ ହୋଇଛି ।
ସୋଏବ ଅଫତାବ । ମେଡିକାଲ ପ୍ରବେଶିକା ପରୀକ୍ଷା ନିଟରେ ଇତିହାସ ରଚିଥିବା ଏହି ଛାତ୍ର ଏମିତି ଏକ ମାଇଲଖୁଂଟ ହାସଲ କରିଛନ୍ତି, ଯାହାର ରେକର୍ଡ ଭାଙ୍ଗିବା ହୁଏତ ଆଗାମୀ ପିଢ଼ୀ ପାଇଁ ମଧ୍ୟ ବିରାଟ ବଡ ଚ୍ୟାଲେଞ୍ଜ ହେବ । ଆଉ ଜଣେ ଏଭଳି ମେଧାବୀ ଛାତ୍ର କେଉଁଠି କୋଚିଂ ନେଉଥିଲେ, ତାକୁ ନେଇ ସମସ୍ତଙ୍କର ଉକ୍ରଣ୍ଠା ରହିବା ବି ସ୍ୱାଭାବିକ । ଆଉ ବିଜ୍ଞାପନ ମାଧ୍ୟମରେ ଏହି ଉକ୍ରଣ୍ଠାର ଉତର ରଖୁଛନ୍ତି ସୋଏବ ।
Kanak News is now on WhatsApp
Join and get latest news updates delivered to you via WhatsApp
ସ୍ୱାଭାବିକ ଭାବେ ମେଡିକାଲ ପ୍ରବେଶିକା ପରୀକ୍ଷାରେ ଜଣେ ଯଦି ଶତ ପ୍ରତିଶତ ନମ୍ବର ରଖିବ ତେବେ କୋଚିଂ ସେଂଟରମାନେ ମଧ୍ୟ ସେଭଳି ଛାତ୍ରଙ୍କୁ ନିଜର କହିବା ପାଇଁ ପ୍ରତିଯୋଗିତା କରିବେ । ମେଡିକାଲ ଟପ୍ପର ସୋଏବ ଏବେ ଏଲେନ୍, ଗ୍ରାଭିଟି, ଆକାଶ ,ଏଟୁସ-ଇଣ୍ଡିଆ ଓ ପାଥ୍ଫାଇଣ୍ଡର ଭଳି ମେଡିକାଲ କୋଚିଂ ସେଂଟର ଗୁଡିକରେ ପାଠ ପଢ଼ିଥିବା ନେଇ ବିଜ୍ଞାପନରେ ଦାବି କରିଛନ୍ତି ।
ଜଣେ ଛାତ୍ର ପାଂଚଟି କୋଚିଂ ସେଂଟରରେ ପଢ଼ିବା ନେଇ ଦାବି କରିବା କିଛି ଅସ୍ୱାଭାବିକ ନୁହେଁ । କିନ୍ତ ମେଡିକାଲ ପ୍ରବେଶିକା ପରୀକ୍ଷା ଦେବାକୁ ଆଶାୟୀ ଥିବା ଛାତ୍ରଛାତ୍ରୀ ନିଶ୍ଚୟ ଟିକିଏ ଦ୍ୱନ୍ଦ୍ୱରେ ପଡିଯିବେ ।